المحتويات
الـ HDF هو خشب صناعي انتشر في الفترة الأخيرة، وبقى له شعبية كبيرة في سوق الأثاث الحديث بسبب مميزاته، وصناعة الخشب زادت بسبب نقص الخشب الطبيعي وارتفاع تكلفته، فبيتم إضافة مواد كيميائية لأنواع خشب بجودة قليلة لرفع جودتها وبتكون تكلفتها أقل، ومنها الأبلكاش/ الفيبر MDF/ الكونتر/ الهاردبورد/ HDF.
إيه هو خشب الـHDF؟
- اسمه High Density Fiberboard أو الألواح الليفية عالية الكثافة ويعتبر مادة حديثة
- منتج خشبي هندسي بيتكون من ألياف الخشب (الصنوبري) ممزوجة مع خشب حقيقي ومواد لاصقة (راتنج أو غراء)
- بيتم إنتاج النوع ده عن طريق الضغط عند درجة حرارة عالية لألياف الخشب اللي بتكون مقطعة ونسبة المواد الكميائية أقل من نسبة الخشب وده سبب ارتفاع جودته
- بيتم طباعة أشكال وزخارف الأخشاب المختلفة عليها
- سهلة التركيب بطريقة التعشيق أو اللصق.. بالنسبة لاستخدامها في الأرضيات ممكن تتركب فوق البلاط أو السيراميك أو الخرسانة
استخدامات الـ HDF
- الأرضيات
- الجدران الخلفية للدواليب أو الدريسنج
- في الأبواب الداخلية
- للمكاتب
- في الديكورات الداخلية بديل الخشب الصلب
أنواعه وأسعاره
- في أنواع منه: الألماني/التركي/ الأندونيسي/التايلندي/ البلجيكي/ المصري
- بيختلف سعره حسب السمك والنوع
- بيترواح سعر متر الأرضيات من 150 لـ222 جنيه وللأثاث من 1400 لـ1800 (متر مكعب)
مميزات الـ HDF
- طبقة خارجية بتتحمل الاحتكاك والحرارة والرطوبة
- مقاوم للصدمات
- سهولة التنظيف
- لونه ثابت
- سهل الفك والتركيب
- مش بيحتاج دهان كل فترة زي باقي أنواع الخشب
- ألوانه متعددة زي البني بدرجاته/ الرمادي/ النبيتي/ الأسود/ الأبيض
- عمره من 8-10 سنين
عيوب الـ HDF
- سهولة التلف
- الفطريات
- ارتفاع تكلفته نسبة لباقي أنواع الخشب الصناعي
- الطبقة العلوية بس هي المقاومة للمياه ولو اتسربت للطبقات الداخلية هتتنفخ وتعفن وتجمع حشرات
طريقة التنظيف والاعتناء بالـ HDF
- التخلص من الأتربة والغبار أول بأول
- اكنس الأرضيات مرتين على الأقل يوميا وركز على الزوايا والأركان
- استخدم المكنسة الكهربائية للزوايا اللي صعب الوصول ليها
- استخدم ربع كوباية خل مع ربع كوباية منظف الخشب في جردل مياه وامسح الأرض بقطعة قماش قطنية معصورة كويس
- مهم تجففه كويس
- قبل التركيب.. أتأكد إن الخشب المستخدم هو خشب مُعالج ومبخر لتجنب وجود السوس
- تقدر تسيطر على الحشرات عن طريق تجنب الرطوبة ومسح أي سايل على السطح بسرعة
- استخدم زيت الزيتون كل 6 أشهر كملمع طبيعي للأرضيات الخشبية
- إضافة طبقة حماية لفصل قواعد الكراسي والطرابيزان لتجنب إحداث خدوش في الأرضية
