صحة جنسية
حقائق ومعلومات مختلفة مهم تعرفها عن العلاقة الجنسية
إزاي تعرف الحقائق المختلفة عن العلاقة الجنسية؟
المحتويات
العلاقة الجنسية مازالت من الموضوعات المبهمة لبعض الناس، ومعرفة وفهم الحقائق المختلفة عنها هيساعدك تمارسها باستمتاع أكتر وتصحح المعلومات المغلوطة عنها عندك.
العلاقة الجنسية بتخفف التوتر والقلق
- ممارستها بتساعد على تقليل هرمون التوتر في الجسم وأعراض الضغط النفسي وزيادة هرمونات السعادة والشعور بالرضا
- بتقلل الضغط العصبي الناتج عن الأحداث اليومية وبتساعد على التعامل معاها بطريقة أهدى وأكتر تنظيما
- الوصول للنشوة الجنسية بيسبب إفراز هرمونات البرولاكتين والأوكسيتوسين اللي بتساعد على استقرار الحالة النفسية وتحسين جودة النوم
العلاقة بينها وبين صحة الجسم
- الحياة الجنسية المستقرة بتحسن صحة الجسم بشكل عام، لأنها بترفع معدل ضربات القلب وبتحافظ على اعتدال مستوى الهرمونات في الجسم
- عند الإصابة ببعض المشاكل الصحية زي هشاشة العظام وأمراض القلب.. ممارسة الجنس بانتظام بيفيد في تقليل الأعراض
احتمالية فقدان الرغبة في بعض الأحيان
- عدم الرغبة في ممارستها في بعض الأوقات شيء طبيعي وغير مرتبط بوجود مشكلة جنسية
- في حاجات معينة ممكن تبقى السبب فيها زي التغييرات الهرمونية أو الإصابة بخمول الغدة الدرقية
- انخفاض الرغبة الجنسية لمدة طويلة هي الحالة المقلقة وليه أسباب مختلفة، وممكن تتغلب عليه بخطوات بسيطة زي تجديد الجو العام أثناء العلاقة أو تغيير المكان
العلاقة الجنسية والمناعة
- أثناء ممارستها، الجسم بينتج أجسام مضادة اللي بتساعد على محاربة الأمراض الشائعة زي الحمى ونزلات البرد
- الدراسات أثبتت إن الأشخاص اللي بيمارسوها مرتين أسبوعيا بيتمتعوا بجهاز مناعي أقوى
- بتساعد في علاج نزلات البرد لأنها بتسبب إفراز الأدرينالين بكميات كبيرة وبالتالي تسكين الآلام
العلاقة الجنسية والسعرات الحرارية
- الدراسات أثبتت إن الرجال بيحرقوا سعرات حرارية أكتر من السيدات أثناء ممارسة العلاقة الجنسية
- ففي العلاقة اللي مدتها 25 دقيقة، ممكن يحرق بين 150-200 سعر حراري والسيدات بتحرق بين 100-150 سعر
- عدد السعرات المفقودة ممكن يزيد بتدفئة جو الغرفة وتغيير الأوضاع أكتر من مرة في نفس العلاقة وتطويل المدة
المساج
- الدراسات أثبتت إن المساج للطرف التاني بيزود الرغبة الجنسية والحميمية بين الشريكين
- بيساعد في تقليل الضغط العصبي والتوتر اللي بيأثروا سلبا على العلاقة الجنسية
العلاقة بينها وبين صحة البشرة
- الدراسات أثبتت إن الأشخاص اللي بيمارسوها من 3-4 مرات أسبوعيا بيتمتعوا ببشرة صحية وشبابية أكتر
- شكلهم بيكون أصغر عن عمرهم الحقيقي بحوالي 3-4 سنين
- بيساعد على تدفق ونشاط الدورة الدموية وضبط مستوى الهرمونات في الجسم وبالتالي ده بيحسن صحة البشرة وبيزود نضارتها عند الجنسين
