صحة
تحليل السكر صايم وفاطر: شروطه وفايدته والعوامل المؤثرة على دقة نتايجه
إزاي تعمل تحليل السكر صايم وفاطر؟
المحتويات
تحليل السكر صايم وفاطر بيظهر مدى إصابة الشخص بمرض السكر، واللي بينصح أغلب الباحثين والعلماء بإجرائه خصوصًا مع ظهور أي أعراض للسكر أو بعد الوصول لسن الـ 45 لاكتشاف المرض من بدري والالتزام بنظام حياة صحي.
شروط تحليل السكر الصايم
- لازم يبقى الشخص صايم لمدة مش أقل من 8 ساعات (بعض الأطباء بيحددوا مدة صيام 10 ساعات) عشان توصل لأدق نتيجة
- ممنوع شرب العصاير أو تناول أي أطعمة، ومسموح فقط بشرب المياه
- الأحسن يبقى التحليل بعد الاستيقاظ عشان تقلل فرصة الاستمرار لساعات طويلة بدون تناول أي أطعمة
- المدة الزمنية بين أي تحاليل سكر وبعضها مش أقل من أسبوعين
نتيجة تحليل السكر الصايم
- أقل من 100 مليجرام/ ديسيلتر: الشخص سليم ومش بيعاني من مرض السكر
- بين 100 مليجرام/ ديسيلتر و125 مليجرام/ ديسيلتر: بتتسمى بمرحلة ما قبل السكر يعني الشخص معرّض للإصابة في أي وقت
- فوق الـ 125 مليجرام/ ديسيلتر: الشخص مصاب بالسكر
- لو الشخص بيعاني من أعراض السكر ونتيجة التحليل فوق الـ 125 مليجرام/ ديسيلت يبقى ده تأكيد على إصابته
- لو مش بيعاني من أعراض.. بيكرر التحليل بعد أسبوعين للتأكد من دقة النتيجة أو إجراء تحليل مختلف للسكر
الفرق بين تحليل السكر الصومي وبين التراكمي
- تحليل السكر التراكمي بيقيس نسبة الهيموجلوبين المشبع بالجلوكوز خلال فترة من شهرين لـ 3 شهور قبل إجراء الفحص بنسبة مئوية
- السكر الصومي بيقيس نسبة السكر في الدم وقت عدم تناول الطعام لفترة من 8 لـ 12 ساعة بمقاييس مختلفة أشهرها (مليجرام/ ديسيلتر)
تحليل السكر الفاطر
- بيقيس نسبة السكر في الدم بعد الأكل بساعتين
- بتحسب الساعتين من بداية تناولك للأكل وبلاش تاكل حاجة بعدهم
- الطبيعي لازم يكون أقل من 140 مليجرام/ ديسيلتر
- لو النتيجة من 140 لـ 199 مليجرام/ ديسيلتر يبقى عندك بوادر الإصابة، ولازم تلتزم بنظام صحي صارم عشان تقلل الخطر
- القراءة الأعلى من 200 مليجرام/ ديسيلتر يبقى إنت مريض سكر ولازم تستشير طبيب متخصص فورًا
طريقة إجراء تحليل السكر الصايم والفاطر
- سحب عينة من دم المصاب عبر الوريد
- استخدام الجهاز المتخصص لقياس السكر عن طريق الوخز بإبرة وقياس كمية السكر في الدم عن طريق شرائط مرفقة مع الجهاز
عوامل بتأثر على دقة التحليل
- الإصابة بنزيف بيقلل كمية الهيموجلوبين في الدم
- فقر الدم وقلة إنتاج خلايا الدم الحمراء
- نوع هيموجلوبين مختلف عن السائد (النوع السائد هو A)
- الإجهاد الحاد بسبب الجراحات أو بعد التعافي من الأزمات القلبية بمدة بسيطة
أدوية بتأثر على دقة تحليل السكر الصايم والفاطر
- لازم تقول للشخص المختص سواء كان طبيب أو خبير التحاليل عن نوع الأدوية اللي بتاخدها لأن بعض الأدوية ممكن تأثر على دقة النتيجة زي:
- حبوب منع الحمل
- مضادات الذهان
- الأدوية المضادة للاكتئاب ثلاثية الحلقات
- مدرات البول
- الأسبرين
