فوائد القرفة: مضادة للالتهاب وبتقلل مستوى السكر في الدم

فوائد القرفة عديدة، أهمها علاج الالتهابات والوقاية من العدوى البكتيرية والفطرية، وضبط مستوى السكر في الدم، ده غير إنها مصدر غني بالألياف والفيتامينات.

العناصر الغذائية للقرفة

كل معلقة صغيرة من القرفة المطحونة (2.6 جم) فيها:

• 6.4 سعر حراري
• 2.1 جم كربوهيدرات
• 26 مجم كالسيوم
• 0.21 مجم حديد
• 1.56 مجم ماغنيسيوم
• 1.66 مجم كبريت
• 11.2 مجم بوتاسيوم
• 0.39 ميكروجرام فيتامين أ
• فيها كمية بسيطة من البيتا كاروتين، فيتامين ب، فيتامين ك، اللوتين، الليكوبين

القرفة وخصائصها الطبية

• القرفة مكونة من مادة اسمها Cinnamaldehyde وهي المسؤولة عن طعمها وريحتها المميزة
• العلماء أثبتوا إن المادة دي غنية بالخصائص الطبية، وليها دور في تحسين الميتابوليزم والحفاظ على صحة القلب

فوائد القرفة كمضاد للأكسدة

• مضادات الأكسدة بتحمي الجسم من الإجهاد التأكسدي اللي بيحصل بسبب الشوارد الحرة، وبتسبب أمراض زي أمراض القلب والشيخوخة المبكرة
• القرفة غنية بمضادات الأكسدة وخاصة مادة البوليفينول (بتحسن صحة المعدة من خلال زيادة البكتيريا النافعة)
• الأبحاث أثبتت إنها مضاد أكسدة أقوى من أطعمة كتير صحية زي الثوم والبصل
• ممكن تستخدمه كمادة طبيعية لحفظ الطعام

فوائد القرفة كمضاد للالتهاب

• الالتهاب مفيد للجسم لأنه بيساعدك في مقاومة الأمراض وتلف الأنسجة، ولكن الالتهاب المزمن أو اللي بيهاجم أنسجة الجسم بيسبب أمراض خطيرة
• الدراسات أثبتت إن القرفة فيها خصائص مضادة للالتهاب وبتساعد في حماية الجسم من الإصابة بالأمراض

القرفة للوقاية من أمراض القلب

• القرفة مرتبطة بانخفاض خطر الإصابة بأمراض القلب (السبب الأكتر انتشارا للوفاة المبكرة)
• تجربة على الأشخاص المصابة بداء السكري 2 أثبتت إن تناول نص معلقة صغيرة من القرفة (5 جم) بتأثر على مستوى السكر في الدم
• بتقلل الكوليسترول الضار والدهون الثلاثية في الجسم، وبتحافظ على ثبات الكوليسترول الجيد
• بحث تاني أثبت إن تناول 120 مجم من القرفة يوميا بيقلل الكوليسترول الضار وبيعلي الكوليسترول الجيد في الجسم

فوائد القرفة لتحسين حساسية الأنسولين

• الأنسولين من الهرمونات المسؤولة عن تنظيم الطاقة والميتابوليزم، ومهم لنقل السكر من الدم لخلايا الجسم
• مقاومة الأنسولين هي حالة صحية بيكون فيها الأنسولين أقل فعالية في تخفيض مستوى السكر في الدم، وبالتالي زيادة مستوى السكر في الدم والإصابة بأمراض خطيرة زي داء السكري 2
• القرفة بتساعد في تقليل مقاومة الأنسولين في الجسم ورجوع الأنسولين لوظيفته الطبيعية

فوائد القرفة لخفض مستوى السكر في الدم

• القرفة بتقلل كمية الجلولكوز في الجسم بعد الأكل، وده من خلال تنشيط إنزيمات هاضمة بتبطأ تكسير الكربوهيدرات في الجهاز الهضمي
• دراسات كتير أثبتت إنها بتقلل مستوى السكر في الدم في التحليل الصائم بحوالي 10-29%
• الجرعة المناسبة لخفض مستوى السكر في الدم  هي 0.5-2 معالق صغيرة (1-6 جم) من القرفة يوميا

القرفة لمقاومة أمراض التآكل العصبي

• هي الأمراض اللي سببها الأساسي الفقدان التدريجيئ الشديد لوظيفة الخلايا العصبية، زي الزهايمر وداء باركنسون
• القرفة فيها مركبات بتقلل تراكم بروتين اسمه tau في المخ، وهو واحد من مؤشرات الإصابة بالزهايمر

فوائد القرفة للوقاية من السرطان

• الدراسات في النقطة دي محدودة وكانت على الحيوانات بس
• التجارب أثبتت إن القرفة بتقلل نمو الخلايا السرطانية
• تجربة تانية أثبتت إنها بتحفز إنزيمات إزالة السموم في القولون، وده بيحمي من نمو الخلايا السرطانية فيه

القرفة لمقاومة العدوى البكتيرية والفطرية

• الخصائص المضادة للبكتيريا فيها بتساعد في التخلص من رائحة الفم الكريهة والوقاية من تسوس الأسنان
• التجارب أثبتت إن زيت القرفة بيقلل نمو أنواع معينة من البكتيريا

فوائد القرفة للوقاية من التصلب المتعدد

• التصلب المتعدد هو مرض مناعي يصيب المخ والحبل الشوكي والأعصاب البصرية وبيسبب مشاكل في الاتصال بين الدماغ وباقي الجسم، وبيسبب تلف دائم في الأعصاب
• بعض الدراسات أثبتت إن القرفة بتساعد في تقليل التهاب الجهاز العصبي المركزي وبعض أماكن من المخ
• وأثبتت إنها بتعيد مستويات النخاعين الدهنية اللي بيسبب تلفها المرض

فوائد القرفة في تقليل آثار الدهون على الجسم

الدراسات أثبتت إن الأنظمة الغذائية الغنية بتوابل زي القرفة بتساعد في تقليل الآثار السلبية لأكل وجبة غنية بالدهون

فوائد تانية للقرفة

بعض التجارب أثبتت دور مكملات القرفة الغذائية في:

• سد الشهية
• علاج اضطرابات الجهاز الهضمي
• تقليل أعراض داء السكري

محاذير تناول القرفة

• تناول القرفة بكميات بسيطة آمن، ولكن الموضوع بيختلف في بعض الحالات لأن فيها مادة الكومارين اللي الكمية الكبيرة منها بتسبب تلف الكبد وبتأثر على تجلط الدم
• استشير الدكتور في حالة تناول أدوية لتجلط الدم أو لو مصاب بمشكلة في الكبد أو داء السكري
• تجنب تناولها لو ظهر عليك أعراض تحسسية زي تورم الفم أو اللسان أو في حالة ظهور قرح

الكمية المناسبة من القرفة

• العلماء اختلفوا على الكمية اليومية المناسبة منها، لأن الدراسات والتجارب اختلفت في الكمية المستخدمة فيها
• بعض العلماء بينصحوا بكمية من 1/2-معلقة صغيرة (4-2 جم) من القرفة المطحونة يوميا

طرق تناول القرفة

• ضيفها على التوست في الفطار مع الجبنة
• استخدمها على خليط الشوفان مع الحليب والفاكهة
• خليها مكون من مكونات الكوكيز، الكيك، المعجنات، رقائق الخبز الصحية
• ضيفها للمشروبات الساخنة زي القهوة
• استخدمها كإضافة على الوافل أو البان كيك الصحي