خدمات
السكة الحديد: حجز التذاكر أونلاين وطرق الاستعلام عن مواعيد القطارات
إزاي تحجز تذاكر القطار أونلاين؟
المحتويات
السكة الحديد المصرية بتقدم خدمة حجز التذاكر أونلاين عشان توفّر وقتك ومجهوك وبيتيح موقع سكك حديد مصر أو تطبيق قطارات مصر سهولة الحجز والاستعلام عن مواعيد قيام القطارات في أي وقت خلال الـ 24 ساعة.
حجز تذاكر السكة الحديد أونلاين عن طريق التطبيق
- حمّل تطبيق قطارات مصر واعمل تسجيل حساب جديد
- التطبيق بيتيح لك حجز 4 تذاكر ذهاب و 4 تذاكر عودة
- اكتب اسمك بالكامل والرقم القومي والبريد الإلكتروني عشان تعمل تسجيل دخول للتطبيق
- ادخل على استعلام عشان تعرف القطارات المتاحة ليك
- عن طريق تحديد التاريخ والموعد اللي عايز تسافر فيه وتحديد محطات الركوب والوصول
- في البداية اختار الاستعلام عن طريق الإنترنت عشان تعرف اسم القطار اللي ممكن يوصل عندك لو هتركب من مركز مش من المحطة الرئيسية للمحافظة
- اختار المحافظة اللي عارف إن القطار هينطلق منها وركّز في رقم القطار
- بعدها ادخل على شباك التذاكر (داخل قائمة استعلام) واتأكد إن رقم القطار المكتوب هو نفسه اللي هيطلع من المحطة الرئيسية
- اخرج من قائمة الاستعلام وادخل قائمة الحجز وحدد معاد السفر والدرجة ونقطة الركوب والوصول
- نقطة الركوب هتحددها من المحطة الرئيسية اللي جاية منها القطار مش من المركز اللي هتركب منّه
- الحجز متوفر فقط باسم المحطات الرئيسية اللي بتنطلق منها القطارات
- بعد تحديد رقم القطار احجز عن طريق كتابة الاسم بالكامل والرقم القومي وبعدها اختار وسيلة الدفع سواء فيزا أو ماستر كارد
- بعد إتمام الحجز هيوصلّك رسالة على الموبايل مكونة من ٦ أرقام لازم تكتبهم
- بيوصلّك بعدها إن الحجز تم بنجاح وتحت الرسالة دي هتضغط على المساحة الفارغة عشان تظهرلك بيانات التذكرة
- تقدر تلتقطها كصورة وتحتفظ بيها على الموبايل واحتفظ بيها أو اطبعها
- خلي معاك بطاقة الرقم القومي الخاصة بيك مع صورة التذكرة على الموبايل
طريقة استرجاع التذكرة بعد الحجز أونلاين
- ادخل على قائمة رحلاتي واختار تاريخ الرحلة اللي عايز تلغي تذكرتها
- بتظهرلك بيانات التذكرة وقتها اختار تفاصيل وحدد إلغاء
حجز تذكرة القطار عن طريق الموقع
- بعد الدخول على الموقع وتسجيل مستخدم جديد عن طريق كتابة اسم المستخدم والرقم القومي ورقم الهاتف والبريد الإلكتروني
- بتظهرلك بعدها قائمة الحجز اختار منها محطة القيام ومحطة الوصول وتاريخ السفر
- لما بتلاقي القطار المناسب ليك بتحدد رقمه وعدد المقاعد والدرجة
- بتختار حجز وبعدها بتظهرلك صفحة بتحتوي على بيانات الدفع المطلوبة
- الأحسن تطبع التذكرة المكتوب فيها رقم المقعد والقطار وتاريخ الرحلة وتحتفظ بيها وتقدمها عند الطلب ومعاها بطاقة الرقم القومي الخاص بيك
خطوات ركوب القطار بأمان
- اختار عربة في منتصف القطار لأن حمّلها أقل من بدايته ونهايته
- أطراف القطار هي أكتر أماكن بتتركز فيها القوة وبيزيد الضرر على ركابها في حالات الحوادث
- اقعد عكس اتجاه سير القطار ولو حصل تصادم هتدفعك القوة عكس اتجاهه
- قلل مدة تواجدك في عربة الكافيتريا لأن الضرر بيبقى مضاعف فيها
- بلاش تقعد جنب الشباك ولو القطر بيمشي وفي اتجاهه لارتكاب حادث اخرج من أقرب شباك أو باب ليك
- اتني ركبتك وضم دراعك على صدرك وافرد ضهرك أثناء الخروج
- اختار مكان فاضي تنزل عليه وركّز حمل جسمك على الجنب عشان تنزل وجسمك يلف أكتر من مرة على الأرض
