المحتويات
الحموضة (Heartburn) عرض يصيب ناس كتير خاصة بعد أكلة دسمة أو مقلية، وليها أسباب زي السمنة والحمل والنظام الغذائي الخطأ، هنقدملك طرق علاجها والوقاية منها.
أعراض الحموضة
هي إحساس بالحرقة في الصدر بيظهر بعد الأكل وممكن يأثر على ميلك للأكل أو للحركة باقي اليوم وبيصاحبها أعراض:
- طعم مر في الفم أو الحلق
- الانتفاخ
- الحرقان الممتد من المعدة للفم أو الحلق
مضاعفات الحموضة
لو ظهر عليك الأعراض دي لازم تستشير دكتور
- الإصابة بيها أكتر من مرتين أسبوعيا
- صعوبة البلع
- الإصابة بيها بالرغم من تناول الأدوية المخصصة ليها
- الشعور بالغثيان والرغبة في القيء المستمر
- فقدان الوزن بسبب فقدان الشهية وصعوبة الأكل
- التجشؤ المتكرر
- البراز الغامق أو الدموي
- الدوخة
- التعرق المصاحب لآلام الصدر
- الكحة
أسبابها
- الحموضة بتحصل بسبب صعود حمض المعدة منها للمريء والمعروف بإسم الارتجاع المريئي
- الحمل بسبب تغير مستوى الهرمونات في الجسم
- السمنة خاصة في منطقة البطن
- التدخين أو شرب الكحول
- تناول القهوة أو الشوكولاتة بكميات زايدة
- النوم أو الاستلقاء بعد الأكل على طول
- تناول أنواع معينة من الأكل زي المقليات والأكلات الدسمة والبصل والفواكه الحمضية والنعناع
- الانتظام على تناول أدوية زي الأسبرين والايبوبروفين وأدوية الاكتئاب والربو
- الإجهاد والضغوطات النفسية
طرق الوقاية من الحموضة
- راقب نظامك الغذائي عشان تعرف محفزاتها وتتجنبها
- استشير دكتور عشان يوصفلك الدواء المناسب ليك
- تجنب الأطعمة والمشروبات اللي بتحفزها زي الفواكه الحمضية والأطعمة الحارة والدسمة
- قلل أكل الثوم والبصل والفلفل الحار
- ارفع رأسك بسيط اثناء النوم للوقاية منها
- تجنب النوم بعد الاكل على طول وسيب وقت بين وجبة العشاء والنوم على الأقل ساعتين
- تجنب الأكل بسرعة وامضغ الأكل كويس لأن الأكل ببطء بيقي من الحموضة وعسر الهضم
- اشرب مياه أول حاجة الصبح عشان تحمي نفسك منها طول اليوم
- قسم وجباتك على 5-6 وجبات صغيرة عشان الـ3 وجبات الكبيرة ممكن تحفزها
- قلل وزنك في حالة السمنة لأن الدهون بتضغط على الصمام العلوي
- البس ملابس فضفاضة قبل النوم لتجنب الإصابة بيها بليل
- امضغ لبان خالي من السكر لأنه بيساعد على إفراز اللعاب اللي بيساعد على معادلة الحموضة
- الانتظام على تناول أو استخدام بعض الأعشاب في المشروبات أو الطبخ زي الكمون والينسون والبابونج والزنجبيل
- تناول 3-4 من اللوز الني يوميا
- انتظم على ممارسة الرياضة يوميا زي المشي أو الجري
أضرار الإفراط في أدوية علاجها
- أدوية الحموضة فيها مادة بتتفاعل مع المادة الفعّالة فيها (كربونات الكالسيوم) مع بعض أحماض المعدة وبينتج عنها شوارد الكالسيوم فبيزيد امتصاص الكالسيوم في الجسم بكميات كبيرة ممكن تأثر على صحة الكلى والقلب
- وده بيقلل امتصاص الجسم لبعض الفيتامينات ومع الوقت بتسبب أنيميا
- بعض الحالات ممكن توصل المضاعفات للإصابة بشلل كلوي
- دراسة ألمانية بتقول إن الإفراط فيها بيزود فرص هشاشة العظام وأمراض الخرف
- بتنشط هرمون الجاسترين اللي بيزود إفراز نمو الخلايا السرطانية
- بتقل حامضية المعدة وبترتبط بأعراض جانبية زي الإسهال اللي ممكن يسبب جفاف
- بتزيد فرص الإصابة بعسر الهضم المزمن
- لازم تستشير طبيب متخصص قبل تناولها
أطعمة لتقليل الحموضة
- اللبن الرايب يوميا مفيد وهيقلل معدل الارتجاع المريئي
- الفاكهة غير الحمضية زي التفاح والبطيخ والموز لأنها بتوازن حمض المعدة
- شرب البابونج والشمر دافيين بيقلل إنتاج حمض المعدة بس تجنب شربهم ساخنين
- الخضار ني أو المسلوق أو المشوي هيساعدك وتجنب أكله مقلي أو مطبوخ بكريمة أو في شكل عصاير
- الشوفان بيساعد في امتصاصه وتقليل الارتجاع المريئي لأنه غني بالألياف
- الأسماك خاصة السلمون قليلة الحموضة بس تجنب الاستخدام الزايد للبهارات والليمون
- القرفة بتهدي المعدة وبتسهل الهضم
- إضافة القرنفل للأكل بيقلل أعراضها وبيحسن ريحة الفم
- تناول قطعة جنزبيل خام أو شربه دافي بيهدي حموضة المعدة لأن فيه خصائص مضادة للالتهاب
- مياه جوز الهند بتظبط درجة حموضة المعدة وبتحميها من أضرارها وبتحسن الهضم
