المحتويات
اضطراب فرط الحركة وتشتت الانتباه أحد الاضطرابات العصبية اللي بتحصل في مرحلة الطفولة ومفيش أسباب واضحة للإصابة بيه، وبيأثر على جوانب كتير زي التحصيل الدراسي والعمل والعلاقة الجنسية.
تأثير اضطراب فرط الحركة على العلاقة الجنسية
التأثيرات متنوعة وشدتها بتختلف من شخص للتاني، فبعض الأعراض المرتبطة بالعلاقة الجنسية ممكن تكون العجز الجنسي وده بيسبب توتر شديد في العلاقة بين الطرفين، ومعرفة المشكلة وأبعادها بيساعدك على تخطيها
بعض أعراض اضطراب فرط الحركة هي الاكتئاب وعدم إتزان المشاعر والقلق، وبتأثر على سلبا على العلاقة الجنسية وحميميتها
الشخص المصاب بيواجه صعوبة في التنظيم وإيجاد الطاقة المناسبة للاشتراك في الأنشطة الجنسية
الدراسات حصرت الأعراض المرتبطة بالعلاقة الجنسية في مجموعتين.. العزوف الجنسي أو فرط النشاط الجنسي
فرط النشاط الجنسي واضطراب فرط الحركة
فرط النشاط الجنسي هو الشعور برغبة جنسية بشكل فوق الطبيعي، فالتحفيز الجنسي بيسبب إفراز الإندورفين والنواقل العصبية في المخ، وده بيسبب الشعور بالهدوء والاسترخاء اللي بيسببه الاضطراب
بعض الأشخاص المصابة بيه عندهم فرصة أعلى للدخول في علاقات جنسية تلقائية خطيرة بدون تفكير
العزوف الجنسي واضطراب فرط الحركة
العزوف الجنسي هو العكس تماما.. الشعور بقلة الرغبة الجنسية وده سببه ممكن يكون الاضطراب أو بسبب الأدوية اللي الشخص المصاب بيتناولها
العلاقة الجنسية واحدة من الأنشطة اللي بتمثل تحدي للشخص المصاب، فهو معرض لضعف التركيز في العلاقة أو فقدان الشغف أو الشعور بالتشتت
طرق التعامل مع التحديات الجنسية
السيدات المصابة باضطراب فرط الحركة وتشتت الانتباه قالوا إن البعض منهم بيواجهوا صعوبة في الوصول للنشوة والبعض التاني بيوصلوا للنشوة أكتر من مرة وبسرعة وفي أوقات تانية بيصعب الوصول ليها
الأشخاص المصابة بيكونوا حساسين بشكل زايد، وبالتالي الحميمية والتفاصيل الجنسية الحلوة للطرف غير المصاب ممكن تكون مزعجة ومؤلمة نفسيا للطرف المصاب
الروائح والقرب الزايد والتلامس ممكن يسببوا انزعاج الشخص المصاب، وفرط الحركة هتصعب عليه الاسترخاء والوصول للحميمية مع الطرف التاني
التجديد
جرب حركات أو تفاصيل جديدة مع شريكك زي تغيير مكان العلاقة الجنسية أو هيأ جو مختلف عشان تحدد الوضع الأنسب ليك
التواصل والاتفاق
اتكلم مع شريكك بصراحة عن المشاعر الصعبة اللي بتواجهها أثناء العلاقة الجنسية والطرق اللي بيأثر بيها الاضطراب عليها
لو شريكك مصاب بيه.. راعي مشاعره وحاول توصل معاه لحل وسط في الحاجة اللي بتريحه زي طفي النور أو عدم استخدام معطر أو كريم جسم رائحته قوية
الاستعانة بمعالج نفسي
لو حاسس إن الموضوع عائق لتحقيق علاقة جنسية مستقرة مع شريكك.. استعين بشخص متخصص عشان يساعدك في فهم المشكلة اللي بتمر بيها وإيجاد الطرق المناسبة لتخطيها
تحديد الأولوية
فكر في الحاجات اللي بتشتت انتباهك زي التلفزيون أو العمل قبل ممارسة العلاقة الجنسية وحاول تبعد عنها
هيأ لنفسك جو هادي ومناسب وبعيد عن طبيعة المحفزات اللي بتشتت انتباهك
مارس اليوجا أو تمارين التأمل مع شريكك قبلها
حدد مواعيد للعلاقة الجنسية مع شريكك عشان التعامل معاها بشكل محدد هيساعدك تركز فيها أكتر
