أسباب الشخير وتأثيره على الجسم وطرق علاجه المختلفة

الشخير بيحصل عند إعاقة تدفق الهواء عبر الفم والأنف عند انتقال الإنسان لمرحلة النوم العميق واسترخاء عضلات الفم والحلق واللسان.

هو حالة بتطلب من الشخص المصاب توفير الرعاية الطبية والعلاج المناسب لأنه بيأثر على الجسم والصحة بشكل سلبي وبيتطلب تغييرات في نمط الحياة والنظام الغذائي

ما هو الشخير؟

هو صوت أجش بيحصل عند تدفق الهواء أمام الأنسجة المتراخية بالحلق، وده بيسبب اهتزاز الأنسجة مع التنفس، وفي حاجات معينة اتباعها ممكن يقلل معدل حدوثه أو شدته، وفي أجهزة طبية وجراحات بتساعد الحالات الأشد

الأعراض

ساعات الشخير بيكون مصاحب لإحدى اضطرابات النوم وهي انقطاع النفس الانسدادي النومي، لكن مش كل اللي بيعانوا من انقطاع النفس الانسدادي، ولو الشخير مصاحب بواحدة من الأعراض التالية فلازم تشوف دكتور، زي:

• توقف التنفس مؤقتا أثناء النوم
• النوم المفرط الصبح
• صعوبة التركيز
• الصداع الصباحي
• التهاب الحلق عند الصحيان
• النوم غير المريح
• انقطاع النفس أو الشعور بالخنقة بالليل
• ألم الصدر بالليل
• ارتفاع صوت الشخير لدرجة إزعاج شريكك
• لو طفل.. ضعف مدة الانتباه أو ظهور المشاكل السلوكية أو ضعف الأداء الدراسي

أسباب الشخير

النوم على الضهر

لأن الجاذبية بتسبب انهيار عضلات مجرى الهواء ضد أنسجة الحلق وبالتالي بتشخر بمعدل واضح

النوم على الضهر بيسببه في حالات:

• لو مجرى الهواء ضيق من البداية وده بسبب تراكم الأنسجة الدهنية في حالة زيادة الوزن
• في حالة إن اللسان حجمه كبير وبيشغل مساحة كبيرة من الحلق
• لو عضلات مجرى الهواء العلوي واللسان بتسترخي كتير أثناء النوم

قلة النوم

• في حالة حرمان الجسم من النوم الكافي، فهو بيحاول يعوضه عن طريق زيادة مقدار النوم العميق اللي بتاخدها يوميا
• الشخير بيظهر أكتر في المراحل العميقة من النوم

توقف التنفس النومي

• الشخير هو واحد من الأعراض المنتشرة ليه وهي حالة بتحصل لما عضلات الحلق بتسترخي جدا وده بيمنع تدفق الهواء
• لما ده بيحصل.. الأكسجين بيواجه صعوبة في الدخول لمدة ثواني لحد لما الدماغ بتتعرف على المشكلة وبتسبب استيقاظ الشخص مدة بسيطة من النوم

التدخين

• ممكن يهيج أنسجة الهواء العلوي ويسبب التورم وده بيقلل المساحة المتاحة للتنفس الصحيح
• وفي بعض الحالات ممكن يسبب احتقان الممرات الأنفية وبالتالي الشخص بيبذل مجهود لسحب الهواء من خلاله، ويتسبب في انهيار مجرى الهواء العلوي إلى الداخل والاهتزاز ضد الأنسجة الأخرى وده بيسبب الشخير

انحراف الحاجز الأنفي

• بيحصل الحاجز المنحرف لما يتجه الجدار بين ممر أنفك لجانب واحد، ويعاني حوالي 80% من الأشخاص من انحراف طفيف في الحاجز الأنفي
• الانحراف الشديد ليه هو اللي بيسبب الشخير، لأنك بتحتاج مرور كمية كبيرة من الهواء في ممر الأنف الضيق

زيادة الوزن

السمنة واحدة من أسباب الشخير خاصة لو ظهرت فجأة، لأن تراكم الدهون في الجسم بيسبب ضيق وصعوبة التنفس أثناء النوم

التقدم في العمر

في بعض الحالات، السن بيسبب ضعف عضلات الحلق وده بيسبب صعوبة التنفس أثناء النوم

المشروبات الكحولية والشخير

الاستمرار على شربها خاصة قبل النوم بيسبب ترخي عضلات الحلق

عوامل الخطر

في بعض الحالات بيزيد عندهم فرص الشخير، زي:

• الجنس، فالرجال أكتر عرضة للإصابة بيه
• المعاناة من زيادة الوزن بيخلي الشخص أكتر عرضة ليه
• الإصابة بتضييق الممرات التنفسية
• شرب الكحول
• وجود تاريخ عائلي مع الشخير أو انقطاع النفس النومي
• تناول بعض الأدوية المضادة للاكتئاب أو المهدئة

مضاعفات الشخير

بيسبب الإزعاج للشخص نفسه والناس اللي حواليه، والإصابة بيه كعرض من أعراض انقطاع النفس النومي ليه مضاعفات زي:

• النوم المتكرر نهارا بسبب الشعور بالتعب
• الإحباط والغضب مع شريكك
• زيادة فرص الإصابة بارتفاع ضغط الدم والأمراض القلبية
• خطورة متزايدة لحدوث مشاكل سلوكية زي العدوانية
• مواجهة مشاكل في التعلم لو طفل

طرق التغلب على الشخير

تغيير نمط الحياة

في خطوات معينة اتباعها هيساعدك تتغلب عليه زي:

• ممارسة الرياضة بانتظام
• إنقاص الوزن الزايد لتقليل الأنسجة الدهنية في الجزء الخلفي من الحلق
• محاولة توقف التدخين نهائيا
• عدم النوم على الضهر والتعود على النوم على جنبك
• الاهتمام بعلاج احتقان الأنف أو ضيق التنفس
• رفع الرأس على مخدة أثناء النوم
• عمل روتين للنوم للحفاظ على جودته والنوم عدد ساعات كافي
• لو مصاب بمشكلة في شكل الأنف.. استشير دكتور لأنك ممكن تحتاج عملية جراحية

علاجات جراحية

جراحة استئصال اللوزتين أو إزالة اللحمية

يمكن استئصال اللوزتين أو اللحمية من الجزء الخلفي من الحلق والأنف واللي بيساعد على علاج الشخير

جراحة ترميم للحلق والبلعوم

غالباً ما يوصف للمرضى اللي بيعانوا من حالات معتدلة أو حادة من انقطاع التنفس أثناء النوم بسبب وجود انسداد في المجاري الهوائية ويعمل العلاج ده على شد وإعادة ترتيب الخلايا و الأنسجة الزائدة في الحلق والفم

ترميم جراحي لتحسين النوم

وهو عبارة عن إجراء جراحي محدود يستخدم ترددات إشعاعية محدودة لتقليص الأنسجة المفرطة في أنسجة الفم واللسان عشان يساعد في علاج الشخير وممكن استخدام  العلاج ده للتخفيف من حالات انسداد الأنف

جراحة النتوء الأنفية

وهي جراحة تعمل على تقليل مقاومة تدفق الهواء عن طريق الأنف