المحتويات
علاج القمل بسيط لكنه بيحتاج صبر وعناية، وممكن تستخدم علاجات منزلية طبيعية أو بعض المستحضرات الطبية، والقمل عبارة عن حشرة بيتغذى على الدم في فروة الرأس، ويعتبر معدي بينتقل من شخص لشخص، خاصة بين الأطفال في الحضانات والمدارس والنوادي.
أسباب الإصابة بالقمل
بينتقل القمل من شخص للتاني من خلال تبادل الملابس والأغراض الشخصية واللمس
- في الحضانات أو في المدارس: بيتنقل بين الأطفال أثناء اللعب أو تبادل الأغراض الشخصية زي الكابات
- العدوى عن طريق النوم على مكان شخص مصاب أو تبادل الأدوات الشخصية (زي الفوط) عادة بتحصل بين الأطفال الأشقاء والوالدين
- تواجد بيئة غير نظيفة زي التعامل مع المشردين وأوقات الحرب والنزوح والمخيمات
أعراض الإصابة بالقمل
- الحكة
- الإصابة بجروح بسبب الحكة
- ظهور قشور صغيرة بيضاء
- التهاب واحمرار فروة الرأس
علاج القمل بمستحضرات طبية
- البيرثرين: موجود في أنواع من الشامبوهات، ممكن تستخدمه للأطفال أكبر من سنتين
- بيرميثرين: نفس فاعلية البيرثرين، وممكن تستخدمه للأطفال الأكبر من شهرين
- Black Lotus Lice Repellent Spray
- Areej No more lice preventative spray and treatment
- Nitolic
علاج القمل بطرق منزلية
- اغلي كمية قرنفل فى كوبايتين مياه وحطهم في زجاجة بخاخ ورش فروة الرأس وشعر الطفل واغسله بعد ساعة وكررها مرتين في الشهر للوقاية
- حط نقط من زيت شجرة الشاي/ اللافندر على الشامبو العادي أو البلسم اللي بتستخدمه الأم للطفل للوقاية
- ادهن شعر طفلك المبلل بزيت جوز الهند بعد الاستحمام
- ادهن فروة الرأس بكمية مناسبة من المايونيز وغطي رأسك للصبح واستخدم المشط المخصص، واغسل الشعر كويس
- اهرس 8-10 فصوص توم، واعصر عليها عصير الليمون، وادهنها فروة الرأس وسيبه لمدة نص ساعة واغسله كويس
نصائح مهمة أثناء علاج القمل وتجنبه
- اغسل كل أغطية السرير والمخدات بالمياه السخنة
- استخدم المشط الضيق الأسنان (الفلاية) عشان تتخلص من الحشرات والبيض
- تخصيص أدوات شخصية لكل فرد في الأسرة زي الفرش والفوط
- الاستحمام وغسل الرأس جيدًا مرتين كل أسبوع في الصيف ومرة في الشتاء وممكن تزيد حسب نشاط الطفل
