حيل Netflix وحل مشاكل تشغيله وتوفير باقة الإنترنت وقت استخدامه

Netflix من أشهر منصات عرض المسلسلات والأفلام والبرامج بمختلف أنواعها وحيل كتير تقدر تستخدمها، عشان تسهل استخدامك للتطبيق وتحل مشكلاته وتشغّل النسخة الخاصة بدولة تانية غير الدولة اللي عايش فيها.

حيل استخدام Netflix 

 لمسح تاريخ السيرش

• افتح حسابك وبعدين (Profile)
• اختار (Viewing Activity) وامسح اللي مش عايزه

 لمشاهدة المحتوى أوفلاين

• اتأكد إن عندك آخر نسخة من نتفليكس وافتح التطبيق على الموبايل أو اللابتوب
• دور على رمز الـ(Downloads) اللي على شكل سهم جنب المسلسل أو الفيلم
• دوس عليه وافتح ملف الـ(Downloads) عشان تتفرج عليهم
• لما تخلص مشاهدته امسحه واعرف إن مشاهدتهم متاحة لوقت معين

 لتسهيل اختيار مسلسل أو فيلم جديد

• فعل خاصية الـ(Shuffle Play) عشان يقترح عليك محتوى جديد بناء على تاريخ مشاهدتك

 عشان تعرف أجدد الأفلام

• افتح (Netfix Calendars) عشان تشوف خريطة الإضافات الجديدة لأنه بيعرفك أجدد الأفلام والمسلسلات من إنتاج نتفليكس

 للإعدادات الجديدة

• استخدم (Chrome Actions) على اللابتوب لتجنب سؤال (Are you still watching)/ عرض الحلقة القادمة تلقائيا/ إلغاء المقدمة تلقائيا/ بيمنع التشغيل التلقائي للمسلسلات على نفس الصفحة

للاستمتاع بالمحتوى غير الإنجليزي لو الدوبلاج غير مريح ليك

• افتح (Audio) وبعدين (Subtitles) اختار (Original Language Audio) وفعّل الترجمة

لتغيير شكل الترجمة

• افتح (Your Account) وبعدين (Your Profile) واختار (Subtitle Appearance) وغير اللون/ الحجم/ الشكل

لتعلم لغة جديدة

• استخدم (Chrome Actions) من على المتصفح على اللابتوب وفعل خاصية ظهور الترجمة بلغتك الأم واللغة اللي عايز تتعلمها وقارن بينهم وبين الصوت

حل مشاكل تشغيل التطبيق Netflix

• لو تحميل المحتوى بياخد مدة طويلة اظبط البيانات في إعدادات المستخدم على الوضع التلقائي عشان توفّر أعلى جودة ممكنة حسب سرعة الإتصال
• لو مش عارف تحمّل المحتوي اتأكد إن عندك أحدث إصدار من تطبيق Netflix على نظم تشغيل Android/ IOS/ Windows 10 وراجع إتصالك بالإنترنت واعرف إن الإصدار المناسب هو الـ IOS 9.0 أو أعلى للآيفون أو إصدار 4.2.2 للأندرويد
• لو مش عارف تعمل تسجيل دخول على حسابك الشخصي ادخل على اللينك ده عشان تكمّل إدخال البيانات الشخصية اللي عدم إكمالها بيأخر تسجيل وعشان تعرف إذا كان فيه حساب قديم غير مفعل موجود علي الموقع ولا لأ
• لو الشاشة سوداء قدامك والصوت بس اللي شغّال  غيّر المتصفح واقفل الـ Extensions لو فاتحه من كروم أو الغي التطبيق وحمّله مرة تانية لو بتستخدمه من جهاز لوحي أو موبايل
• غيّر شبكة الواي فاي خصوصًا لو لقيت أرقام على الشاشة زي 12001 أو 1016

التحكم في استهلاك نتفليكس للإنترنت 

•  نتفليكس عاملة جدول لمتوسط قيمة الاستهلاك مقابل جودة المشاهدة:
• جودة العرض المنخفضة (480p) بتستهلك تقريبا 300 ميجابايت في الساعة
• المتوسطة (720p) بتستهلك تقريبا 700 ميجابايت في الساعة
•  المرتفعة (1080p) تستهلك تقريبا 3 جيجابايت في الساعة
•  الفائقة (4K) بتقنية (HDR) أو بدونها بتستهلك تقريبا 7 جيجابايت في الساعة
• عشان تتحكم في استهلاكه افتح نتفليكس من المتصفح وبعدها افتح حسابك وبعدين إعدادات العرض (Playback Settings)
• هتظهرلك اختيارات متعلقة بجودة العرض وهي (Low ) و(Medium) و(High) و(Auto)
• اختار الأقل والأنسب لمشاهدتك
• اعرف إن الاختيار المفعل مسبقا (Auto) بيفعل الجودة الأعلى تلقائيا حسب جودة وسرعة الإنترنت
• الغي خاصية تشغيل الحلقة التالية لأنها بتستهلك الإنترنت

من الموبايل

• افتح تطبيق نتفليكس وبعدين اختار (More) وبعدين (App Settings)
• اضغط على (Video Playback).. هيظهرلك 4 اختيارات
•  الأول (Automatic) يعمل على التوازن بين جودة الصورة واستهلاك الإنترنت وبيستهلك حوالي 1 جيجابايت من بيانات الإنترنت في الساعة
•  التاني هو (Wi-Fi Only) وبيمنع تشغيل نتفليكس في حالة استخدام بيانات الإنترنت
•  التالت هو (Save Data) وبيعدل الصورة تلقائيا بحيث الاستهلاك يكون 1 جيجابايت لكل 6 ساعات
•  الرابع هو (Maximum Data) وبيستهلك الإنترنت بدون حساب بما يتوافق مع أعلى جودة للصورة واختار الوضع الأنسب ليك

  لو تلفزيون ذكي

• لا تتضمن كل الأنواع خاصية التحكم في استهلاك الإنترنت
• بعض الأجهزة فيها خاصية تحديد الجودة العامة للمشاهدة بحد أقصى (1080p) وبيمنع أي جودة أعلى