المحتويات
اللافندر من النباتات اللي ليها رائحة نفاذة قوية وبينمو في البحر المتوسط، وبيعتبر من النباتات اللي شكلها جميل بألوان زاهية متنوعة سواء أبيض أو أصفر أو أرجواني، لو بتحبه وبتفكر تجرب تزرعه مهم تعرف خطوات وشروط زراعته في البيت بجانب تأثيره على صحة الجسم وفوائد زيت اللافندر للشعر والبشرة والصحة العامة.
شروط زراعة اللافندر في البيت
- التعرض لأشعة الشمس لمدة 8 ساعات يوميًا
- النمو في الطقس المعتدل بعيد عن الطقس البارد القارس أو الحار
- بيفضل زراعته في التربة الرملية ولكن ممكن زراعتها في أغلب أنواع التربة
- اختيار بذور جيدة عالية الجودة لنمو النبات في أحسن حالاته
خطوات زراعة اللافندر
- جّهز التربة كويس واتأكد إن رطوبتها مناسبة (والأحسن في الخطوة دي تستشير شخص متخصص)
- زوّد التربة بالكيماويات والأسمدة اللي بتساعد على تعويض أي عجز في أملاح التربة ومن أهم أنواعه البوتاسيوم والنيتروجين
- الخبراء بينصحوا بإضافة نص كوباية جير لتصريف المياه بسهولة وضروري تهتم بتهوية التربة لأنه بيحتاج تهوية عالية
- زراعة شتلات أو عقل اللافندر مضمونة أكتر من زراعة البذور لأن البذور بتاخد وقت حوالي شهر عشان تبدأ تظهر النتيجة
- ضروري يبقى الوعاء اللي هتحط فيه التربة مستوي وخالي من أي اعوجاج أو التواء
- لو هتزرع اللافندر عن طريق البذور خلال فصل الصيف يبقى لازم تحطها في كيس بلاستيك وفوقها جزء من التربة وتحتفظ بالكيس داخل التلاجة لمدة 3 أسابيع قبل بداية الزراعة
- اهتم بري اللافندر بالنهار مش بالليل عشان يجف وتقلل فرص تراكم التربة الطينية اللي بتضر النبات
فوائد اللافندر
- بتستخلص منه شركات الأدوية مركبات كيميائية لتصنيع بعض العلاجات وتحديدًا الزيوت اللي بتستخدم في علاج الاستنشاق لتحسين التنفس
- بجانب فوائد زيت اللافندر للصحة سواء الصحة العامة أو الجلد وفوائد شاي اللافندر
- بتدخل مشتقاته في إنتاج مستحضرات التجميل ومضادات البكتيريا والمنومات والمواد الطاردة للحشرات
زيت اللافندر
- بيستخدم بشكل أساسي في صناعة العطور بجانب خصائصه اللي بتساعد على:
- الاسترخاء والهدوء وتقليل التوتر عن طريق إضافة جزء منه لماء الاستحمام
- بيزوّد فرص التئام الجروح وعلاج الحروق والكدمات وبيزوّد الكولاجين في الجلد
- استنشاقه بيخفف أعراض التهاب الحلق والربو وضيق التنفس والتهاب الشعب الهوائية واحتقان الجيوب الأنفية والتهاب الحنجرة وبيخفف البلغم
- دراسات بتأكد إن فركه بالإيد على الجبهة والإيدين بيقلل فرص الأرق وبيزوّد فرص الاستمتاع بنوم عميق
- بيعالج تساقط الشعر وبيقلل الإحساس بآلام المفاصل
- ولكن بعض الأشخاص ممكن يصابوا بصداع أو غثيان أو قيء بعد استنشاق رائحته
- الدراسات بينصحوا بتجنب الحوامل والمرضعات ومرضى السكر استخدامه وبيأكدوا إن ابتلاعه ممكن يسبب صعوبة في الرؤية أو إحساس بالغثيان والقيء والإسهال بجانب صعوبة في التنفس
تأثير شاي اللافندر على الصحة
- بيقلل آلام الدورة الشهرية وبيحسن المزاج وبيهدى الأعصاب
- بيخفف الالتهابات وبيساعد على تقوية المناعة لأنه غني بمضادات الأكسدة والفيتامينات ومضادات البكتيريا
- بيساعد على التخلص من المواد السامة في الجسم وبيحسن قدرة الجهاز الهضمي على العمل وبيقلل الإسهال
- بيحسن صحة البشرة وبيزوّد فرص تدفق الأكسجين داخل الدم عبر مجرى التنفس
