المحتويات
حمى البحر المتوسط مرض وراثي بيسبب نوبات متكررة من ارتفاع درجة حرارة الجسم، بتبدأ أعراضها تظهر من مرحلة الطفولة، رغم عدم وجود علاج للمرض نفسه، لكن مهم تلتزم بعلاج الخاص بالأعراض نفسها.
أعراض حمي البحر المتوسط
بتبدأ تظهر في مرحلة الطفولة، وتكون على هيئة نوبات قصيرة من الأعراض، وبتستمر بين يوم لـ3 أيام، وممكن تستمر لفترات أطول، وبتشمل:
- ارتفاع درجة حرارة الجسم (العرض الأساسي)
- تورم وألم المفاصل (غالبا بيكون مفصل الكاحل أو الركبة)
- ألم في البطن بيصاحب الحمى
- الطفح الجلدي على الساقين
- ألم في الصدر وممكن يسبب ضيق التنفس
- تورم كيس الصفن عند الرجال والتهاب الخصية
- ألم العضلات
خلال الفترة توقف الأعراض بيرجع الجسم لطبيعته، لكن بعض الأشخاص بتكون الأعراض متكررة وصعب التعافي منها بشكل كامل ومؤلمة لدرجة تحتاج للمستشفى.
ممكن تتسبب حمى البحر المتوسط بعض المضاعفات والأعراض طويلة الأمد زي
- مشاكل الكلى
- التهابات المفاصل (مفصل الركبة والمرافق والكاحل)
- تلف في الأعضاء: (حالة اسمها الداء النشواني، وتنتج عن إفراز بروتين غير طبيعي في الجسم)
- مشاكل في الأعضاء التناسلية الأنثوية وممكن توصل للعقم
أسباب الإصابة بحمى البحر المتوسط
- الوراثة والتاريخ العائلي: بينتقل المرض من خلال طفرة جينية من الآباء للأبناء، بتسبب مشاكل تعديل الالتهابات اللي بيصيب الجسم
العلاج
لا يوجد علاج لحمى البحر المتوسط نفسها، لكن بعض الأدوية بتساعد في منع الأعراض وتطورها زي:
- كولشيسين: دواء في شكل أقراص بيساعد في تقليل الالتهابات في الجسم، له بعض الآثار الجانبية زي تقلصات البطن والإسهال، وبيتم تحديد الجرعة حسب الحالة بمعرفة الدكتور
- أدوية تانية لمنع الالتهابات: زي كاناكينوماب (إلاريس) وريلوناسبت (أركاليست) و أناكينرا (كينيريت)، ودورها منع إفراز بروتين “إنترلوكين-1” اللي بيساعد على حدوث الالتهاب في الجسم
تغذية مرضى حمى البحر المتوسط
- اعتمد في الوجبات على الخضروات والفواكه والحبوب الكاملة
- استخدم زيت الزيتون وزيت الكانولا بكميات قليلة
- تجنب الدهون غير المشبعة زي الألبان والزبدة والسمنة النباتي، لأن الدهون بتزود من حدة الالتهاب
- حمص المخبوزات في الفرن أفضل من تناولها على هيئتها
- تناول الوجبات الخفيفة والطازجة زي المكسرات (اللوز والكاجو وعين الجمل والفسدق) لأنها بتحتوي على نسبة قليلة من الدهون غير المشبعة
- استبدل اللحمة الحمراء بالأسماك والفراخ للحصول على البروتين اللازم للجسم، بكمية دهون أقل، والأفضل تكون خالية من الجلد ومشوية أو في الفرن بدل القلي
- تجنب اللحوم المصنعة تماما لأنها غنية بالدهون
- قلل السكريات والحلويات زي الكيك والتورتة وغيرها، واشرب عصاير طبيعية غير محلاه
الأطعمة الممنوعة
- السكروز وعصير الذرة المركز عالي الفركتوز المستخدم في صناعة البسكويت والشوكولاتات والعصاير المصنعة
- القهوة المصنعة والكريمر
- زيت فول الصويا وزيت الدرة
- اللحوم المصنعة زي السوسيس واللحوم المدخنة
- الجلوتين زي القمح والشعير: لأنه له رد فعل التهابي
- نباتات عائلة الثلثان زي الطماطم والباذنجان والفلفل ووالبطاطا
