المحتويات
لاب توب مستعمل بسعر معقول هو هدف ناس كتير بس ضروري تعرف إزاي تشتريه، عشان تضمن امتلاك جهاز قوي ومفيد وافتكر كمان إنه بيحتاج تنضيف باستمرار لأن الخبراء بيأكدوا إن تراكم الأتربة عليه ممكن تأثر على كفاءة أي لاب توب سواء مستعمل أو حتى جديد، وممكن تسد فتحات التهوية خصوصًا لو المالك القديم له كان مهمل في تنضيفه عشان كده مهم تعرف طرق تنضيف اللاب توب وحمايته من الأتربة خصوصًا وقت السفر.
نصائح لشراء لاب توب مستعمل
- حدد سبب احتياجك الرئيسي للاب توب ودوّر على النوع المناسب
- قارن بين أسعاره في أماكن مختلفة عشان توصل لأفضل سعر
- اشتري من محلات أو مواقع بتقدم خدمة ما بعد البيع عشان تحل أي مشكلة
- لازم تشوف الجهاز وتجربه بنفسك قبل الشراء
- اتأكد من سلامة الهيكل الخارجي وخلو الشاشة من أي كسور
- في أغلب الوقت هيبقى فيه خدوش نتيجة الاستخدام والأحسن تلاحظها من البداية عشان تتفاوض على السعر بدقة
- جرّب لوحة المفاتيح واتأكد من سلامة كل الأزرار وقدرتك على الكتابة عليها بسلاسة
- حرّك اللوحة اللمسية/ TouchPad باستمرار عشان تتأكد من سلامتها
- اعرف المواصفات الداخلية للجهاز وطابقها بالمعلومات اللي قالها البايع ليك قبل كده
للويندوز
- اضغط Start وبعدها ادخل على System Information
- لمعرفة سعة التخزين اضغط Start وادخل على Optimize drives
للماك
- اضغط على علامة Apple اللي على الشمال واضغط على About this Mac
- بلاش تشتري منه لو حسيت بعدم دقة في معلوماته لأنه أكيد مخبي عنك عيوب مش ظاهرة في الجهاز
- حسب إمكانيات الجهاز جرب كل فتحات الـ USB ودخّل أسطوانة مدمجة/CD
- افتح أي فيديو من اليوتيوب عشان تقيّم جودة الصورة والصوت
- ادخل على موقع eizo واختار Defective Pixels On White
- لو لقيت نقط كتير سوداء على الشاشة البيضاء ده معناه إنها بكسلات ميتة
- بلاش تشتري اللاب توب من غير شاحن والأحسن تتحقق من جودة البطارية قبل الشراء
للماك
- اضغط على رمز البطارية عشان تعرف حالتها بالتفصيل
للويندوز
- ادخل على Start واكتب Command ودوس عليه Right Click واختار Run
- هتظهرلك صفحة هتكتب فيها (..cd) وبعدها دوس Enter
- اكتب في السطر اللي بعده powercfg -energy وبعد دقيقة هيظهرلك مكان تقرير حالة البطارية في الجهاز على مكان بيحدده
تنضيف اللاب توب
- افصله من الكهربا وامسح الشاشة بقماشة نضيفة
- استخدم وايبس أو قماشة مبلولة بكحول لتعقيم الشاشة وتخلص من التراب والأكل بين زراير الكيبورد بفرشة سنان
- ممكن تشيل زرار وتمسح مكانه بالوايبس أو قماشة بكحول
- نضف فتحات السماعة والـUSB والمروحة بالسشوار الدافي
- بلاش تشغله غير لما ينشف تماما
أضرار تراكم الأتربة عليه
- تراكم التراب على اللاب توب بيسبب أضرار كتير أهمها:
- بيزود احتفاظ اللاب توب بالحرارة وبيقلل كفاءة المراوح الداخلية
- بيسد فتحات التهوية وبيمنع دخول الهواء البارد
- بيسبب أصوات مزعجة من داخله بسبب احتكاك الأتربة بمراوح التبريد وبباقي الأجزاء الداخلية
- بتقل سرعة الجهاز وبيهنج وأحيانًا بيفصل بسبب عدم قدرته على توفير درجة حرارة مناسبة
- بتضعف قدرة محرك الأقراص الضوئية (CD) عن العمل بكفاءة
حماية اللاب توب من الأتربة
- نضّفه باستمرار (مرة كل شهر) وبلاش تحطه جنب الشباك أو تسيبه في الهواء الطلق لمدة طويلة
- قلل مدة استخدامك للاب توب في البلكونة أو في مكان مفتوح
- خصص مكان ثابت له ونضّفه باستمرار واحتفظ بيه في شنطة مخصصة بعد استعماله
- التدخين جنبه بيسبب تراكم الرماد في الهواء اللي بيمتصه الجهاز وبتزيد الأتربة داخله
- ابعده عن متناول الحيوانات الأليفة
