المحتويات
الجيم دوره أساسي في بناء العضلات والحفاظ على الصحة ومحاولات التخلص من أي دهون أو ترهلات بجانب رسم الجسم في أحسن شكل أو صورة، وبالتالي مهم تلتزم بنزولك للجيم للحفاظ على صحتك وبناء شكل مميز لجسمك هيساعدك على استرداد ثقتك في نفسك اللي هينعكس تأثيرها على إنتاجك وعلاقتك بالآخرين.
تنفيذ قرار نزول الجيم
- ضروري الجيم اللي تشترك فيه يكون جنب بيتك واشتري لبس رياضي شيك ولايق عليك عشان تحب تتصور بيه
- خلي حد من صحابك ينزل معاك ويشاركك التجربة دا هيخليك ماتكسلش
- حط جدول لمواعيد الجيم من بداية الأسبوع مايكونش متعارض مع شغلك أو دراستك
- خلي مواعيد الجيم الصبح بدري عشان مايبقاش فيه فرصة للكسل باقي اليوم
- حط لنفسك هدف معين من نزولك للجيم وحدد وقت لتحقيقه
- تابع صفحات ناس حققوا أهداف شبه اللي عايز تحققها.. هتتشجع لما تشوف إنجازهم
- اعتبرها فرصة إنك تتعرف على ناس جديدة ولو لسه مكسل بعد ما تعمل كل ده العب في البيت تمارين من الإنترنت كبداية
بداية التمرين بأمان والاحتياط من انتقال كورونا
- اتأكد إنه نضيف وملتزم بالإجراءات الاحترازية
- اختار الوقت اللي هيكون في زحمة أقل زي الصبح بدري أو آخر ساعة قبل ما يقفل
- استخدم حاجاتك الشخصية زي الفوط والسجادة الخاصة بالتمارين و عقم أي جهاز بالكحول قبل الاستخدام والتزم بالتباعد الاجتماعي
- ممكن تلبس كمامة في تمارين رفع الأثقال لكن تجنب لبسها في تمارين الكارديو
- ابدأ بالتمارين والأحمال الخفيفة وزود بالتدريج عشان تتجنب أي إصابة للعضلات
- تجنب الاستحمام في الجيم واستخدم المناديل أثناء استخدام الحمام والمقابض والحنفيات
- اغسل هدومك وأدواتك في البيت بمياه سخنة ومطهر زي الكلور وعقم شنطتك
- اشرب كمية كافية من المياه كل يوم واهتم بالأكل الصحي والمناسب لمواعيد التمارين
تجنب الألم خلال أول يوم
- مارس حياتك الطبيعية بس تجنب الإفراط في المجهود البدني
- كمادات المياه الباردة على مكان الألم هتساعدك تخففه
- هات فوطة وحط فيها مكعبات تلج ومررها على مكان الألم
- دلّك عضلاتك بحركة دائرية واستحمى بمياه دافية قبل النوم
- تمارين التمدد هتساعدك تخفف الألم
- مهم تعملها تحت إشراف متخصص عشان تقلل فرص الإصابات
- نزل دقنك في اتجاه صدرك وميّل راسك في أي اتجاه وثبت نفسك لمدة 30 ثانية وكرر التمرين على الجانب التاني
- اقف عند مدخل أي غرفة وافرد إيدك الإتنين عشان يلمسوا حلق الباب ميل جسمك للأمام واستمر لمدة 20 ثانية وكرره 3 مرات
- اقعد على كرسي مريح وثبّت رجلك على الأرض ولف بجسمك بهدوء يمين ويسار لمدة 30 ثانية
- افرد ضهرك وارفع رجلك واتني ركبتك في زاوية 90 درجة وخلي كاحل قدمك اليسرى يلمس ركبتك اليمين وامسك ركبتك من الخلف وشدها في اتجاه وجهك قدر المستطاع و كرره 3 مرات على كل رجل
- اسند على ضهر كرسي وثبّت القدمين على الأرض وخلي القدم اليمنى ورا واليسرى قدام وميّل بجسمك وركبتك في اتجاه الكرسي لحد ما تحس بشد خفيف في السمّانة وبدّل على القدمين كل 30 ثانية
شنطة الجيم
- شراب زيادة
- ملابس داخلية
- لبس الرياضة بالكامل
- فوطة صغيرة وفوطة كبيرة
- مياه
- مزيل للعرق
- لبان
- شبشب
- (Wipes) مضادة للتعرق وللوجه
- باودر الحذاء لتقليل رائحته السيئة
- كرة مساج
- شامبو جاف
- هيد باند الشعر لتجنب هيشانه
- سبراي الجسم
- فوطة مايكروفايبر للشعر
- مشط أو فرشة
- وجبة خفيفة مناسبة لبعد التمرين
اختيار جيم مناسب
- رتّب أولوياتك قبل تنفيذ قرار الاشتراك سواء السعر أو الراحة أثناء التمرين
- ابحث عن جيم قريب من البيت قدر المستطاع ويُفضل تبقى مسافة تقدر تمشيها
- هيقل كسلك عن النزول وهتمشي لمسافة معقولة قبل البدء في التمارين
- شوف صفحة الجيم على مواقع التواصل الاجتماعي عشان تعرف تفاصيل أكتر عنّه
- اسأل أشخاص مقرّبين في المنطقة عن أفضل جيم
- جرب تتمرن في أكتر من واحد عشان تختار الأفضل من بينهم
- اسأل عن جدول مواعيد كل جيم وقارنها بالمواعيد المتاحة في يومك
- مثلًا هتحتاج تشترك في جيم بيفتح 24 ساعة لو ساعات عملك متغيرة من يوم للتاني
- زوّد فرص الاشتراك في الجيم اللي تعرف فيه أشخاص كتير عشان يشجعوك تلتزم في التمرين
- قارن بين أسعار باقات الاشتراك عشان توصل لأحسن سعر
- راقب أداء المدربين في كل جيم وإذا كنت بتستفيد منهم ولا لأ واتأكد من نضافة الجيم وتحديدًا نضافة الحمامات وأماكن تغيير الملابس
- ابذل مجهود بدني من متوسط لمرتفع عشان تلاحظ جودة التهوية وركّز على جودة الأجهزة ولو خبرتك ضعيفة فيها ابحث عن نفس أشكالها على الإنترنت
- اهتم بوجود أماكن راحة تساعدك على استكمال التمرين بنجاح
الاستفادة من يوم الراحة في الجيم
- اعرف إن يوم الراحة بنفس أهمية التمرين لأنها الفترة اللي بتنمو فيها العضلات
- بتتعافى أنسجة العضلات من التمرين والضغط المستمر وبالتالي بتبقى أقوى
- مارس نشاط بدني معتدل زي المشي لمدة 20 دقيقة متواصل على الأقل أو ركوب العجل لمدة 30 دقيقة
- بلاش تبذل مجهود بدني عنيف عشان توّفر مخزون الطاقة في التمرين
- ركّز على تدريبات التأمل وثبات جسمك لأطول مدة متواصلة بدون حركة
- هتساعد جسمك على تحمل التمرين وبالتالي بترفع كفاءتك عشان تحقق نتايج أكبر
- استسلم للنوم خصوصًا لو يوم أجازة من الشغل أو الدراسة ونظّم جدول التمرين ونسّق بينه وبين باقي مواعيد يومك
- حافظ على مستويات معتدلة من البروتينات والدهون الصحية في أكلك وقلل النشويات
