المحتويات
بطاقة التموين بتسمح لصاحبها الحصول على السلع التموينية طبقًا للدعم المستحق لكل فرد وده لفئات محددة فقط في المجتمع ليهم دخل معيّن وبتسهّل البطاقة على المواطنين صرف السلع بسهولة وبتزوّد فرص وصول الدعم لمستحقيه.
فئات تستحق بطاقة التموين
- أي شخص يستحق معاشات الضمان الاجتماعي ومعاش السادات ومعاش مبارك ومعاش تكافل وكرامة
- الأرامل والمطلقات والمرأة المعيلة
- أصحاب الأمراض المزمنة وذوي الاحتياجات الخاصة (مع وجود وثائق تثبت صحتها معتمدة من مستشفى حكومية)
- أي قاصر مالوش دخل ثابت بسبب وفاة الوالدين
- العمالة الموسمية المؤقتة
- الباعة الجائلين وعمّال التراحيل
- السائقون والمهنيون والحرفيون من ذوي الأعمال الحرة
- الحاصلون على مؤهلات عليا ومازالوا بدون عمل بموجب بحث اجتماعي
- أي شخص عامل الحد الأقصى لدخله الشهري 2400 جنيه
- أصحاب المعاشات العاملين في قطاع الأعمال العام أو الخاص بحد أقصى 1500 شهريًا
طريقة إصدار بطاقة التموين لأول مرة
- ادخل على موقع إدارة دعم مصر
- اكتب بياناتك وأول صفحة هتظهرلك الاسم والرقم القومي وبعدها اضغط على التالي
- اكتب الموبايل عشان يبعتوا عليه كود مختصر
- بعدها هتقدر تكتب اسم المحافظة وحدد المديرية والإدارة وعنوان السكن
- هتسجّل بياناتك كاملة بس لازم تراعي الدقة الكاملة في أي بيانات تخص الزوجة أو الأبناء أو أي مستفيدين من البطاقة
- الجهات المسؤولة بتبحث في دقة البيانات وبعد التأكد إن الشخص يستحق إصدار البطاقة بيتبعتله رسالة تأكيد بالموافقة على طلبه
- بتحتوي الرسالة على المكان اللي بتستلم منّه البطاقة لأول مرة
طريقة إصدار بدل فاقد لبطاقة التموين
- قدم الأوراق المطلوبة وهي:
- بطاقة الرقم القومي ليك ولكل أفراد الأسرة (صورة منها بس خلي معاك الأصل احتياطي)
- صورة شهادة ميلاد للأفراد أقل من 16 سنة
- وصل كهرباء
- رقم موبايل باسم صاحب البطاقة أو أي حد من المستفيدين
- حوالة من البنك الأهلي باسم صاحب البطاقة
- قدم طلب بدل فاقد لمكتب التموين التابع ليك مع الأوراق المطلوبة
- ابعت رسالة فاضية لرقم (91237) بجنيه
- هيجيلك رسالة تانية لو بياناتك مستوفية الشروط
- هتوصلك في خلال أسبوع رسالة لو الطلب اترفض
- بعد 15 يوم هتجيلك رسالة علشان تستلم البطاقة من مكتب التموين
- بعد الاستلام هتبعت رسالة تانية لنفس الرقم فيها هيجليك رسالة بالرقم السري لتفعيل البطاقة
شكاوي التموين
- اتصل بالخط الساخن رقم 19588
- ابعت استمارة شكوى على موقع جهاز حماية المستهلك
- زوّر جهاز حماية المستهلك على عنوان 96 شارع أحمد عرابي بالمهندسين أو 115 ب داخل القرية الذكية
- ابعت رسالة واتساب على رقم 01577779999
- حمّل تطبيق حماية المستهلك سواء كان موبايلك آيفون أو أندرويد
