المحتويات
السكر هو مرض مزمن بيحصل بسبب اختلال في كمية السكر في الدم (الجلوكوز) اللي دوره أساسي في عملية الإيض (Metabolism)، اللي بتحول الأكل لطاقة بتساعد الجسم على قيام بمهامه المختلفة، وبيختلف نوعه سواء كان سكر من النوع الأول أو الثاني، وبيأثر على الصحة العامة وإهمال أعراضه وعدم الالتزام بنظام غذائي صحي ممكن يسبب مشاكل صحية خطيرة
مرض السكر من النوع الأول
مرتبط أكتر بالجينات، وبتزيد فرص الإصابة بيه عند الأطفال والمراهقين
أسبابه
- الموضوع مرتبط بالأنسولين اللي جسمك بينتجه من خلال البنكرياس
- هرمون الأنسولين بيفرز في الجسم من البنكرياس عبر خلايا بيتا (Beta Cells)، وبيمر في مجرى الدم
- بيدخل لكل خلايا الجسم وبيوزّع السكر الموجود في الأطعمة اللي بتاكلها على كل خلية عن طريق تفاعلات كيميائية
- بيوازن كمية الجلوكوز (السكر) اللي موجود في جسمك حتى لو كلت كمية كبيرة في وقت قليل
- الجلوكوز بيفرز من مصدرين رئيسيين هما الطعام اللي بتاكله ومن الكبد من خلال خلايا ألفا (Alpha Cells) عن طريق هرمون الجلوكاجون
- قلة تناولك للطعام أو السكريات بتقلل نشاط الأنسولين وبيقل إفرازه في الدم
- في نفس الوقت بينتج الكبد الجلوكوز من خلال هرمون الجلوكاجون عشان يعوض الجسم السكريات اللي محتاجها
- مفيش سبب محدد لإصابة الجسم بمرض السكر من النوع الأول
- بيحصل لما بتهاجم الخلايا المناعية بكمية كبيرة الخلايا اللي بتنتج الأنسولين في البنكرياس وبتدمرها
- بيقل الأنسولين في الجسم وبيتراكم السكر بشكل كبير في مجرى الدم
- ممكن يبقى بسبب عوامل وراثية أو بيئية بس لسه مفيش تفسير علمي دقيق لسبب هجوم خلايا المناعة على البنكرياس
أعراضه
- جوع وعطش شديد
- فقدان وزن غير مقصود
- تعب
- ضبابية الرؤية
- التبول باستمرار
- تقلبات في الحالات المزاجية
مرض السكر من النوع التاني
- بيتراكم السكر في مجرى الدم بسبب عجز البنكرياس عن إنتاج الأنسولين وضعف الخلايا المنتجة له
- بينتج عن ده إفراط في كمية السكر الموجودة في مجرى الدم
- بيزيد الخطر مع وجود عوامل وراثية بتشجع على الإصابة بيه
النسبة الطبيعية للسكر في الدم
للشخص الطبيعي
- 72-99 ملليغرام/ديسيلتر قبل الأكل
- أقل من 140 ملليغرام/ديسيلتر بعد الأكل بساعة لساعتين
لمريض السكر
- بين 80-130 ملليغرام/ديسيلتر قبل الأكل
- أقل من 180 ملليغرام/ديسيلتر بعد الأكل بساعة لساعتين
عوامل الخطورة
- تراكم الدهون وزيادة الوزن اللي بتضاعف مقاومة الخلايا للأنسولين
- ارتفاع ضغط الدم لأكتر من 140/90
- التقدم في العمر خصوصًا مع قلة الحركة وانخفاض الكتلة العضلية مقابل زيادة الدهون
- الكسل والخمول بيزود المضاعفات، لأن الحركة بتنشط الجلوكوز في الجسم وبتخلي الخلايا قادرة على استقبال الأنسولين والعكس صحيح
سكر الحمل
- بتشتغل المشيمة (عضو موجود في الرحم خلال الحمل بيمد الطفل بالأكسجين وبيتخلص من الفضلات الضارة في دمّه) عشان تحافظ على الحمل، وبتزود حساسية خلايا الجسم للأنسولين
- بيعوض البنكرياس نقص الأنسولين بإنتاج المزيد منّه، لكن أحيانًا بيفقد قدرته وإنتاجيته
- بتدخل كمية قليلة من الجلوكوز للخلايا وبيتراكم السكر في الدم وبالتالي بتزيد فرص الإصابة بسكر الحمل
- بيزيد الخطر مع زيادة الوزن وقلة الحركة قبل الحمل وتناول السكريات بشراهة مع بعض العوامل الوراثية نتيجة إصابة المقرّبين من الدرجة الأولى (الآباء والأمهات أو الأجداد)
- الدراسات بتقول إن الخطر بيتضاعف مع الحمل في سن فوق الـ 25 سنة
مضاعفات سكر الحمل
- ممكن يسبب تسمم الحمل ومن أعراضه ارتفاع ضغط الدم وبروتين زايد في البول وتورّم الأطراف، وعدم علاجه بسرعة ممكن يؤدي لمضاعفات صحية خطيرة بتهدد صحة الأم والجنين أو الاتنين
- الإفراط في إنتاج الأنسولين ممكن يأثر على المشيمة ويزوّد معدّل نمو الطفل زيادة عن اللزوم (العملقة) اللي غالبًا وقتها هتحتاج الأم للولادة القيصرية
أعراض مرض السكر سواء النوع الأول أو التاني
- الجوع والعطش الشديد
- فقدان الوزن غير المبرر
- العصبية
- الإرهاق
- ضبابية الرؤية
- الالتهابات المتكررة خصوصًا التهابات الجلد
- بطء التئام الجروح
المضاعفات
- زيادة خطر الإصابة بأمراض القلب والأوعية الدموية والشريان التاجي وتصلّب الشرايين
- تلف جدران الشعيرات الدموية اللي بتغذي الأعصاب خصوصًا في القدم وبيزيد الإحساس بالحرقان والألم فيها
- عدم معالجة مشاكل الأعصاب بتزوّد خطر الإصابة بعدم الإحساس بيها ومشاكل الهضم زي الإسهال والإمساك
- تلف الكلى لأنها بتحتوي على شعيرات دقيقة بتنقي الدم من الفضلات وزيادة كمية الدم في السكر بيأثر على عمل الأوعية الدموية
- بتقل كفاءة العصب البصري ومع الوقت وإهمال العلاج ممكن تسبب في إعتام عدسة العين والإصابة بالمياه الزرقاء (الجلوكوما)
- بتزيد مشاكل الجلد وتكوّن الالتهابات الفطرية والبكتيرية
- دراسات كتير ربطت بينه وبين وبين الإصابة بأمراض نفسية زي الاكتئاب أو حتى الإصابة بالزهايمر وفقدان الذاكرة
الوقاية
- التزم بنظام أكل صحي غني بالألياف والبروتينات وقلل النشويات والسكريات والأكل المصنع قدر المستطاع
- بلاش تاكل أكتر من 3 قطمات من أي حلويات وخليها مش أكتر من مرتين في الأسبوع كحد أقصى
- استخدم دايمًا بدايله الطبيعية زي سكر جوز الهند وسكر التمر والمونك والعصير الطبيعي وشراب القيقب والستيفيا
- العب رياضة باستمرار مش أقل من 3 مرات في الأسبوع، ولو مش قادر ممكن تستبدلها برياضة المشي
- ثبّت مواعيد أكلك وحافظ على ساعات نوم معتدلة عشان تقلل كمية الأكل بالليل
- اعمل تحاليل السكر اللي تعرّفك نسبته في دمك ومدى قابليتك للإصابة بيه
- قيس السكر كل أسبوعين قبل الأكل وبعده عشان تعرف معدلاته في جسمك
- اشرب مياه باستمرار عشان تقلل إحساسك بالجوع
أطعمة بتقلل احتياجك للسكريات
- بذور الشيا غنية بالألياف وأوميجا 3
- زبدة الفول السوداني على تفاح متقطع
- جزرتين مقطعين أو أي نوع خضار على ربع كوباية حمص مطحون
- نص كوباية جبنة قريش عليها كوباية توت
- المشمش بس بكميات معتدلة
- كوباية زبادي عليها معلقتين قرفة
- المكسرات زي عين الجمل واللوز
