الكتابة السريعة على الكيبورد من المهارات الضرورية في أغلب الوظايف، وهتساعدك تنجز بسرعة وتتفرغ لمهام أكتر، ودراسات كتير أكدت إنها ضرورية لأن لو مفيش معاك ورقة وقلم وبتكتب ببطء بنسبة كبير الأفكار هتروح من دماغك، وبالتالي لازم تتعود تكتب بسرعة عشان تسترجع أكبر قدر ممكن من الأفكار، هنقولك نصايح لو واظبت عليها هتتعود تكتب بسرعة على الكيبورد:
– افرد ضهرك على الكرسي وثبت رجليك الإتنين على الأرض واسند كوعك على المكتب
– هترتاح أكتر وإنت بتكتب وهتقلل تعبك اللي هيأثر على سرعة كتابتك
– اظبط إيدك بحيث إن صباعك في إيدك الشمال عند حرف K وفي الحرف اليمين عند J
– إيدك هتتحرك بسلاسة وسهولة بين الحروف ومع الوقت هتكتب أسرع
– درب نفسك عن طريق فتح ملف Word واكتب فيه أي كلمات تيجي في بالك
– ماتهتمش بالسرعة ولكن خلي كل تركيزك على تقليل عدد الأخطاء قدر المستطاع
– ومع التدريب على الكلمات خصوصًا الصعب منها هتحفظ أماكن الحروف مع الوقت
-لو لقيت إنك بتغلط في كلمة معينة كتير ركز في وضع إيدك وصوابعك وغيره
– اتدرب على استخدام كل صوابع إيدك مش واحد أو اتنين عشان مع الوقت تدرب أسرع على الكتابة السريعة
