أحيانًا بتحتاج تحول المحتوى في الوورد لباوربوينت، سواء لأغراض دراسية أو لعرض تقديمي في شغلك، وعشان كده مهم تعرف طريقة سهلة لتحويل الوورد لباوربوينت :
– احذف الإطار وأي حاجة في الملف غير النص المكتوب
– خلي الصفحة بالعرض مش بالطول
– من خلال تخطيط الصفحة/ Page Layout اختار Landscape
-قسم الكلام على الصفحات كإنك بتقسمه على شرائح الـPowerPoint
– خلي كل صفحة فيها من 5 لـ6 سطور.. حتى لو هتزودهم بعد كده
– كبر حجم الكلام وخليه بفونت 24 أو 28
– بعد ما تتأكد من كل صفحة وحجم الكلام فيها حول الملف لـPDF
– ادخل على موقع smallpdf.com
– اختار تحويل PDF لـPPT ودوس على الملف اللي حولته
– لما يخلص تحميل دوس على تنزيل الملف
– افتحه هتلاقيه موجود على الـPowerPoint بنفس التقسيمة اللي عملتها في الـWord
– تقدر تتحكم فيه وتعدله وتختار الشكل المناسب اللي تعرض بيه الكلام وتضيفله الصور اللي محتاجها عشان تكمل عملية تحويل الوورد لباوربوينت بنجاح
