المحتويات
اليوجا مفيدة للعضلات وتحسين جودة النوم وتقليل التوتر، وظهور نوع جديد اسمه يوجا الأزواج اللي بتحسن التواصل بين الشريكين من خلال أوضاع مختلفة.
يوجا الأزواج بتهيأ جو مناسب للشريكين إنهم يفهموا بعض ويحسوا بمشاعر مشتركة من خلال أوضاع مختلفة، وده من خلال تقوية علاقة الثقة والقدرة على التواصل
تأثيرها على العلاقة بيكون إيجابي مع الوقت سواء على الجسم أو الحالة النفسية
مهم تحددوا الأهداف من ممارستها وتركز مع الطرف التاني بشكل كبير للوصول لنتايج ملحوظة في العلاقة العاطفية والجنسية
فوائد اليوجا للأزواج
بتساعد على زيادة الإشباع من العلاقة
- الدراسات أثبتت إن مجرد التفكير والتخطيط لممارستها مع بعض هيزود شعورك بالرضا والإشباع من علاقتك مع شريكك
- فالمشاركة في نشاطات جديدة وفيها تحدي بيزود الانجذاب العاطفي بينكم وبيحسن جودة العلاقة
- الحميمية في الأوضاع وتنفيذ خطوات التمارين مع بعض بيساعد على إحياء العلاقة بينكم بعد فترات الملل، فتعلم مهارات جديدة بيساعد على قضاء وقت مفيد في تجربة مهمة ليكم
- دراسة سنة 2016 ربطت بين العلاقات العاطفية السعيدة وبين ممارسة التأمل لأنه بيساعد على إدراك والشعور باللحظة أثناء حدوثها، وده هدف من الأهداف اللي بتحققها اليوجا
تحسين الحميمية والعلاقة الجنسية
- هي بتساعد على زيادة الانجذاب والإشباع العاطفي بين الشريكين، فدراسة أمريكية أثبتت إنها بتساعد الأزواج اللي بيعانوا من مشكلة العجز الجنسي
- طبيعة التمارين غير جنسية لكن فيها خطوات بتحتاج تناغم بين الطرفين في التنفس والأوضاع والحركة، وده بيزود درجة الحميمية والثقة والتواصل السريع بينهم
- فيها تواصل عن طريق الإيدين وتناغم بين حركة أعضاء الجسم، وده بيحسن الرغبة الجنسية وتحسين العلاقة الجنسية بين الأشخاص اللي بيواجهوا مشاكل فيها
اليوجا لزيادة التواصل
- خطوات التمارين بتحتاج الاعتماد على الطرف الآخر بشكل بدني ومعنوي مع التواصل بالكلام والنظرات، وبالتالي ضرورة وجود ثقة ودعم وضعف أمام الطرف التاني
- التواصل الجسدي بيساعد على توصيل مشاعر مختلفة وبتوصل للطرف التاني إنك شايفه ومقدره وحاسس بيه ومتقبله زي ما هو
- التناغم بين الحركات بيزود الترابط ومشاعر التعاطف بين الشريكين لأن كل تغيير في الحركة بتعتمد على تغيير في حركة الطرف التاني وده بيحسن التواصل والشعور بالارتباط التام
تقليل التوتر والضغط العصبي
- معظم تمارين اليوجا بتساعد على تقليل التوتر والشعور بالاسترخاء، لكن يوجا الأزواج ليها فوائد إضافية
- دراسة أثبتت إن الأزواج اللي بيمسكوا إيد بعض بتقل عندهم نسبة الضغط العصبي بشكل كبير لأنها بتأثر على الجهاز العصبي بشكل إيجابي
- في أوضاع معينة زي الـ(Backbens) والـ(Camel) بتزود الشعور بارتياح وتهيئة مساحة كافية لجذب طاقة جديدة والتخلص من آثار التعب العاطفي والبدني والألم
وضع مناسب للتجربة مع شريكك (Back to back breathing)
اقعد في وضع مريح وخلي ضهرك متلامس مع ضهر شريكك مع ضم الساقين
افرد جسمك وضهرك وارخي دراعاتك
ابدأ بالتنفس عكس شريكك.. أثناء الشهيق هو يمارس الزفير والعكس صحيح
كرره 10 مرات وبعدين كرر التمرين بالكامل 3 مرات
