المحتويات
متلازمة ستوكهولم هي حالة نفسية بتحصل لما بيتعرف شخص كان ضحية اعتداء معين من مجرم أو مجموعة مجرمين وبعدها بتتكون علاقة إيجابية بينهم بتوصل أحيانًا للحب.
تعريف متلازمة ستوكهولم
- الخبراء بيأكدوا إنها حالة نفسية بتحصل لبعض الضحايا اللي بيرتبطوا بعلاقة حب وإعجاب بالشخص أو بالأشخاص المعتدين
- بيصاب بالحالة دي السجناء وأسرى الحرب وضحايا العنف المنزلي والأطفال اللي تعرضوا لإيذاء شديد والناجين من محاولة قتل
سبب التسمية
- السلوك ده قديم ولكن اكتشافه وتسميته بالاسم ده جديد وحصل تحديدًا في سنة 1974
- لما حاول بعض الخاطفين السطو على بنك في السويد ووقتها ظهرت المتلازمة واتخذت من عاصمة السويد اسم ليها
- (باتي هيرست) مواطنة أمريكية وحفيدة (ويليام راندولف) الصحفي الأمريكي الشهير ووريثة صحيفة كاليفورنيا كانت من ضمن المختطفين
- اعتدى عليها المختطفين لدرجة إنها فقدت الوعي وحبسوها في غرفة مظلمة وساوموا أسرتها على مبالغ ضخمة تتوزع على فقراء كاليفوريا بتوصل قيمتها لـ 400 مليون دولار
- بدأ أهلها فعلًا في تحقيق طلبات المختطفين ولكن بنتهم أظهرت تعاطف شديد مع المعتدين لدرجة إنها اتورطت معاهم في القضية
- بدأ التعاطف لما بدأوا يخرّجوها من الغرفة المظلمة لتناول الطعام معاهم ومع الوقت بدأت تقتنتع بأفكارهم لدرجة إنها بدأت في مساعدتهم في صناعة القنابل
- وبعد الإفراج عن الرهائن بشهرين أعلنت انضمامها للمجموعة قبل القبض عليها من السلطات
- رهائن كتير في نفس الحادثة اتكلموا كويس عن المختطفين
- لدرجة إن واحدة منهم كان عندها رهاب الأماكن المغلقة فكانوا بيسمحولها الخروج لمكان تاني ولكن بعد ربط حبل حوالين رقبتها
- طبيب نفسي سويدي متخصص في علم الجريمة اسمه (نيلز بيجيروت) هو اللي أطلق الاسم ده على حالة التعاطف مع المجرمين
الأسباب
- مفيش سبب علمي وصله العلماء ولكنهم بيرجحوا إن السبب الرئيسي هو قيام الشخص الضحية باستراتيجية عقلية دفاعية للتعامل مع الموقف المحيط كشكل من أشكال البقاء
- نتيجة الصدمة من الموقف والخوف من المجهول والإحساس بالتبعية للخاطفين بتظهر أعراض حب وتعلق بيهم
- بيتعمق السلوك ده نتيجة بعض العوامل وهي:
- عزل الضحايا عن أي وجهة نظر تانية مضادة لرأي الخاطفين
- إحساس الضحايا بالعجز عن إنقاذ نفسهم
- الشعور بتهديد البقاء على قيد الحياة من أيدي الخاطفين
- التهديد بالقتل لكن عدم تنفيذه بيزوّد فرص ظهور المتلازمة عند الرهائن
الأعراض
- الوقوع في الإعجاب وحب الشخص المختطف
- بتظهر أعراض معادية لأي سلطة سواء الشرطة أو مجموعة أشخاص بيحاولوا ينقذوا الضحية من الأذى والاختطاف
- بيتبني الشخص الأهداف والقيم اللي بيقتنع فيها الخاطف أو المعتدي
- مع الوقت بتظهر أعراض التوتر والغضب الشديد والاكتئاب والميل للعزلة
تأثير متلازمة ستوكهولم على الصحة
- الإحراج من المشاعر العاطفية تجاه المعتدي
- صعوبة الثقة بالآخرين
- الانسحاب الاجتماعي
- الأرق
- التوتر المزمن
- الفراغ
- اليأس والكآبة والقلق
- فقدان الاهتمام بالأنشطة
العلاج
- مفيش علاج قاطع حتى الآن للمتلازمة خصوصًا إنها قيد الدراسة
- لكن الذهاب لمعالج نفسي بيقلل فرص ظهور الأعراض وبيحسن القدرة على تكوين مشاعر سوية بعيدة عن التعاطف مش شخص مجرم
