المحتويات
خافض حرارة للاطفال من الأدوية المهمة اللي لازم دايما تكون موجودة في أي بيت، لأن ارتفاع درجة الحرارة مشكلة شائعة بين الأطفال خاصة في فصل الشتاء، لكن مهم تختار أفضل نوع ومعرفة الجرعة المناسبة حسب عمر وحالة طفلك.
مهمة خافض الحرارة للاطفال
- الوصول للمركز الرئيسي المسئول عن خفض الحرارة في المخ لتقليل درجة حرارة الجسم
- وكمان بيستهدف الغدد العرقية وبيعزز إفراز كمية غزيرة من العرق كوسيلة في تقليل حرارة الجسم
- عادة بتستخدم بعد تخطي درجة الحرارة لـ 38.5 درجة مئوية
- الأفضل بالنسبة للأطفال استخدام خافض الحرارة في هيئة أقماع (لبوس) أو الشراب، وغالبا بتكون الجرعة مرتين (صباحا ومساء)
- في حالة استمرار الحرارة لأكتر من يومين.. استشير الدكتور
أضرار الافراط في تناول خافض حرارة للاطفال
- بيأثر على النخاع العظمي وبيسبب نقص في تصنيع كرات الدم البيضاء والحمراء
- التهابات المعدة والقرح
أشهر خافض حرارة للاطفال
الباراسيتامول
- مادة الباراسيتامول بكل مشتقاتها تعتبر من أكثر الأدوية المسكنة للألم والخافضة للحرارة المنتشرة لعلاج الأطفال لأنها آمنة أكتر
- من أشهر أسماء الأدوية اللي بتحتوي عليها: سيتال/البارامول
أدوية مضادات الالتهاب غير الاستيرويدية
- مسكن وخافض للحرارة، وبينتمي لمجموعة الأدوية المضادات الالتهاب غير الاستيرويدية
-
من أشهر أسماء الأدوية دي: بارالجين/بروفين
فيجاسكين
- بيتوافر في هيئة أقماع (لبوس) خافضة للحرارة ومسكن للآلام
دولفين
- بيتوافر في هيئة أقماع (لبوس) أو شراب، ومن الأدوية الخافضة للحرارة السريعة في مفعولها، وبتساعد في تسكين الآلام ومضادة للالتهاب
أنواع خافض حرارة للاطفال الرضع
- من الولادة لـ3 شهور : دواء شراب بيحتوى على مادة باراسيتامول والجرعة نص قطارة من 3 لـ4 مرات فى اليوم
- 3 لـ6 شهور: دواء شراب بيحتوي على باراسيتامول، الجرعة قطارة كاملة 3 لـ 4 مرات فى اليوم
- 6 شهور لـ12 شهر: أقماع (لبوس) بتحتوى على مادة ديكلوفيناك صوديوم مرتين فى اليوم
نصايح للتعامل مع السخونية عند طفلك
- استخدم الكمادات الباردة.. بلل فوطة بمياه فاترة على الفخدين وتحت الإبط
- تجنب الاستحمام بمياه الساقعة لأنها هتسبب قشعرة والجسم هيرفع درجة حرارته أكتر
- شربه كمية كويسة من السوايل والمياه علشان تتجنب الجفاف
- خفف لبس الطفل والغطاء يكون بطانية أو كوفرتة خفيفة
- تجنب الطرق الشعبية زي الخل والكحول لأنها ممكن تسبب التهابات جلدية
- لو استمرت الحرارة لأكتر من يوم لازم تستشير دكتور
