المحتويات
تامسولين بلس هو من أدوية علاج مشاكل البروستاتا وتضخم البروستاتا الحميد ومشاكل احتباس البول والرغبة القوية في التبول بدون سابق إنذار ولكن ضروري تستخدم تحت إشراف طبيب متخصص.
مكونات تامسولين بلس
- بيتكون من دوائين في قرص واحد وهما سوليفيناسين سكسينات وتامسولوسين هيدروكلوريد
- سوليفيناسين سكسينات بينتمي لأدوية مضادات الكولين وتامسولوسين هيدروكلوريد بينتمي لمثبطات الألفا
- بجانب بعض المكونات التانية زي هيدروكسي بروبيل ميثيل سيللوز وكاربومير وميكروكريستالاين سيللوز 101 وميكروكريستالاين سيللوز 102 وكوللويدال سيليكون ثنائي الأوكسيد وستيرات الماغنيسيوم ولاكتوز أحادي الهيدرة وبيوتيلهيدروكسي تولين وأوبادراي اصفر
الشكل الدوائي
- أقراص مغلّفة
دواعي الاستعمال
- علاج الأعراض من المتوسطة للشديدة من اختزان التبول
- مشاكل المثانة والبروستاتا عند الرجال
- علاج تضخم البروستاتا
- ضعف التبول أو الإحساس وقت إفراغ التبول إنه غير كافي
- وجود حاجة قوية للتبول بدون سابق إنذار
- تخفيف التقلّصات غير المرغوب فيها في المثانة
- بيساعد على مرور البول بسرع من خلال مجرى البول
الجرعة المناسبة
- بيستخدم حسب إرشاد الطبيب المتخصص ولكن الحد الأقصى قرص واحد يوميًا
- الأقراص بتبلع مع المياه مش بتسحق أو بتمضغ
الأعراض الجانبية
- بعض الأشخاص بيمروا بتجربة احتباس شديد في التبول رغم استخدام الدواء بانتظام (بتحصل لكل 1 في الـ 100) ووقتها لازم تستشير الطبيب المتخصص فورًا
- بتتقسم الآثار الجانبية حسب مدى انتشارها بين الأشخاص اللي تناولوا الدواء
- ومنها الأعراض الشائعة (بتحصل لكل 1 من 10) زي:
- جفاف الفم
- إمساك
- عسر الهضم
- تعب
- ضبابية الرؤية
- اضطراف في قذف السائل المنوي ( سواء رجوعه مرة تانية للمثانة أو صعوبة القذف)
- دوخة مستمرة
- ألم البطن
- غثيان
- آثار جانبية غير شائعة (بتحصل لـ 1 من 100) ومنها:
- نعاس
- ضعف حاسة التذوق
- ارتجاع الحامض
- صداع
- حكة
- خفقان القلب وضرباته السريعة
- التهاب المسالك البولية
- تورم الساقين واحتباس السوائل فيهم
- إسهال
- قيء
- جفاف العين والأنف والحلق والجلد
- بعض الآثار الجانبية النادرة لـ 1 في كل 1000 ومنها:
- جفاف البراز
- الإغماء المتكرر بعد تناول الدواء
- حساسية الجلد الشديدة وتورّم الأنسجة
- الآثار الجانبية النادرة (بتحصل لـ 1 في كل 10000) شخص ومنها:
- الهلوسة
- الارتباك
- حساسية جلدية
- انتصاب مؤلم
- ظهور قرح في الجلد
- التهاب الأغشية المخاطية في العين والأنف
- بعض الآثار الجانبية مفيش نسب محددة لظهورها زي:
- زيادة ضغط العين
- ارتفاع كمية البوتاسيوم في الدم
- خلل ضربات القلب
- ضيق التنفس
- مشاكل في الصوت
- ضعف الكلى والكبد والعضلات
- نزيف في الأنف
- ضعف حدة البصر
التداخلات الدوائية
- لازم تبلغ طبيبك لو بتستخدم بعض الأدوية اللي بتقلل فرص إخراج دواء تامسولين بلس من الجسم زي زي:
- الكيتوكونازول
- الاريثروميسين
- ريتونافير
- يتراكونازول
- فيراباميل
- ديلتيازيم
- الباروكستين
- الأدوية المضادة للكولين أو المحاكية له لأنهم بيقللوا فاعلية الدواء
- مثبطات ومستقبلات ألفا بتقلل ضغط الدم
- البايفوسفونيت لأنه بيسبب تفاعل مع الدواء بيؤءي لالتهاب في المريء
التحذيرات
- لازم تبلغ طبيبك قبل تناوله لو بتعاني من:
- انسداد في الجهاز الهضمي أو بطء في الهضم
- فتق أو حرقان في المعدة
- أمراض حادة أو مستوطنة في الكلى
- أي مرض عصبي
- مصاب بأمراض ارتفاع ضغط العين أو المياه البيضاء
- اجريت عملية المياه البيضاء في وقت قريب من تناول الدواء
بدائل تامسولين بلس
- تالوسين (Talusin)
- اومكس ل ب ( OMIX LP)
- بروستافين (Prostafine)
سعر الدواء
- العلبة فيها 20 قرص سعرها 90 جنيه مصري
