المحتويات
الملصق الإلكتروني من الشروط الأساسية للسير بمركبتك في الوقت الحالي وإلا هتتعرض لغرامة كبيرة وعقوبات بتوصل للحبس، وهو خطوة أساسية لتوفير منظومة معلومات دقيقة عن كافة المركبات في مصر.
تقديم طلب تركيب الملصق الإلكتروني أونلاين
- ادخل على موقع مرور مصر ولو مش عامل حساب دخل بياناتك (الاسم الرباعي والرقم القومي) عشان تعمل حساب
- اختار (خدمات إلكترونية) وبعدين (إصدار الملصق الإلكتروني)
- سجل بيانات الرخصة ونوع المركبة ونوع المحرك
- اختار طريقة الدفع عن طريق شركات التحصيل أو الفيزا أو بطاقة الائتمان
- لازم تكون رخصة المركبة سارية
- بيتم إصداره لأنواع التراخيص ملاكي ودراجات نارية
- هيتبعت لك إيميل بالمعاملة اللي تمت فيه رقم العملية وبالتالي ضروري تحفظه على الموبايل
- تابع طلبك على الموقع لحد ظهور (إنه تم إصدار الملصق الإلكتروني)
- الاستلام من وحدة المرور التابعة ليك ولازم يكون معاك البطاقة والرخصة والمركبة نفسها
المستندات المطلوبة لإصدار الملصق
- البطاقة الشخصية لمالك المركبة وصورة منها
- رخصة السيارة وصورة منها
- تركيب الملصق مش مرتبط بمعاد تجديد الرخصة وطالما الرخصة سايرة تقدر تقدم لإصدار الملصق الإلكتروني في وحدة المرور التابعة ليك
مميزات الملصق
- بيحدد الملصق نوع المركبة سواء ملاكي أو نقل أو مقطورة أو دراجة نارية
- بيتيح وجود نظام أمني لفحص المركبات والقدرة على تتبعها في حالات السرقة
- الربط مع قاعدة بيانات السيارات بيحدد السيارات المطلوبة سواء لارتكاب جريمة أو لانتهاء مدة رخصة السيارة
- بيتيح التقاط أي مخالفة في السرعات أو أي رسوم مقررة عليك
عقوبات عدم تركيب الملصق
- سحب ترخيص المركبة مش أقل من شهر ومش أكتر من 3 شهور
- ممكن توصل العقوبة للحبس لمدة مش أكتر من 6 شهور
- بتطبق غرامة مش أقل من 300 جنيه ومش أكتر من 1500 جنيه
- ووفقًا لقانون المرور بتطبق عقوبة إما الغرامة أو الحبس
