الفرق بين ألم العضلات والقلب وكيفية التعامل مع الأزمات القلبية

(كيف افرق بين ألم العضلات وألم القلب) سؤال بيجي في بال أغلبنا لو حسينا بألم بسيط في المنطقة المحيطة للقلب وبنحتار إذا كان الألم يخص عضلة القلب ولا مجرد ألم في العضلات سهل علاجه.

أعراض الأزمة القلبية 

• التعرق المفاجيء مع الشعور ببرودة الجلد ورطوبته
• القيء والغثيان
• سرعة ضربات القلب وإحساسك الكبير بيها
• الدوار والإحساس بالضغط في الصدر
• القلق والكآبة
• ألم في المعدة يمتد لأسفل البطن
• آلام شديد في كل أنحاء الجزء العلوي من الجسم خصوصًا الكتف والذراع والصدر والرقبة والفك
• احساس بامتلاء أو عصر الصدر

كيف افرق بين ألم العضلات وألم القلب

• المنطقة من عند الكتف لحد الحجاب الحاجز كلها اسمها القفص الصدري
• مش أي ألم في المنطقة دي معناه إصابة في القلب لأن ممكن يحصل ألم فيها لأسباب كتير منها تمزق العضلات أو الإصابة بإنفلونزا قوية
• أو مشاكل العمود الفقري والغضاريف أو أي حركة خاطئة ممكن تبقى سبب الألم
• الإحساس بالنغزة والقدرة على وضع اليد عليها عند القلب يبقى الألم مش من القلب أو الشريان التاجي
• ألم عند الثدي الأيسر في منطقة القلب مباشرة أو تحته دليل على إن مصدر الألم مش من القلب ولكن ممكن يبقى ألم عادي من العضلات
• لكن الألم الكبير اللي في وسط القفص الصدري وبيبقى عبارة عن ألم شديد في نفس قوة ضربة سكينة أو شاكوش مش مجرد نغزة عادية
• بينتشر الألم في الرقبة والذراع والكتف وفم المعدة والظهر
• وبالتالي ألم القلب مصدره الأساسي خلف عضمة القص في منتصف الظهر وبتنتشر في الجسم كله
• وقتها لازم تستشير طبيب متخصص فورًا في أسرع وقت

كيفية التصرف وقت الإصابة بأزمة قلبية مفاجئة 

•  وقف أي نشاط بتعمله سواء أكل أو رياضة وماتبذلش مجهود
•  اتصل بالإسعاف وبلاش تنزل السلم على رجلك لأن الحركة في الحالة دي خطر
•  خد حباية أسبرين لو مش بتتعارض مع أدوية تانية
• بلاش تكح كتير لأن الكحة هتزوّد تعبك (على عكس الشائع)
• تجنّب الضغط على صدرك لأن ده مش هيخليك أحسن طالما قلبك بينبض