المحتويات
تنظيف البشرة باستمرار من الخطوات الأساسية لبشرة نضرة ومشرقة، لأنه بيزيل بقايا الأتربة وبيساعد في التخلص من آثار التعب وبيحسن البشرة قبل وضع المكياج.
تطهير البشرة
- اغسلي بشرة وجهك يوميا بمنظف الوجه أو غسول الوجه، وجففيها بفوطة قطنية ناعمة
- احرصي على تجنب استخدام الماء الساخن وبعدين قومي بتطهير بشرتك من خلال وضع القليل من مستحضر الحليب المطهر أو مياه ميسلار على قطعة قطنية ومسح الوجه بيها
- الخطوة دي بتساهم في فتح المسام وإزالة أي أوساخ متبقية على البشرة
بخار الوجه
- عمل حمام بخار للوجه خطوة ضرورية في عملية تنظيف البشرة خاصة لو كانت بشرتك دهنية
- حطي وجهك فوق إناء مملوء بالمياه الساخنة جدا لمدة خمس دقائق
- وبعدين دلكي بشرة وجهك بمكعبات تلج بحركات دائرية لتقليص المسام وإعادة درجة حرارة الجلد لوضعها الطبيعي
السكراب كخطوة من خطوات تنظيف البشرة
- استخدام مقشر الوجه على البشرة بيساعد في القضاء على خلايا الجلد الميت وجعل بشرتك مشرقة ومتوهجة
- ممكن تعملي مقشرات طبيعية في البيت زي استخدام مزيج السكر والعسل لتقشير بشرتك بشكل طبيعي وبعدين افركي بيه وجهك لمدة خمس دقايق وسيبيه لمدة خمس دقايق تانية، واغسلي وجهك كويس بالمياه الدافية
ماسك الوجه للترطيب
- في أنواع كتير من ماسكات الوجه اللي ممكن تستخدمها، ومكوناتها بتختلف حسب اختلاف نوع البشرة، فمثلا البشرة الدهنية بتحتاج مكونات ماصة للزيوت زي الموز والبابايا، لكن لو جافة، هتحتاج مكونات مرطبة زي الزبادي
- اختيار نوع الماسك المناسب هيساعد على ترطيب البشرة وتوحيد شكلها قبل وضع المكياج
التوتر كخطوة من خطوات تنظيف البشرة
التونر ليه فوائد كتير زي الحفاظ على توازن البشرة، وممكن تستخدمي الأنواع الجاهزة أو تعمليه في البيت عن طريق خلط كميات متساوية من مياه الخيار والورد وحفظهم في التلاجة
ترطيب البشرة
- خطوة أساسية من خطوات تنظيف البشرة، لأنه بيساعد في الحفاظ على نضارتها وبيقلل ظهور مشاكل زي الحبوب والتصبغات والجفاف، وبالتالي مهم تتبعي روتين مناسب لنوع بشرتك
- ابدأي بوضع السيروم وبعدين كريم العين ولما يتشرب كويس.. حطي الكريم المرطب النهاري أو الليلي وبعدين آخر خطوة هي واقي الشمس لو نازلة الصبح
