المحتويات
التأتأة أو التلعثم هو أحد أنواع اضطرابات النطق اللي بتعيق قدرة الشخص على الكلام بالطريقة الصحيحة، وهو منتشر بين الأطفال خاصة بين عمر الـ 2-6 سنين، وبيزيد عند الشعور بالحماس أو الضغط.
في حالات بيروح من عندها مع الوقت وحالات تانية بتحتاج علاج لو استمرت لحد مرحلة البلوغ، لأنه بيأثر على الثقة بالنفس والقدرة على الكلام بحرية، وحدة الاضطراب بتختلف بين الخفيف والشديد وأسبابه غير معروفة
أنواع التأتأة
التأتأة المبكرة (أثناء نمو الطفل)
بتظهر أثناء تعلم الطفل مهارات الكلام والنطق وهي الأكتر انتشارا بين الأطفال
أسبابه مازالت غير واضحة ولكن بعض الأطباء قالوا إن سببه هو وجود اختلاف في التوصيل عبر أجزاء الدماغ المسؤولة عن الكلام؛ لكن في الأطفال تكون التوصيلات الدماغية لسه في مرحلة النمو، واللي بيفسر سبب تخلص الكثير من الأطفال من التأتأة في النهاية
الجينات ليها دور في حدوث الكثير من حالات التأتأة، فحوالي 66% من حالات التأتأة تكون متوارثة في العائلة نفسها
التأتأة المتأخرة (المكتسبة)
بتحصل بسبب سكتة دماغية، أو رضوض في الرأس، أو أي نوع تاني من إصابات الدماغ؛ لأن الدماغ بيواجه صعوبة في التنسيق بين مناطق الدماغ المختلفة التي تنتج عنها مشاكل في إنتاج الكلام بشكل واضح وبطلاقة
ممكن يكون بسبب بعض الأدوية، أو التعرض لصدمة نفسية وعاطفية
أعراض التأتأة
- صعوبة في البدء بنطق كلمة أو جملة
- تكرار الكلمات والعبارات بشكل مفرط
- الإطالة في نطق الكلمات
- رمشة بالعين بشكل سريع، أو رعشة الشفايف أو الفك
- التوتر عند بداية الكلام وصعوبته
- تغير تعابير الوجه أو الجسم مع التأتأة
- مد الكلمات أو الأصوات داخل الكلمات
- فرط توتر الوجه أو الجزء العلوي من الجسم لإخراج كلمة أو فرط تيبسهم أو حركتهم
- قدرة محدودة على التواصل بفعالية
- تجنب الطفل للمواقف التي تتطلب التحدث أو الكلام بطلاقة أمام عدد من الأشخاص
- بتكون أسوأ لما يكون الشخص متحمس أو تعبان أو تحت ضغط زي الكلام أمام مجموعة أو على الموبايل
عوامل الخطورة
- الوراثة
- الجنس لأن الذكور أكثر عرضة لها
- مشاكل تانية في الكلام واللغة أو تأخر في النمو
- الضغوطات النفسية
المضاعفات الناتجة عن التأتأة
ممكن تسبب مشاكل زي:
- مشاكل التواصل مع الآخرين
- الشعور القلق عند الكلام الآخرين
- عدم الكلام أو تجنب المواقف التي تتطلب الكلام في شكل مجموعة
- فقدان المشاركة والنجاح الاجتماعي والمدرسي والعملي
- التعرض للتنمر أو المضايقة
- انخفاض مستوى الثقة بالنفس
إمتى تزور دكتور؟
- عند ملاحظة الأعراض والعلامات واستمرارها لأكتر من 6 شهور
- عند بلوغ الطفل عمر 5 سنين واستمرار التأتأة
- تجنب التواصل مع الآخرين والقلق والتأخر الدراسي
- استمراره وزيادته مع التقدم الطفل في العمر
- بيسبب القلق أو المشكلات العاطفية زي القلق والخوف وتجنب المواقف اللي بتسببها
- لو الطفل بدأ في مرحلة البلوغ ولسه بيواجه المشكلة
طرق التعامل مع التأتأة
- حاول تتكلم بالراحة عشان تعوده يعمل ده
- هيأ جو هادي حواليه في البيت بدون توتر وقلق على قد ما تقدر
- ركز معاه لما يتكلم وتجاوب مع اللي قاله عشان يحس إنك مهتم
- اصبر عليه وتجنب العصبية وهو بيتكلم مهما طول
- خصص وقت يومي تتكلموا فيه أو تقروا مع بعض قصة أو كتاب
- خليه يقرا بالراحة وبصوت عالي وينطق الحروف صح ويعيد الكلام تاني بهدوء لو غلط
- تجنب الكلمات الصعبة اللي بتخليه يتأتأ وساعده يستبدلها بكلمات تانية
- لو بتزيد لما بيتعصب.. علمه إزاي يعبر عن زعله بطريقة أهدى وأبسط
- لو بتزيد مع مواجهة الناس.. مرنه في البيت على نفس المواقف قبلها زي بريزنتيشن أو حفلة مدرسية
- مهم يعمل تمرين تنفس يوميا.. ياخد نفس عميق من الأنف ويكتمه جواه ويخرجه بالراحة لمدة ربع ساعة
- ممارسة تمرين الفك هيساعده.. خليه يلمس آخر سقف فمه بطرف لسانه لمدة 3 ثواني من غير ما يوجع نفسه وبعدين يلمس دقنه بطرف لسانه ويثبت على الوضع ده 3 ثواني.. كرر التمرين 5 مرات يوميا
