المحتويات
- 1 وصفات سلطات مختلفة للدايت
- 2 سلطة فاهيتا الفراخ
- 3 المكونات:
- 4 الطريقة:
- 5 سلطة الفراخ والأفوكادو للدايت
- 6 المكونات:
- 7 الطريقة:
- 8 السلطة اليونانية للدايت
- 9 سلطة الكينوا والخضار
- 10 المكونات:
- 11 الطريقة:
- 12 سلطة (Southwestern Chicken) للدايت
- 13 المكونات:
- 14 الطريقة:
- 15 سلطة الكرنب واللحمة
- 16 المكونات:
- 17 الطريقة:
- 18 وصفات الدريسنج الصحي
- 19 الدريسنج الأول:
- 20 الدريسنج التاني:
- 21 الدريسنج التالت:
- 22 الدريسنج الرابع:
- 23 الدريسنج الخامس:
- 24 الدريسنج السادس:
- 25 الدريسنج السابع:
- 26 الدريسنج التامن:
الدايت بيعتمد بشكل أساسي على السلطات ومصادر البروتينات ومصادر صحية من الألياف والدهون والكربوهيدرات، والتنويع في وصفات السلطات والدريسنج هيساعدك تلتزم مدة أطول بدون ملل.
وصفات سلطات مختلفة للدايت
سلطة فاهيتا الفراخ
المكونات:
- معلقة كبيرة زيت زيتون
- فصين توم مفرومين
- عصير ليمونة
- كزبرة مفرومة
- نص معلقة صغيرة سكر بني
- نص معلقة صغيرة بابريكا أو شطة
- ملح وفلفل أسود
- شرايح بصل
- فلفل ألوان
- خس متقطع
- مهروس الأفوكادو (اختياري)
الطريقة:
- اخلط زيت الزيتون والتوم وعصير الليمون والكزبرة والسكر البني وبابريكا والملح والفلفل
- تبل الفراخ بنص الكمية وسيبها في التلاجة
- اشوي الفراخ في طاسة وسيبها 10 دقايق بعد التسوية وبعدين قطعها
- في طاسة تانية.. شوح شرايح البصل وفلفل ألوان وبعدين ضيفهم لشرايح الفراخ
- ضيف الخس المتقطع والنص التاني من الخليط السايل
- ممكن تضيف مهروس الأفوكادو للتزيين
سلطة الفراخ والأفوكادو للدايت
المكونات:
- معلقة كبيرة خل بلسميك
- معلقة كبيرة زيت زيتون
- نص معلقة صغيرة سكر بني
- فصين توم مفرومين
- ريحان مجفف
- ملح وفلفل أسود
- صدور فراخ
- خس متقطع
- طماطم
- فلفل
- مكعبات جبنة فيتا
- أفوكادو
الطريقة:
- اخلط الخل وزيت الزيتون وعصير الليمون والسكر البني والتوم والريحان والملح والفلفل
- تبل صدور الفراخ بنص الكمية واحفظ النص التاني في التلاجة
- اشويها وسيبها 10 دقايق قبل تقطيعها
- اخلط شرايح الخس والطماطم والجبنة والأفوكادو
- ضيف شرايح الفراخ عليهم وبعدين وزع باقي الخليط
- زود رشة ملح وفلفل أسود
السلطة اليونانية للدايت
اخلط في بولة كبيرة:
- حمص مسلوق
- قطع بصل
- شرايح خيار
- قطع طماطم
- شرايح فلفل ألوان
- زيتون
- تبلهم بدريسنج السلطة المفضل ليك زي خليط الريحان والزعتر وزيت الزيتون والليمون
- ضيف قطع جبنة فيتا ورشة بقدونس مفروم
سلطة الكينوا والخضار
المكونات:
- معلقة كبيرة زيت زيتون
- نفس الكمية من المستردة
- معلقة كبيرة خل
- معلقة كبيرة عصير ليمون
- رشة توم بودرة
- رشة بصل بودرة
- نص معلقة صغيرة أوريجانو
- كينوا مطبوخة
- شرايح خيار
- قطع طماطم
- شرايح فلفل ألوان
- بقدونس مفروم
- بصل مفروم
- قطع جبنة فيتا
- شرايح زيتون
- حمص مسلوق (اختياري)
- ملح وفلفل أسود
الطريقة:
- اخلط الزيت والليمون والخل والملح والفلفل والأوريجانو والتوم والبصل البودرة في وعاء صغير
- في وعاء تاني.. اخلط الخضار مع بعض وضيف عليه نص الخليط
- زود الجبنة وبعدين البصل والبقدونس المفرومين والزيتون
- ضيف النص التاني من الخليط وزود الحمص للتزيين
سلطة (Southwestern Chicken) للدايت
المكونات:
- معلقتين كبار زيت زيتون
- معلقة كبيرة عصير ليمون
- نفس الكمية كزبرة مفرومة
- فصين توم مفروم
- بابريكا أو شطة
- ملح وفلفل
- صدور/ أوراك فراخ
- شرايح أفوكادو
- فاصوليا حمراء
- درة أصفر
- شرايح طماطم أو طماطم شيري
- شرايح خس
- ربع كوب زبادي يوناني سادة أو كريمة حامضة
الطريقة:
- اخلط الزيت وعصير الليمون والبابريكا والملح والفلفل الأسود والكزبرة والتوم مع بعض
- تبل الفراخ بنص الكمية من الخليط وبعدين اشويها في طاسة
- في وعاء كبير.. اخلط شرايح الأفوكادو والفاوصليا الحمراء والدرة والطماطم والخس
- ضيف شرايح الفراخ عليهم
- اخلط باقي الخليط السايل مع الزبادي اليوناني وضيفه للسلطة
سلطة الكرنب واللحمة
المكونات:
- بقدونس وكزبرة مفرومين
- قطع بصل
- فاصوليا بيضاء مسلوقة
- شرايح كرنب
- قطع فلفل
- شرايح لحمة رفيعة مستوية
- عصير ليمون
- ملح وفلفل
- بابريكا أو شطة
- كزبرة ناشفة
- رشة بهارات لحمة
الطريقة:
- في طاسة على النار.. شوح الكرنب والخضار لحد ما شكله يدبل
- ضيف البقدونس والكزبرة وبعدين شرياح اللحمة
- زود البهارات على الخليط مع التقليب المستمر
وصفات الدريسنج الصحي
ممكن تجرب الوصفات دي مع سلطات مختلفة، وكميات المكونات بتختلف حسب تفضيلك ونوع السلطة
الدريسنج الأول:
- معلقتين كبار خل بلسميك
- معلقة كبيرة مسطردة
- فص توم مفروم
- معلقة كبيرة زيت زيتون
- ملح وفلفل أسود
الدريسنج التاني:
- معلقة كبيرة زيت زيتون
- نفس الكمية من خل تفاح
- معلقة صغيرة كركم
- نص معلقة جنزبيل مبشور
- معلقة صغيرة عسل أبيض
الدريسنج التالت:
- معلقة كبيرة زيت زيتون
- معلقتين كبار خل تفاح
- معلقة كبيرة مسطردة
- معلقة صغيرة عسل أبيض
- نفس الكمية من عصير الليمون
- ملح وفلفل أسود
الدريسنج الرابع:
- كوب زبادي
- نص معلقة صغيرة بودرة توم
- نفس الكمية بودرة بصل
- ملح وفلفل أسود
الدريسنج الخامس:
- تلت كوب مسطردة
- معلقتين كبار خل عادي أو خل التفاح
- معلقة صغيرة عسل أبيض
- معلقة كبيرة زيت زيتون
- ملح وفلفل أسود
الدريسنج السادس:
- معلقة كبيرة زيت زيتون
- ربع كوب عصير ليمون
- معلقة صغيرة عسل أبيض
- ملح وفلفل أسود
الدريسنج السابع:
- نص كوب زبادي
- ربع كوب عصير ليمون
- فصين توم مفرومين
- معلقة كبيرة زيت زيتون
- ملح وفلفل أسود
الدريسنج التامن:
- معلقة صغيرة زيت زيتون
- معلقة كبيرة عصير ليمون
- رشة ريحان مجفف
- ملح وفلفل أسود
