البيتزا واحدة من أشهر الأكلات في كل البلاد، وفي حيل مختلفة اتباعها هيساعدك تعملها بطريقة مميزة ومحترفة، وفي حيل هتقلل كمية السعرات الحرارية فيها، وليها وصفات مختلفة للحشو.
حيل البيتزا
- استخدم منديل المطبخ مع الجبنة الموتزاريلا السليمة للتخلص من المياه الزايدة فيها قبل وضعها
- ضيف الجبنة البارميزان المبشورة على البيتزا بعد ما تخرجها من الفرن عشان تسيح مع الحفاظ على طعمها
- زود المياه قبل الدقيق في العجن
- ضيف الريحان ليها بعد خروجها من الفرن عشان تحافظ على طعمه
- دخل البيتزا بدون إضافات لمدة دقايق وبعدين ضيف صوص الطماطم والإضافات لتجنب طبخهم مدة طويلة
- اعمل الصوص الأحمر بطماطم بس وسيبها تغلي على نار هادية بدون غطاء عشان الصوص يكون سميك
- افرد البيتزا على ضهر صينية الخبز عشان تقربها من الشواية وضيف رشة دقيق عليها الأول لتجنب لصق البيتزا فيها
- غطي العجين بغطاء الاستحمام البلاستيك لتجنب جفاف العجين وتضمن له درجة حرارة مناسبة
- الزبادي اليوناني أنسب من الزبادي العادي في وصفة البيتزا
- استخدم صينية (Iron Cast) في خبز البيتزا.. ادهنها بزيت الزيتون وضيف الإضافات عشان الأطراف تكون مقرمشة
- اخبزها على درجة حرارة عالية ولو هتستخدم إضافات فيها بروتين.. ضيفها للبيتزا قبل ما تستوي عشان تكمل في الفرن
- قبل وضع الإضافات.. اخلط زيت زيتون مع توم مبشور واستخدم فرشة المطبخ لتوزيعها على العجين
- استخدم الـ(Baking Steel) لتوزيع الحرارة بالشكل الصحيح وعشان الأطراف تكون مقرمشة أكتر
- استخدم النشابة عشان تتحكم في سمكها صح وتجنب استخدام إضافات كتير عشان العجينة تكون متماسكة
- لو هتضيف خضار.. سويه نص تسوية قبل إضافته واختار أنواع الجبن اللي طعمها بيبرز بعض مش بيغطيه
حيل البيتزا الصحية
في حاجات بسيطة هتساعدك في تقليل السعرات الحرارية عند أكلها، زي:
- اطلب الكراست الرفيع عشان تقلل السعرات ونسبة الكربوهيدرات
- تجنب الأطراف المحشية
- تصفية الزيت من قطع البيتزا باستخدام مناديل المطبخ بتقلل من 20- 50 سعر حراري للقطعة
- حط القطع في طبق وتجنب الأكل من العلبة عشان تقدر تحدد الكمية اللي هتاكلها
- قطع الشرايح بحجم صغير وامضغها بالراحة عشان تشبع أسرع
- تجنب الزيادات في الصوص/ الجبنة/ اللحوم الدهنية وزود الخضار/ السي فود/ اللحوم
- اطلبها بكمية جبنة أقل
- لو بتعملها في البيت.. استخدم دقيق حبة كاملة واعمل صوص الطماطم في البيت وتجنب الصلصة الجاهزة
- زود الخضار عليها زي السبانخ/ الكيل/ المشروم/ أرجولا/ بروكلي/ زيتون/ فلفل ألوان
- استخدم أجبان قليلة السعرات زي الفيتا/ ريكوتا/ جبنة الماعز/ موتزاريلا قليلة الدسم بكميات قليلة
- استبدل العجينة بخبز البريتا أو التورتيلا الحبة الكاملة
- بدل اللحوم المصنعة.. استخدم اللحوم قليلة الدهون أو الجمبري
- أكلها مع طبق سلطة هيشبعك أسرع وهيخليك تاكل أقل منها
