المحتويات
وصفات القهوة الساخنة أو المتلجة سهل تعملها في البيت لأنها بتحتاج مكونات بسيطة وخطوات سهلة التنفيذ، هنقدملك الوصفات الأكتر شهرة وإضافات السيرب المختلفة.
وصفات القهوة
فرابتشينو
- كوباية مكعبات تلج
- معلقتين قهوة صغيرين في نص كوباية مياه/ 2 شوت إسبريسو بارد
- 1/3 كوباية لبن
- سكر (حسب الرغبة)
- معلقتين صغيرين سيرب شوكولاتة
- اخلط كل المكونات في الخلاط وزينهم بكريمة مخفوقة لو حابب
قهوة متلجة
- معلقتين صغيرين قهوة سريعة التحضير في كوباية مع السكر
- زود نص معلقة صغيرة مياه باردة واخلطهم ببلندر أو معلقة لحد ما القوام يتقل
- حط مكعبات التلج في نص كوباية لبن (أو أكتر حسب حجم الكوباية) وزود القهوة عليهم
كافيه موكا
- معلقة قهوة سريعة التحضير
- سكر (حسب الرغبة)
- معلقة كاكاو أو مكعب شوكولاتة غامقة أو بحليب (15جم)
- من 2-3 معالق صغيرة مياه سخنة وقلب المكونات كلها كويس
- سخن كوباية لبن بس بلاش تخليها تغلي
- أول ما يسخن حطه في برطمان إزاز محكم واقفله كويس ورجه 30 ثانية
- حطه في كوباية بالجنب عشان تحافظ على الرغوة
لاتيه
- اخلط معلقتين صغيرين قهوة سريعة التحضير مع السكر و1/4 كوباية مياه مغلية
- قلبهم كويس لمدة دقيقة
- سخن كوباية لبن واعمل فوم بمضرب النسكافيه أو رجه في برطمان إزاز محكم
- لو استخدمت مضرب النسكافيه.. حط اللبن في وعاء كبير لأن كميته هتزيد
- اخلط اللبن مع القهوة وزين الوش ببودرة الكاكاو
كابتشينو
- سخن كوباية لبن وبلاش تسيبه يغلي
- اعمل فوم في اللبن بمضرب النسكافيه أو رجه في برطمان إزاز محكم
- اخلط معلقتين صغيرين من بن الإسبريسو مع 1/3 كوباية مياه مغلية
- زود باقي الكوباية لبن وزين الوش ببودرة كاكاو أو قرفة
موكا فرابتشينو
- 2 شوت إسبريسو
- 1/3 كوب حليب
- معلقة كبيرة سكر
- كوب مكعبات تلج
- 2 معلقة كبيرة شراب شوكولاتة مركز
- كريمة مخفوقة أو صوص الشوكولاتة للتقديم
- في الخلاط.. ضيف مكعبات التلج مع الإسبريسو
- ضيف السكر والحليب وشراب الشوكولاتة
- امزج الخليط لمدة 30 ثانية وبعدين قدمه بعد تزيينه بالكريمة المخفوقة
لاتيه بالفانيليا
- 1/4 كوب حليب
- 1 شوت اسبريسو
- 2 معلقة كبيرة فانيليا سايلة
- ضيف الحليب على النار عشان يغلي وفي كوب منفصل ضيف السكر والفانيليا
- ضيف الحليب للخليط في الكوب
الكاراميل مكياتو
- هتحتاج كوب حليب و2 معلقة كبيرة فانيليا سايلة و2 شوت اسبريسو وممكن تستبدلها بضعف الكمية من القهوة سريعة التحضير
- صوص كراميل
- حضر الإسبريسو أو ضيف القهوة سريعة التحضير في كوب
- سخن الحليب ورجه في وعاء محكم عشان يعمل فوم
- ضيف الإسبريسو أو القهوة للحليب
- ضيف الفانيليا وبعدين زينها بصوص الكاراميل
وصفات السيرب لوصفات القهوة المختلفة
سيرب الفانيليا
- في وعاء متوسط.. ضيف كوب و3/4 كوب مياه
- كوب ونص سكر
- ضيف حبة فانيليا مقسومة نصين
- أول ما الخليط يغلي.. وطي النار وسيبه 5 دقايق لحد ما السكر يدوب تماما
- شيله من على النار وضيف معلقتين صغيرين فانيليا سايلة
- أول ما يبرد.. شيل حبة الفانيليا واحفظه في وعاء زجاج محكم
- خزنه في التلاجة
- ممكن تضيفه للقهوة الباردة والساخنة
سيرب الـ(Pumpkin Spice)
- في وعاء متوسط.. اخلط كوب مياه مع كوب (Maple Syrup)
- ضيف 3 معالق كبار من بيوريه القرع العسلي/ عودين قرفة/ نص معلقة صغيرة جوز الطيب
- ضيف ربع حبة جنزبيل طازة مبشور
- سيب الخليط لحد الغليان وبعدين وطي النار وسيبه 15 دقيقة مع التقليب المستمر
- صفيه في برطمان زجاج محكم بعد ما يبرد تماما
سيرب القرفة
- اخلط ربع كوب سكر أبيض مع ¾ كوب سكر بني وكوب مياه في وعاء على نار متوسطة
- قلبه كويس لحد ما السكر يدوب
- ضيف معلقة صغيرة قرفة مطحونة مع التقليب المستمر
- أول ما يغلي.. شيله من على النار وضيف معلقة كبيرة فانيليا سايلة
- استنى لما يبرد عشان تخزنه
سيرب اللوز
- اخلط نص كوب سكر مع تلت كوب مياه
- ضيف معلقة صغيرة من مستخلص اللوز
- سيب الوعاء على نار متوسطة لحد ما يغلي وبعدين وطي النار وسيبه 5 دقايق
- استنى يبرد تماما عشان تخزنه
سيرب الكراميل
- اخلط ربع كوب مياه مع كوب سكر وسيرب الدرة على نار هادية
- أول ما السكر يدوب.. غطي الوعاء وخلي النار متوسطة وسيب الخليط يغلي دقيقتين
- شيل الغطاء وقلبه باستمرار لحد ما الخليط يكون سميك
- أول ما لونه يفتح.. شيله من على النار وضيف نص كوب مياه
- ضيف معلقة صغيرة فانيليا ورشة ملح بسيطة جدا
- استنى لما يبرد عشان تحفظه في التلاجة
