المحتويات
وسائل منع الحمل متعددة، واختيار الأنسب ليكي بالاتفاق مع شريكك هيساعدك تنظمي الإنجاب بطريقة صحية ليكي، ومهم تفكري في النوع وآثاره الجانبية قبل الاختيار.
أنواع وسائل منع الحمل
الواقي الذكري
- من أكتر الطرق المستخدمة وسعره معقول
- يصنع من مطاط رقيق جدا
- فعال بنسبة 98% لو تم استخدامه بالطريقة الصحيحة
- النوع المصنوع من مادة البولي يوريثين أقل نوع ممكن يسبب حساسية
- لا يسبب آثار جانبية معظم الحالات
- يستخدم مرة واحدة بس واتأكد من تاريخ انتهاء الصلاحية قبل استخدامه
- لو اتقطع أثناء العلاقة.. لازم تاخدي حباية منع الحمل الطارئة خلال 72 ساعة
الواقي الأنثوي
- بيعمل على منع الحيوانات المنوية من دخول الرحم ومزود بحلقة في كل طرف
- بيحمي من الأمراض اللي بتنتقل جنسيا ونادرا لما بيسبب حساسية
- سهل الاستخدام للسيدات وتقدر تتحكم فيه
- ممكن استخدامه قبل العلاقة الجنسية بأكتر من ساعة
- فعال بنسبة كبيرة لو تم استخدامه صح
- بيستخدم مرة واحدة بس
- الجزء الدائري منه لازم يفضل بره ويغطي فتحة المهبل بشكل كامل
غطاء عنق الرحم
- عبارة عن غطاء من السليكون عرضه ممكن يوصل لحد 8.5 سم كحد أقصى
- الحافة المرنة للعازل الأنثوي بتغطي مدخل الرحم وتمنع الحيوانات المنوية من الدخول والوصول للبويضة
- يمكن استخدامه أثناء الرضاعة الطبيعية
- ممكن استخدامه قبل العلاقة الجنسية بساعتين
- بيستخدم مع مستحضرات إبادة الحيوانات المئوية
- غير مناسب لو عندك حساسية من السيليكون أو مصابة بتشوهات في المهبل أو لو كان عندك نزيف مهبلي أو عدوى في المهبل أو عنق الرحم
مستحضرات إبادة الحيوانات المنوية
- هي منتجات كيميائية لقتل الحيوانات المنوية أو إضعافها قبل الوصول للبويضة
- توضع في المهبل قبل ممارسة العلاقة الجنسية
- ليها أشكال كتير زي الكريم/ الجل/ اللبوس/ منتج على شكل رغاوي
- بتستخدم مع وسائل منع حمل تانية لأن نسبة الحمل أثناء استخدامها لوحدها بتوصل لـ 12%
- لا تؤثر على الرضاعة وآمنة في الاستخدام
- الآثار الجانبية بيعاني منها الرجال والسيدات زي الإحساس بالحرقان أو ظهور طفح جلدي في الأعضاء التناسلية
الهرمونات
- من أهم وسائل منع الحمل
- الوسيلة الأكثر شهرة منها هي حباية منع الحمل الفموية المركبة
- في أشكال تانية زي شريحة منع الحمل وهي عبارة عن قطعة صغيرة ورفيعة يدخلها الطبيب تحت الجلد أعلى الدراع والشريحة فيها هرمون البروجستين Progestin اللي يتم إطلاقه يوميًا بكمية منخفضة وثابتة لزيادة مخاط عنق الرحم اللي بيمنع وصول الحيوان المنوي للبويضة وبالتالي منع الحمل، وممكن تفضل موجودة لمدة تصل إلى 3 سنوات.
- الحقنة كل ثلاث أشهر في الذراع أو الأرداف وبتتكون من هرمون البروجستين Progestin وبتعمل نفس مفعول الشريحة
- حبوب مستحضر البروجستين Progestin وبتتكون من هرمون واحد وهو البروجستين Progestin والدكتور بيوصفها حسب الحالة الصحية وتؤخذ هذه الحبوب كل يوم في نفس الوقت بشكل مستمر دون انقطاع
- لصقة مانع الحمل وبتتكون من هرموني الإستروجين (Estrogen والبروجستين Progestin وبتستخدم أسفل البطن أو الأرداف أو أعلى الدراع ويتم وضعها مرة أسبوعيًا لمدة ثلاثة أسابيع
اللوالب الرحمية
- هي الوسيلة الأكثر انتشارا بين السيدات خاصة بعد سن الـ30
- نسبة فعاليتها بتوصل لحد 99%
- بتنقسم لنوعين: لولب رحمي مع نحاس لولب رحمي مع بروجسترون
- بيفضل فعال وناجح لمدة 5 سنين وأكتر
- في احتمالية بسيطة لحدوث تلوث بسيط أو نزيف بعد تركيبه فلازم متابعة مع دكتور
- الدكتور هيعلمك إزاي تلاحظي رفض جسمك ليه أو تحركه من مكانه لو حصل
- لا يحمي من انتقال الأمراض المنقولة جنسيا فمهم تستخدم الواقي الذكري معاه
حبوب منع الحمل الطارئة
- بتستخدم في حالات الطوارئ لممارسة العلاقة الجنسية بدون استخدام وسيلة منع حمل
- ليها أعراض جانبية زي الشعور بالغثيان/ آلام البطن/ اضطراب الدورة الشهرية
- بتستخدم مرتين بس في السنة
طريقة عمل وسائل منع الحمل
كل الأنواع تعمل بطرق متنوعة وتشمل:
- منع الحيوانات المنوية من الوصول للبويضة
- تعطيل أو إتلاف الحيوانات المنوية
- منع البويضة من الإطلاق كل شهر
- تغيير بطانة الرحم عشان لا تعلق بها البويضة المخصبة
- زيادة سمك مخاط عنق الرحم عشان الحيوانات المنوية لا تمر بسهولة من خلاله
نصائح عامة
- اختاري النوع الأنسب والأريح ليكي واللي تقدري تلتزمي بيه
- كل نوع ليه الآثار الجانبية الخاصة بيه على حسب طريقة عمله وبتختلف تكلفته المادية
- الحيوانات المنوية بتعيش داخل الرحم من 5- 7 أيام بعد العلاقة الجنسية
- وده معناه إن لو حصل علاقة جنسية بدون استخدام وسيلة لمنع الحمل أثناء الدورة الشهرية.. في احتمالية حمل ضعيفة
- أكتر الأيام اللي بتزيد فيها احتمالية الحمل هي أيام التبويض ودي بعد حوالي 12- 14 يوم من آخر يوم في الدورة الشهرية
