المحتويات
فرط الحركة وتشتت الانتباه من الاضطرابات اللي بتظهر على الأشخاص في مرحلة الطفولة والمراهقة، والتعامل مع شريكك المصاب تحدي ممكن تكسبه.
اضطراب فرط الحركة وتشتت الانتباه بيسبب أعراض زي:
- الحركة الزيادة
- ضعف القدرة على التركيز
- عدم التنظيم
- الميل للتصرف باندفاع
- ضعف مهارات إدارة الوقت
- صعوبة القيام بمهام متعددة
- ضعف القدرة على ضبط النفس
بالرغم من إن مفيش علاج نهائي ليه، إلا إن في طرق للتأقلم معاه وعلاجه لتقليل الأعراض
مع اتباع نصائح وخطوات معينة، تقدر تكون علاقة صحية مع شريكك المصاب بيه
قرائتك ومعرفتك بالاضطراب وتفاصيله هتساعدك تفهمه أكتر وتعرف الطرق المناسبة للتعامل معاه في المواقف المختلفة
تأثير اضطراب فرط الحركة على العلاقات العاطفية
الأعراض بتختلف من شخص للتاني، وبالرغم من إن الاضطراب ليه أنواع مختلفة إلا إن في أعراض مشتركة وأساسية، زي:
- ضعف القدرة على التركيز والانتباه لفترات طويلة
- سهولة الإحباط وضعف القدرة على تحمله
- النسيان
- الاندفاعية
- عدم الصبر
- العشوائية وعدم القدرة على التنظيم
في بعض العلاقات، الأعراض دي ممكن تسبب مشاكل بين الشريكين لأن ممكن الشخص يكون بيتكلم والشخص المصاب غير قادر على الاستماع ليه بإنصات أو التركيز معاه
ممكن يسبب نسيان الطرف التاني المهام اللي وراه أو يصعب عليه تنظيم حياته بالشكل اللي يتناسب مع الطرف التاني
في طباع مختلفة ممكن تكون نقطة إيجابية للشخاص المصاب بيه تقدر تستغلها في علاقتكم زي حب المغامرة وتقبل الذات والتفكير بشكل متوسع
خطوات تحسين علاقتكم
الطرفين هيتأثروا عاطفيا بالطريقة اللي بيأثر فيها الاضطراب على علاقتهم، والطرق المستخدمة للتعامل معاه هتقلل أو هتزود التواصل بينهم
مهم تلاقي الطريقة اللي تقدر تدعم بيها شريكك وتكتشف من خلالها نقاط قوته وضعفه عشان تحدد مجرى العلاقة بينكم
الصبر والتفاهم أهم صفتين لازم تستخدمهم أثناء التعامل معاه لأن الاضطراب وأعراضه بيأثروا عليه بنفس قدر تأثيره عليك ويمكن أكتر
فمثلا لو غلط أو فشل في إنهاء مهمة معينة.. تجنب لومه أو انتقاده وقدم له الدعم العاطفي اللي محتاجه
في نصائح معينة هتساعدك في التعامل معاه
البحث المنظم
- بعد اكتشاف إصابة شريكك بيه، لازم تعمل بحث مفيد ومنظم عن اضطراب فرط الحركة وتشتت الانتباه عشان تفهمه من كل جوانبه
- بزيادة معرفتك وفهمك للموضوع وأعراضه، هتقدر تتوقع ردود أفعاله وتبرر تصرفاته غير المفهومة بالنسبالك
- الإصابة بيه مش مبرر للتصرف بشكل غير منطقي طول الوقت، ولكنه هيوفرلك تفسير مناسب
نقاط القوة واضطراب فرط الحركة وتشتت الانتباه
- بدل التركيز على نقاط ضعف شريكك في العلاقة، الأفضل تركز على نقاط قوته وتساعده يحسنها أكتر
- فهو ممكن يبقى شخص تلقائي وبيتمتع بمهارات حل المشاكل وعنده طاقة إيجابية وبيتمتع بالإبداع والتفكير المختلف اللي ممكن تستفيد بيه في العلاقة
- دور على النشاطات والأشياء المشتركة اللي ممارستها هتساعدك على تقوية علاقتك بيه ومن خلالها تحدد الأشياء اللي ممكن يساعدك فيها ويتحمل المسؤولية معاك
لغة الحوار
- تجنب اللجوء للانتقاد أو استخدام عبارات فيها (إنت عملت) أو (إنت السبب) واستبدلها بعبارات فيها (أنا حسيت بكذا لما حصل..)
- استبدل الانتقاد بشرح التأثير اللي عمله سلوكه عليك وبدل من مهاجمته لفظيا إنه غير منتبه ليك ولكلامك.. اشرح مشاعرك تجاه تجاهله ليك بوضوح وهدوء
- ممكن تحدد مواعيد أسبوعية للكلام عن حياتكم اليومية وعلاقتكم وإيه الأساليب اللي جربتوها ونجحت والأساليب غير المفيدة بالنسبالكم
الانتقاد واضطراب فرط الحركة وتشتت الانتباه
- الأسهل إن تنتقد الطرف التاني بدل توفير الدعم اللي محتاجه، لكن آثار الانتقاد البعيدة بتأثر على العلاقة بشكل عميق
- فمثلا لو شريكك بيواجه صعوبة في احترام المواعيد اللي بينكم، استبدل الخناق والانتقاد بالكلام معاه في الأوقات المناسبة ليكم
- اتكلم معاه عن توقعاتك وطرق الوصول لحل وسط وحل الأشياء اللي مسببالك قلق
الدعم واضطراب فرط الحركة وتشتت الانتباه
- محاولة إيجاد الأشياء المشتركة بينكم وقضاء وقت معاه بشكل مناسب ليكم هيساعدك في تحسين علاقتك ببعض
- حسسه دايما إنك فاهم الأعراض اللي بيمر بيها ومقدر مشاعره المختلفة، وحاول تساعده يدور على بدايل مناسبة ليه يقدر ينجز من خلالها النشاطات المختلفة
