مطبخ

طريقة عمل الشيش طاووق التقليدية وللدايت

إزاي تعمل الشيش طاووق بطرق مختلفة؟

طريقة عمل الشيش طاووق من أسهل الوصفات اللي ممكن تعملها في البيت، خاصة إنها من الأطباق المفضلة لأشخاص كتير، خاصة الأطفال، وممكن تتناولها مع الأرز الأبيض أو في ساندوتشات سريعة التحضير مع بطاطس محمرة.

طريقة عمل الشيش طاووق التقليدية

المكونات

  • كيلو صدور فراخ مخلية ومقطعة مكعبات
  • ثمرة فلفل أحمر مقطع مكعبات كبيرة
  • بصلتين مقطعين قطع كبيرة
  • ثمرة فلفل أخضر مقطع مكعبات كبيرة
  • معلقتين صغيرين صلصة
  • ربع كوباية عصير ليمون
  • 3 فصوص توم مفروم
  • ربع كوباية زيت
  • معلقة صغيرة زعتر مجفف
  • تلت أربع كوباية زبادي
  • معلقة صغيرة بابريكا
  • ملح وفلفل أسود
  • معلقة صغيرة ريحان مجفف

الطريقة

  • اخلط الزبادي مع معلقتين كبار زيت وعصير الليمون والتوم والزعتر والريحان والبابريكا والصلصة والملح والفلفل الأسود
  • حط الفراخ في الخليط السابق وقلب كويس وحطها في التلاجة لمدة ساعتين
  • في أسياخ خشبية.. حط قطعة فراخ وفلفل أخضر وأحمر وبصلة وكرر بالتناوب
  • سخن باقي كمية الزيت في طاسة.. حط الأسياخ وحركها على كل الجوانب لحد ما تستوي

طريقة عمل الشيش طاووق

طريقة عمل الشيش طاووق للدايت

المكونات

  • نص كيلو صدور فراخ مقطعة مكعبات
  • 4 ثمرات فلفل ألوان مقطع مكعبات كبيرة
  • كوباية زبادي
  • معلقة صغيرة بصل بودرة
  • نص معلقة صغيرة توم بودرة
  • معلقة كبيرة زيت زيتون
  • معلقة صغيرة روزماري مجفف
  • ملح وفلفل أسود
  • معلقة صغيرة بابريكا

الطريقة

  • في بولة عميقة.. اخلط الزبادي مع البصل والتوم البودرة والروزماري والزيت والبابريكا والملح والفلفل الأسود
  • ضيف مكعبات الفراخ في التتبيلة وقلب كويس وغطيها وسيبها لمدة ساعتين في التلاجة
  • استخدم أعواد خشب.. وحط فيها الفراخ ومكعبات الفلفل بالتبادل
  • افرد ورق فويل في صينية ورص عليها الأعواد
  • دخل الصينية الفرن لمدة 25 دقيقة لحد ما الشيش طاووق يستوي

طريقة عمل الشيش طاووق

مقالات ذات صلة

زر الذهاب إلى الأعلى