المحتويات
تعلم اللغة الفرنسية من الخطوات الضرورية لو بتخطط للسفر للهجرة في فرنسا أو للدراسة في جامعاتها اللي أغلبها بتدرّس المناهج باللغة الفرنسية وبالتالي خطوات كتير هتساعدك تتعلمها أسرع.
خطوات تعلم اللغة الفرنسية
- مشاهدة الأفلام باللغة الفرنسية مع تفعيل خاصية كتابة جمل الحوار ضرورية للاستماع المتكرر للكلمات والمصطلحات وفهم طريقة نطقها واستخداماتها في الحياة اليومية
- في نفس الوقت اسمع لأغاني فرنسية كتير عشان تساعدك تنطق صح وتفهم روح اللغة مع ترجمة معاني الكلمات
- ابحث على الإنترنت عن شخص فرنسي ونظم معاه أوقات محددة يتكلم فيها معاك بالفرنسية (سواء كان بالصوت أو حتى بالكتابة)
- لو صعب عليك تتكلم مع شخص فرنسي ابحث في دائرة معارفك عن شخص بيتكلم الفرنسية بطلاقة بس اتأكد قبلها من أشخاص موثوق فيهم إنه متقن ليها
- البحث عن كتب القواعد ومذاكرتها وحفظ الأفعال وتصريفاتها في الأزمنة المختلفة لكن بلاش تركز عليه كل اهتمامك خلال الفترة اللي هتتعلم فيها اللغة
- مثلًا لو مخصص ساعتين في اليوم لتعلم اللغة خصص لتعلم القواعد حوالي ساعة وربع والباقي مارس فيه أنشطة مختلف تكتسب منها مصطلحات وفهم جديد للغة
- شارك في كورسات تفاعلية فيها حضور حقيقي مع أشخاص تانيين عشان تزوّد فهمك للغة
- ممكن تزوّد خبرتك في اللغة بكورسات أونلاين
- اعرف إن الأساس في تعلّم اللغة لأطول وقت هي الممارسة مش مجرد حفظ القواعد وحل التطبيقات عليها
مواقع وتطبيق لتعليم اللغة الفرنسية
المواقع
التطبيقات
- Duolingo على Play Store أو App Store
- Memrise على Play Store أو App Store
- French For Kids على Play Store أو App Store
- Learn French with MosaLingua على Play Store أو App Store
طريقة تعلم لغتين في نفس الوقت
- أحيانًا بتتشجع لتعلم الفرنسية رغم عدم إتقانك للإنجليزية أو للغة أجنبية تانية نفسك تتعلمها وبتحاول تتعلم اللغتين في نفس الوقت
- العلماء بيقولوا إن مخنا سهل عليه تعلّم موضوعات متشابهة في نفس الوقت
- بيقدر المخ يعالج المعلومات المختلفة ويصنّفها صح بعد استيعابها وفهمها بشكل متوازي ومتزامن
- لكن الموضوع عند اللغات ممكن يبقى صعب أكتر من أي مهمة تانية بتتعلمها
- في مرحلة الطفولة سهل على الطفل تعلم أكتر من لغة في نفس الوقت لكن مع تقدم السن الموضوع بيبقى أصعب
- تقدر بسهولة تتعلم قواعد اللغة والنحو وتصريفات الأفعال والأزمنة الخاصة بكل لغة ولكن حفظ المصطلحات والتراكيب صعب يحصل بشكل متوازي
- بيحتاج منّك مجهود مضاعف عشان تخصص الوقت المناسب لكل لغة
- اعرف إن المهمة مش صعبة وهتضطر تضحي بوقت فراغ أو ترفيه
- الموضوع بينتهي عند عدد كبير من الناس بتعلم مباديء اللغتين بدون إتقان فعلي خصوصًا مع الانغماس في العمل
- الخبراء بيقترحوا بعض النصائح عشان تتعلم لغتين في نفس الوقت بس بفاعلية أكبر
- اختار لغتين مختلفين عن بعض في المصطلحات والقواعد والثقافة عشان تسهل تعلمهم
- ضروري تبقى واحدة منهم عندك خلفية عنها ولو بسيطة وبلاش تختار لغتين معندكش أي فكرة عنهم
- خلي دائمًا لغة منهم هي الأساس أو الهدف الأكبر لإتقان أكبر جزء منها
- ضروري تخصص وقت ثابت يوميًا لكل لغة فيهم وافصل بينهم نشاط تاني مدته مش أقل من ساعة
- محاولة ترجمتك لجملة من لغتك للغتين في نفس الوقت هتساعد تفصل بين اللغتين صح
- بس بلاش تحاول في ترجمة من اللغة للغتين إلا بعد تمكنك ولو بنسبة بسيطة من اللغتين
- خصص وقت في الأسبوع لمشاهدة أفلام وسماع أغاني من اللغتين
- ابني حوار مع أشخاص بيتكلموا نفس اللغات اللي بتتعلمها عشان تزوّد ممارستك ليهم
