(ماكينة قهوة سهلة التشغيل والتنضيف وعملية في الاستخدام وسعرها مناسب) هي المواصفات اللي أي محب للقهوة هيطلبها في الماكينة اللي هيشتريها، والخطوة الأهم هي شرائها من مكان موثوق فيه وبيقدم خدمة ما بعد البيع.
نصائح لاختيار ماكينة قهوة
- اعرف حجم خزان المياه وعدد الكوبايات في المرة الواحدة
- اتفرج على فيديوهات لطريقة التشغيل وزراير التحكم وتعبئة المياه والإيقاف التلقائي وغيرها من المميزات
- اختار الماكينة سهلة الاستخدام والتنضيف والصيانة لأنها بتحتاج صيانة وتنضيف مستمرين مع تكرار الاستعمال لفترة طويلة
- الفلاتر الورقية مناسبة للاستخدام الشخصي لأنها بتتغير مع كل استخدام ولكن الفلاتر المعدنية هتحتاج تغسلها وتستخدمها تاني بسهولة
- اعرف إن الماكينة المزودة بجزء الرغوة الخاص باللبن هي أفضل اختيار لو من محبي الإسبريسو واللاتيه والكابتشينو
- ماكينة القهوة المفلترة أفضل اختيار لمحبي القهوة في المكاتب لأنها بتحضر كمية كبيرة
- ماكينات الكبسولات مناسبة لكوب واحد في المرة خاصة في المنزل
- ضروري يكون الهيكل مصنوع من مواد غير قابلة للصدأ زي الأستانليس ستيل عشان تتجنب الصدأ السريع على الماكينة
طريقة تنضيف ماكينة القهوة
- فرّغ القارورة اللي بتصب فيها المياه واشطفها كويس بالمياه والخل وبعدها سيب مقدار مياه ومقدار خل متساويين داخل القارورة وشغّل الماكينة
- في منتصف دورة تحضير القهوة وقفّها وسيب المياه والخل لمدة ساعة وبعد استكمال دورة تحضير املا المياه
- مرر قطعة قماش فيها صابون على كل الأجزاء الخارجية للماكينة
- الماكينات اللي بتشتغل بالكبسولات ضروري تملا القارورة الشفافة فيها بالخل فقط وتشغلها مرتين ورا بعض
- بلاش تشغّل المكاينة إلا بعد ساعتين من تنضيف الماكينة بالخل
أسعار ماكينات القهوة في مصر
- ماكينات Nespresso:
- Essenza Plus سعرها 4500 جنيه
- Inissia سعرها 3600 جنيه
- Essenza Plus سعرها 3200
- Citiz سعرها 5600 جنيه
- Lattissima Pro سعرها 13500 جنيه
- ماكينات Delonghi:
- Delonghi Dedica Espresso Machine سعرها بيتراوح بين 4000 جنيه لـ 4500 جنيه
- أما Delonghi Dedica Espresso Machine Magnifica سعرها 9400 جنيه
- أسعار ماكينات تورنيدو لتحضير القهوة يدويًا بيبدأ سعرها من 1850 جنيه
