المحتويات
الفساتين السواريه لها موديلات وألوان كتير جدا، وده بيسبب حيرة لأي بنت قبل حضور أي مناسبة أو فرح، لكن الاختيار والتحديد ممكن يكون أسهل لو عارفة شكل جسمك والألوان المناسبة لبشرتك.
نصائح مهمة للاختيار
- اعرفي شكل جسمك
- حددي ميزانية الفستان
- اعملي سيرش على أشكال الفساتين بالقصة المناسبة لجسمك
- بعد ما تحددي شكل الفستان.. دوري في المحلات قبل ما تاخدي قرار التفصيل
- اختاري لون وخامة مناسبة
اختيار فساتين سواريه حسب شكل الجسم
الكمثرى
- بتكون المؤخرة والأرداف حجمها أكبر من الجزء العلوي من الجسم
- اختاري فساتين السهرة بقصة الـ A Line أو المنفوشة لإخفاء الجزء الممتلئ
- أما لو كان الجسم رفيع.. تجنبي اختيار فستان ضيق بيحدد الجسم باللون الأسود لأنه هيعكس شكل أقل للجسم
- التطريزات أو التموجات على الصدر أو الأكتاف من الحيل الرائعة لأنها هتقلل النظر للجزء الممتلئ
التفاحة
- بيكون الجسم ممتلئ أكتر عند منطقة الصدر والبطن مقارنة بمنطقة الأرداف
- اختاري فستان سواريه يساعدك في إخفاء امتلاء الجسم يكون منفوش بوسط مرفوع لضمان إبراز الصدر وإخفاء البطن الممتلئة
- ممكن تختاري فستان ضيق بفتحة صدر V أو بأكتاف منسدلة لضمان إبعاد النظر عن منطقة البطن
الساعة الرملية
- بتتميز بقوام متناسق لأن الجزء العلوي متماشي مع الجزء السفلي مع خصر محدد
- صاحبة الشكل ده محظوظة لأن كل أشكال وموديلات الفساتين بتليق عليها
- موديل الـ Wrap dress هتساعد في تحديد الخصر وإبرازه بشكل مثالي
- الفساتين بتموجات على الخصر (اسمها البيبلوم) مناسبة كمان
المستطيل
- بيكون في تناسق بين الجزء العلوي والسفلي ولكن بخصر غير محدد
- اختاري فساتين تمويجات على الخصر لأنها بتحدد شكل الجسم أفضل
- اختاري فساتين طويلة مزينة بأكمام منفوشة أو القصة المستقيمة بطبقات متعددة
كفية اختيار فستانين سواريه مناسبة لقصيرات القامة
- اختاري فستان طويل لأن إخفاء الرجل بيزود طول الساقين
- تجنبي الفساتين متوسطة الطول أو بعد الركبة لأنها بتبرز قصر الطول.. ممكن تستبدليها بالفساتين القصيرة
- ابعدي عن القصات الفضفاضة والمنفوشة القصيرة
- الأفضل اختاري فستان بقصة عند منطقة الخصر
- الألوان الغامقة زي الأسود والكحلي والفوشيا والبنفسجي كلها بتزود الإحساس بالطول
- مهم تلبسي كعب عالي واختاري إنه يكون مريح (زي الكعب المربع)
كيفية اختيار ألوان مناسبة
- افهمي درجة لون بشرتك (دافية أو باردة)
- البشرة الدافئة بدرجات أساسية صفراء والباردة بدرجات أساسية وردية سواء كانت أفتح أو أغمق
- افحصي عروقك من عند المعصم.. لو لونها مايل للأزرق تبقى بشرتك باردة لكن لو مايلة للأخضر لون بشرتك دافي
- حطي ورقة بيضاء عند رقبتك أو صدرك واقفي في الشمس.. لو ظهر ضي أزرق أو وردي يعني بشرتك باردة أما البشرة الدافية هيظهر ضي أخضر أو دهبي
- ألوان زي: الأحمر والوردي الفاتح واللبني والموف الغامق.. بتليق مع كل درجات البشرة
- البشرة الفاتحة والشاحبة: اختاري الألوان الغامقة زي الرمادي والبني والأخضر والأزرق والبنفسجي لأنها هتزود التباين مع بشرتك وتجنبي الألوان الفاتحة لأنها هتزود إحساس إن بشرتك شاحبة
- البشرة المتوسطة: اختاري ألوان الموف الفاتح والأخضر الفاتح والأحمر الفاتح والأصفر الفاتح والأخضر بدرجاته الفاتحة والأوف وايت
- البشرة الخمرية: اختاري ألوان زي الزيتوني والموف الأرجواني والمستردة والأخضر والأزرق والوردي والأسود
- البشرة السمراء: اختاري الألوان زي الأصفر والأبيض والبرتقالي والوردي والأسود
