المحتويات
ميكروفون جديد سهل الاستخدام وبيوفر صوت نقي هي المواصفات الرئيسية اللي بتستهدفها قبل شرائه وبالتالي ضروري تبحث بدقة قبل شراء جهاز جديد خصوصًا لو هتستخدمه في شغل أو إنتاج فيديوهات هتتكلف مبالغ كبيرة.
نصائح قبل شراء ميكروفون جديد
- تحديد هدفك قبل شراء الميكروفون خطوة أساسية هتسهل عليك الاختيار
- اشتري من محل موثوق في منتجاته وبيقدم خدمة ما بعد البيع
- اعرف إن فيه نوعين رئيسيين من الميكروفونات الاحترافية وهم: USB وXLR
- الـ USB من أهم مميزاته إنه سهل الاستخدام وأغلبهم مش بيحتاج تعريف لكن أغلبهم بيوفر جودة صوت أقل من الـ XLR باستثناء بعض الأجهزة القيمة بجانب إنه مش بيشتغل بكامل كفائته على ويندوز 10
- أما ميكروفون الـ XLR بيحتاج يتوصل بـ Mixer قبل الوصول للكومبيوتر ومن أهم مميزاته إنه متوفر بأشكال متنوعة وبيوفر جودة صوت أعلى بتوصل لـ 32 متر أما الـ USB أغلبهم 16 متر أو 24 متر
- أي إعدادات الصوت تقدر تظبطها عن طريق الـ Mixer وفي نفس الوقت تقدر توصله بأي جهاز تاني حتى لو الموبايل عكس الـ USB اللي استخدامه حصري فقط على الكومبيوتر
الفرق بين الميكروفون الـ Dynamic والـ Condenser
- الكبسولات الداخلية في الميكروفون بتنقسم لنوعين وهما Dynamic وCondenser ووظيفته الأساسية تحويل الصوت لإشارات يقدر الكومبيوتر يفهمها
- اعرف إن الـ Dynamic عادة أرخص من الـ Condenser ومش بيحتاج كهرباء عشان يشتغل عكس الـ Condenser ويعتبروا أمتن في الاستخدام مع القدرة على عزل الصوت بشكل أفضل
- ولكن ضروري تبقى قريب من الميكروفون عشان يظهر صوتك بشكل أوضح
- وبالتالي ضروري وإنت بتشتري تسأل عن نوع الكبسولات الداخلية عشان تفرّق بينهم صح
- أما الميكروفون الـ Condenser بيشتغل أكتر في الستوديوهات وبيشتغل في تسجيل الـ Voiceover والأفلام والمسلسلات والبودكاست
- لكنها حساسة أكتر من الميكروفونات الـ Dynamic وبتقدر تلتقط أي أصوات قريبة منك
الاختيار الأفضل حسب الاستخدام
- الخيار الأفضل لتسجيل الـ Vlogs أو لو بتتحرك كتير وبتحتاج تسجل محتوى في أماكن مختلفة هو lavalier microphone
- أما لو محتاجه في مكان ثابت فالأفضل تختار ميكروفون Behringer xm8500 ultravoice عشان تقدر تسجل عليه كلام تنشره للعامة
- لو محتاج ميكروفون للـ PC للتواصل مع الآخرين أو لمكالمات سكايب الأحسن تختار samson Q2U
- أما لو محتاج جهاز احترافي لقناة Podcast جديدة يبقى أحسن اختيار ليك هو samson c01UPRO
