صحة نفسية
نتيجة الثانوية العامة: التخلص من التوتر وقت انتظارها ومهارات لازم تنميها
إزاي تتخلص من التوتر قبل نتيجة الثانوية العامة؟
المحتويات
نتيجة الثانوية العامة وانتظارها بيعتبر حدث في كل بيت مصري لأنه مش بس نتيجة تعب ومجهود عام كامل ولكن البعض بيعتبر المجموع عامل أساسي في تحديد اختيارات الكليات اللي هيتبني على أساسها مستقبل الشخص، إلا إن بعض التجارب أكدت إن تفوق كل شخص في مجال بيحبه هو أساس النجاح وإن أحيانًا تحقيق درجات عالية في الثانوية مش بالضروري معناه تميز الشخص وذكائه العام، ولكنه بيعبر عن قدرته على التحصيل واجتهاده خلال العام.
أضرار التوتر قبل ظهور نتيجة الثانوية العامة
- دراسة في الجامعة الملكية بلندن بتقول إن القلق والتوتر بيزودوا فرص الإصابة بالزهايمر
- واكتشفوا وجود علاقة بين التفكير السلبي والقلق المستمر وبين زيادة التدهور المعرفي وكمان بيسبب أمراض عقلية خطيرة مع التقدم في العمر
- الخطر موجود على الشباب في سن المراهقة وبيعرّضهم للتدهور المعرفي وقلة التركيز والتشتيت المستمر
- ووصلوا للنتيجة عن طريق تجربة بأخذهم عينة للكشف عن أدمغة بعض المشاركين وراقبوا سلوكهم لمدة سنتين عشان يقيسوا تأثير التوتر عليهم
- ولقوا إنه اللي قلقهم زايد بتتراكم عندهم رواسب بروتين تاو وبروتين بيتا أميلويد ودي من البروتينات اللي تراكمها بيساعد على الإصابة بالزهايمر
- وبتنصح بالتأمل والاشتراك في الأنشطة اللي بتساعد على بعد التفكير عن أي ضغوط
طرق التخلص من التوتر
- حدد بالتفصيل سبب خوفك من النتيجة وحاول تشغل نفسك بنشاط تاني
- لأنه ممكن في بعض الحالات ينتج عنه حبك لممارسة عادات سيئة زي التدخين
- مارس رياضة لأن الجهد البدني بيقلل الطاقة السلبية
- تمارين اليوجا بتساعد في تقليل هرمون (الكورتيزول) اللي بيسبب التوتر
- حاول تهدي عضلات جسمك من خلال تمارين الإطالة أو المساج أو دش سخن
- تمارين التنفس بتساعد على تهدئة الأعصاب من خلال زيادة نسبة الأكسجين في الدم مثلًا خد نفس عميق واكتمه وفرّغه على 5 مرات
- ارتاح من كل التزاماتك المهنية والاجتماعية لمدة قصيرة على فترات متباعدة عشان تستعيد قوتك مرة تانية
- اتكلم مع شخص بتثق فيه عن مشاكلك أو أسباب توترك
- اشرب كوباية شاي أخضر يوميا لأن فيها مادة (البوليفينول) اللي بتقلل مستوى التوتر
- دراسات قالت إن الزيوت العطرية زي اللافندر والبرتقال والنعناع بتساعد على تهدئة الأعصاب وتجنب المنبهات والكافيين
طرق تنمية المهارات خلال الأجازة
- الخبراء بيأكدوا إن تنمية المهارات العقلية مهم قبل دخول المرحلة الجامعية
- طبيعة الدراسة والمواد بتختلف وبالتالي بتحتاج عقلية متفتحة أكتر لاستيعابها
- اختار مهارة هتستفيد بيها في حياتك اليومية عشان تتقنها أسرع
- أو مهارة مرتبطة بمجال الدراسة اللي إنت واثق إنك هتكمّل فيه
- خصص وقت في يومك ليها وابعد عن أي مشتت
- حدد خطة زمنية توصل فيها لمرحلة معينة في إتقان المهارة دي والتزم بيها
- في الأول بيزيد شغفك لتعلم شيء جديد بس أحيانًا بتتغير صورتك الذهنية مع التجربة والاستكشاف
- جرب أكتر من مهارة في البداية عشان تحدد أكتر واحدة جذابة لاهتماماتك
- حتى لو منجذب لمهارة واحدة اتعلم معلومات بسيطة عن المجالات
- دراسة بتأكد إن ده بيطور مهاراتك المعرفية واستيعابك للمعلومات وبيقوي ذاكرتك
- استشير خبير في المهارة دي عشان يقيم أداءك فيها ويحددلك نقاط الضعف اللي تنميها
- الأحسن تتعلم وسط مجموعة من أعمار مختلفة عشان تبني روابط اجتماعية متنوعة هتشجعك تتعلم أسرع
- اعرف حدود قدراتك في المهاردة دي وبلاش تعتقد إن خبراتك المتراكمة أساس نجاحك فيها
- اهتمامك بتناول الأكل الصحي وممارسة الرياضة بيزود سرعة إتقانك ليها
- دراسة بتأكد إن ألعاب السودوكو والدومينو والشطرنج هيساعدوك تتعلمها بدقة
- ابحث عن قصص نجاح لأشخاص اتقنوا نفس المهارة في سن كبير
مهارات ضروري تنميها قبل نتيجة الثانوية العامة ودخول الجامعة
- برامج الأوفيس خصوصًا الوورد والباوربوينت
- التحدث أمام مجموعة كبيرة بدون خوف
- المذاكرة بطريقة الفهم مش الحفظ
- القدرة على تحديد الأهداف والعمل على تحقيقها
- تسجيل وتفريغ المحاضرات
- البحث للوصول إلى معلومة معينة سواء عن طريق الإنترنت أو الكتب
- القدرة على استخدام برامج الترجمة من لغة للتانية
- تكوين الصداقات والعلاقات الاجتماعية مع الآخرين وتقبل الاختلافات
