مميزات iphone 13 والاتصال عبر القمر الصناعي وموعد نزوله للأسواق

iphone 13 اتنشر عنّه تقارير كتير مسرّبة خصوصًا بعد إعلان شركات حافظات الهواتف (الجرابات) عن إصدارها خط جديد مناسب للآيفون 13 المتوقع الإعلان عنّه نهاية الأسبوع الحالي وصدوره في متاجر آبل بعد 10 أيام من الإعلان عن مواصفاته.

مساحة كاميرا أكبر 

• هيحتفظ آيفون 13 بنفس عدد الكاميرات وترتيبها في آيفون 12 ولكن بحجم أكبر بكتير
• المساحة الأكبر بتسمح لآبل بإضافة مستشعرات جديدة وكاميرات أكثر في المستقبل وزيادة دقة مستشعرات sensor-shift stabilization الشهيرة اللي بتمنع اهتزاز الكاميرا أثناء التقاط الصورة
• بيزيد حجم الزجاج على الكاميرا

تطوير جودة التصوير

• بتطور آبل القدرة على التصوير السينمائي من خلال تقنية جديدة على آيفون 13 اسمها Cinematic Video
• بتقدر من خلالها تظبط الإضاءة والخلفية وتحدد مقدار المساحة الضبابية بعد الانتهاء من تسجيل الفيديو  
• بتطور آبل تقنية وضع الفلاتر على الصور عشان تقدر تحط فلاتر على أجزاء معيّنة من الوجوه مش كلها

زيادة سمك iphone 13 وتغيير مكان الأزرار 

• حسب التقارير المسربة بشركة آبل بتحتاج سمك أكبر للتليفون الجديد اللي بتطور عليه خدمة الـ 5G
• قدرة البطاريات متطورة عن كل تليفونات آبل السابقة بجانب زيادة ترددات جودة الشاشة
• هتنخفض أماكن زراير التحكم في الصوت وتفعيل الوضع الصامت وزرار فتح وإغلاق الهاتف بنسبة 6.2 ملم
• بعض خبراء التقنية بيقولوا إن تغيير المكان ممكن ينتج عنّه زيادة راحة المستخدمين أثناء استخدام الأزرار

سبب زيادة سعر iphone 13 مقارنة بباقي هواتف آبل 

• ارتفاع تكالف الرقائق هيسبب زيادة في سعر آيفون 13 خصوصًا إن سعر معالجات 7 نانومتر زاد بنسبة 5%
• بعض الخبراء بيتوقعوا ارتفاع سعر آيفون 13 بنسبة 20% خصوصًا في أول 3 شهور من إصداره
• الموضوع مش مقتصر بس على آيفون 13 لأن أغلب التليفونات اللي هتتصنع سواء آيفون 11 أو 12 هتستخدم نفس نوع الرقائق
• وبالتالي هتزيد أسعار الآيفون المصنّع حديثًا خصوصًا في الثلث الثاني من سنة 2021

سعة التخزين 

• بعض التقارير التكنولوجية بتقول إنه هيوصل لـ 1 تيرابايت لاستيعاب مقاطع الفيديو اللي حجمها كبير بجانب تخزين أكبر قدر ممكن من الصور والتطبيقات
• تسريبات تانية بتقول إن آيفون 13 هينزل منه نوعين بيختلفوا في سعة التخزين
• واحد هتوصل سعة تخزينه لـ 64 جيجا والتاني هيوصل لـ 128 جيجا
• أما آيفون 13 برو هتوصل سعة تخزينه لـ 128 جيجا و256 جيجا ولكن البرو ماكس منّه هيصدر منه نسختين واحدة سعتها 256 جيجا والتانية سعتها 512 جيجا

التواصل عن طريق الأقمار الصناعية 

• لحل مشكلات عدم تغطية شبكات التليفون في بعض الأماكن ببتطور آبل تقنية الإتصال عبر الأقمار الصناعية
• في البداية الموضوع كان مصمم فقط لاستخدام التقنية دي خلال الأزمات عن طريق رسائل الـ imessages عبر الأقمار الصناعية
• وبالتالي سهولة الإبلاغ عن حوادث غرق السفن أو سقوط الطائرات
• جدل كبير بين خبراء التقنية إذا كانت التقنية دي هتتفعل في الإصدار الأول من آيفون 13 ولا هيبدأ ظهورها للنور بداية 2022
• الحل هيكون في مؤتمر آبل للإعلان عن التليفون الجديد