المحتويات
Google Photos من التطبيقات المميزة اللي بيساعدنا بيها جوجل لتخزين صور بمساحات كبيرة لتوفير مساحة للتخزين على الموبايلات، بجانب القدرة على مشاركة الصور مع آخرين وتعديلها وغيرها من الخيارات المتنوعة داخل التطبيق.
لتحميل الصور من الكومبيوتر للموقع مباشرة
- ادخل على موقع Google Photos وفي أعلى اليمين/اليسار (حسب اللغة اللي بتستخدمها للموقع) هتلاقي كلمة تحميل/ Upload
- اختار الصور أو حتى الفيديوهات اللي عايز تضيفها من جهازك على الموقع واختار فتح/Open
خطوات إضافة الصور من الموبايل على Google Photos
الأندرويد
- اتأكد إن النسخة اللي عندك 4.15 أو الأحدث
- وصّل تليفونك بواي فاي قوي عشان توفّر في بيانات الهاتف/ Mobile Data
- هتحتاج تضيفهم بجودة عالية مش أكتر من كده عشان توفْر مساحة تخزين لأكبر قدر من الصور
- افتح تطبيق Google Photos بعد تحميله
- اضغط على الـ 3 نقاط اللي فوق بعض أعلى اليمين
- اختار إعدادات/Settings وبعدها افتح خيار العودة والتمكين/Back and Sync
- اختار جودة عالية/ High Quality عند وضع النسخ الاحتياطي/ Backup mode
- افتح النسخ الاحتياطي لمجلدات الجهاز/ Backup device Folders واختار كل الملفات اللي عايز تضيفهم
الآيفون
- حمّل التطبيق على الآيفون وبعدها اعمل تسجيل دخول بإيميل Gmail
- بعد الدخول اضغط على صورة الحساب الرئيسية (Profile Photo) واختار رمز إعدادات الصور/ Photo Settings
- اختار جملة نسخة احتياطية ومزامنة/ Backup and Sync
- افتح إعدادات/ Setting في الآيفون واكتب في خانة البحث خصوصية/ Privacy وفعّل تطبيق Google Photos
التحكم في جودة الصور وشراء مساحة تخزين
- زور الرابط لو فاتح من الكومبيوتر واختار الجودة المناسبة ليك
- لو فاتح من الموبايل سواء آيفون أو أندرويد تقدر عند جملة نسخة احتياطية ومزامنة/ Backup and Sync اختيار الجودة المناسبة ليك
- تقدر تشتري مساحة تخزين لو المساحة المحدودة مش هتكّفي احتياجك
- زور الرابط الأساسي للموقع وادخل على Settings وتحت اختيار الجودة تقدر تضغط على Buy Storage
- لو فاتح من الموبايل سواء آيفون أو أندرويد وافتح الإعدادات وتجت نسخة احتياطية ومزامنة/ Backup and Sync اختار شراء مساحة تخزين وحدد خطة التخزين قبل الشراء
تعديل الصور على Google Photos
- لو فاتح من الكومبيوتر اضغط على زر الفأرة الأيمن/ Right Click واختار تعديل/ Edit اللي هتسمحلك بإضافة تعديلات مختلفة للصورة سواء قص جزء غير مرغوب فيه أو إضافة فلتر لتغيير شكلها العام وغيرها من التعديلات
- على الموبايل اضغط باستمرار على الصورة عشان تستمتع بتعديلات مختلفة منها ظبط الصور وتحديدًا:
- العمق/ Depth والتباين/ Contrast والسطوع/Brightness وتشبع الألوان/ Saturation وغيرها من التعديلات
- افتكر إن التطبيق مش بيحتفظ بنسخة تانية من الصورة قبل التعديل وبالتالي لازم تبقى متأكد إنك مش محتاج النسخة الأصلية
- اضغط على الصورة أثناء التعديل عشان تقارن بين الصورة الأصلية وبين التعديلات
تخزين الصور في ألبوم مخفي
- افتح التطبيق واضغط على مكتبة/Library وبعدها اختار الأدوات المساعدة/ Utilities ومنها اختار المجلد المغلق/ Locked Folder
- اختار الصور اللي عايز تنقلها وبعدها اضغط على زر الفأرة الأيمن/ Right Click واختار المزيد وحدد النقل إلى المجلد المغلق
- صعب الوصول للملف إلا عن طريق البحث عن اسمه وبتزيد فائدته على الموبايل لأن الدخول عليه بيحصل عن طريق كتابة كلمة سر الموبايل أو وسيلة التعرف عليك حسب نوع موبايلك
نقل الصور من icloud لـ Google Photos
- اعمل تسجيل دخول لحسابك على الـ iCloud وبعدها اطلب نقل نسخة من بيانات وسجّل الدخول بحسابك على جوجل
- اعرف إن عملية نقل البيانات بتستغرق حوالي من 3 لـ 7 أيام
مميزات متنوعة للتطبيق
- تفريغ مساحة واسعة من على جهازك سواء الكومبيوتر أو الموبايل
- تقسيم الصور أثناء تخزينها لألبومات متنوعة
- الحصول على كل المعلومات عن الصورة سواء مصدرها وتاريخ رفعها على الموقع
- تحميل الصورة بسهولة مرة تانية على جهازك
