مميزات اليوتيوب المختلفة بخطوات سهلة وسريعة

اليوتيوب من أكتر المواقع زيارة على الإنترنت، لأنه بيقدم محتوى مجاني كبير ومتنوع في مختلف المجالات، ومعرفة حيله المختلفة هيساعدك تستخدمه بصورة أسهل وأسرع.

لتحويل الفيديو على اليوتيوب لـ(GIF)

• دوس على الـ(URL) أعلى الشاشة
• ضيف كلمة (gif) قبل الـ(domain name)
• تقدر تختار مدة الـ(GIF)/ الكابشن/ تغيير درجة وضوح الفيديو
• دوس على (Create GIF) أعلى الشاشة وبعدين (Next)
• اعمل شير للـ(GIF) عشان تقدر تحمله

لو عايز تبعت الفيديو لشخص ويبدأ عند وقت محدد لما يفتحه

• دوس على كلمة (Share) أسفل الفيديو
• اعمل علامة صح جنب اختيار (Start)
• اكتب جنبه الوقت اللي عايزه أو ممكن تحرك الفيديو لحد الدقيقة اللي عايزها
• بعد ثواني.. هتلاقي الوقت اللي اختارته ظهر في نهاية لينك اليوتيوب

لو عايز تظهر الكلام اللي في الفيديو بشكل مكتوب

• دوس على (More) أسفل الفيديو
• اختار (Transcript) عشان يظهرلك الكلام بالدقايق في الفيديو
• لو ماظهرش.. يبقى صاحب الفيديو لغى الخاصية أثناء تحميله

لإضافة مؤثرات صوتية على الفيديو

• دوس على (Create) يسار الشاشة
• اختار (Audio Library) وهيظهرلك قائمة بالمؤثرات الصوتية اللي ممكن تستخدمها أو ممكن تعمل سيرش على صوت معين
• دوس على السهم جنب الصوت عشان تحمله على الكمبيوتر وتستخدمه

لو عايز تعدل فيديو ليك 

• افتح القائمة المنسدلة أسفل الفيديو جنب اختيار (Edit)
• اختار (Enhancements)
• هيظهرلك 9 اختيارات ممكن تضيفهم للفيديو

لو عايز تسمع موسيقى من اليوتيوب أثناء التصفح في الموبايل

لو آيفون:

• افتح (Safari) وادخل على موقع يوتيوب
• دوس على الـ(Home Button)
• اعمل (Swipe down) عشان يظهرلك تفاصيل الفيديو اللي كان شغال
• دوس على (Play)

لو أندرويد:

• حمل متصفح فايرفوكس أو كروم
• افتح (https://www.youtube.com/) منه
• دوس على (Settings) واختار (Request Desktop Site)
• افتح الفيديو اللي عايزه وبعدين اتصفح في الموبايل

لمسح تاريخ السيرش على اليوتيوب

• دوس على (History) يسار الشاشة
• اختار (Clear All Watch History) لو عايز تمسحه كله أو (Pause Watch History) لو عايز توقف تسجيل الفيديوهات اللي هتشوفها بعد كده
• أو ممكن تشيل تاريخ السيرش لفيديوهات معينة بالضغط على (X) جنب الفيديو

لمشاهدة الفيديوهات في شكل الـ(VR)

• دوس على التلت أعلى الفيديو
• اختار (View in Cardboard) من القائمة من اللي هتظهرلك
• وصل الموبايل بنضارة الـ(VR)

لمنع كلمات معينة من الظهور في فيديو على اليوتيوب 

• سجل دخولك على (Youtube Studio)
• اختار الإعدادات من يسار الشاشة وبعدين (Community)
• انزل لحد اختيار (Blocked Words)
• اكتب الكلمات اللي عايز تمنعها وافصل بينهم بفاصلة