معلومات عن النشوة الجنسية عند السيدات ونصائح للوصول لها

النشوة الجنسية عند السيدات من الموضوعات الغامضة عند معظم الناس، وفي معلومات كتير مغلوطة أو غير معروفة عنها وده بيقلل درجة اهتمام الشريكين بيها او الاستمتاع بالعلاقة الجنسية.

حقائق عن النشوة الجنسية

هي وصول السيدة لمرحلة الذروة للإشباع الجنسي في العلاقة الحميمية، وعادة السيدات بتحتاج وقت أطول من الرجال للوصول ليها، وفي معلومات خاطئة عنها لازم تفهمها صح عشان تزود الاستمتاع بالعلاقة الحميمية

السيدات اللي بيعانوا من مشاكل نفسية صعب يوصلوا للنشوة الجنسية

• بالرغم من الصدمة واضطراب العلاقات الزوجية واضطرابات الصحة النفسية بتصعب الوصول ليها
• إلا إن ممكن الناس اللي حياتهم مستقرة ولا يعانوا من أي اضطراب نفسي يواجهوا نفس المشكلة
• النشوة الجنسية هي رد فعل نفسي وبدني، وممكن مشاكل صحية كتير تأثر على درجة شعورك واستمتاعك بيه
• بعض السيدات بيواجهوا المشكلة دي نتيجة لجفاف المهبل بسبب تناول أدوية منع الحمل أو أثناء وبعد مرحلة الحمل أو في فترة انقطاع الدورة الشهرية

الواقي الذكري لا يؤثر على الوصول ليها

هو لا يعيق وصول المرأة للوصول للنشوة الجنسية، ولكنه بيساعد على إطالة مدة الرجل للوصول ليها، وبالتالي فرصة السيدة أكبر للوصول ليها

سيدات كتير لم يشعروا بالنشوة الجنسية

• الدراسات أثبتت إن حوالي 30% من السيدات لم يمروا بالنشوة الجنسية ولا مرة، وده بيسبب بعدهم عن العلاقة الحميمية
• حوالي 80% بيحسوا بآلام مهبلية أثناء العلاقة الحميمية واللي بتمنع وصولهم ليها
• ضروري تستشيري دكتور عشان تعرفي الحل الطبي الأنسب لحالتك

أهمية اكتشاف أماكن الإثارة

• الخطوة الأولى للوصول ليها هي اكتشاف جسمك واحتياجاته والكلام عنها بشكل صريح مع شريكك، لأن كل جسم بيختلف عن التاني في طبيعته وأهم أماكن استثارته
• اكتشاف الأماكن اللي بتثيرك مع شريكك تدريجيا هيساعدك توصلي ليها حتى لو كانت الأماكن بعيد عن أماكن الإثارة التقليدية زي البظر

تغيير أوضاع العلاقة الحميمية مهم

الروتين والملل من أهم أسباب عدم الوصول ليها، وبالتالي تغيير وتجربة أوضاع غير تقليدية ومختلفة هتزود الحماس في العلاقة الحميمية

رعشة الجسم ضرورية

• بعض السيدات ربطوا بين حدوث رعشة في الجسم وبين الوصول للنشوة الجنسية، ولكن دي معلومة خاطئة
• ردود الأفعال عند الوصول ليها بتختلف من سيدة للتانية، فالبعض يلجأ للسكوت والبعض التاني يكتفي بالشعور بالاسترخاء والابتسام

الوصول للنشوة في كل علاقة جنسية ضروري

لا يجب الوصول ليها في كل علاقة حميمة، فمعظم السيدات بتستمتع أكتر بالمداعبة وهي كافية لإرضائهم وإشباعهم جنسيا، والتواصل بين الشريكين عن الموضوع مهم جدا