المحتويات
النزيف المهبلي بيحصل في أيام الدورة الشهرية وفي بعض الحالات التانية زي ما بعد الولادة، ولون الدم ليه دلالة على حالتك الصحية.
دلالات لون دم النزيف المهبلي
اللون الأسود
ممكن يبقى بسبب إن الدم أخد وقت طويل للخروج من الرحم وبالتالي اتعرض للتأكسد
يشير في بعض الحالات لانسداد في المهبل وبيصاحبه أعراض زي
- الرائحة الكريهة
- ارتفاع درجة الحرارة
- صعوبة التبول
اللون البني أو الأحمر الغامق
- دم قديم في نهاية الدورة الشهرية
- نتاج عن التصاق البويضة المخصبة بجدار الرحم في بداية الحمل
- حمل خارج الرحم
- دليل على النفاس واللي بيبدأ بدم لونه أحمر فاتح وبينتهي بدم بني أو أحمر غامق
- دلالة على الإجهاض
الأحمر الفاتح
هو اللون الطبيعي للنزيف المهبلي أثناء الدورة الشهرية
ممكن يبقى دليل على الإصابة بالأمراض المنقولة جنسيا في حالة نزوله بين الدورة الشهرية والتانية
في بعض الحالات.. ممكن يبقى دليل على الإصابة بسرطان عنق الرحم وبيرافقه أعراض زي:
- كثافة الدورة الشهرية
- زيادة مدة الدورة الشهرية
- ألم أسفل الضهر والقدمين ومنطقة الحوض
اللون الوردي للنزيف المهبلي
دليل على اختلاط الدم مع سوايل وإفرازات المهبل
ممكن يبقى علامة على الإجهاض
بيظهر في بعض الحالات اللي بتتناول حبوب منع الحمل لأنها بتقلل نسبة الأستروجين في الجسم
ممكن يبقى عرض لحالات صحية زي:
- فقر الدم
- سوء التغذية
- خسارة الوزن بشكل كبير
اللون البرتقالي
دليل على وجود التهابات بكتيرية وبالتالي مهم تراقبي جسمك في حالة ظهور حكة المهبل أو الرائحة الكريهة
اللون الرمادي
في معظم الحالات بيدل على التهاب المهبل البكتيري وبيرافقه بعض أعراض تانية زي:
- الحكة المهبلية
- رائحة كريهة لإفرازات المهبل
- ألم أثناء التبول
دلالات وجود كتل مع النزيف المهبلي
وجود كتل صغيرة في النزيف المهبلي بيمثل جزء من بطانة الرحم اللي تم تمزيقها، لكن في حالة مصاحبة الكتل دي نزيف شديد لازم تستشيري دكتور لأنه ممكن يبقى علامة على:
- تليف الرحم
- اختلال في توازن الهرمونات
- التهاب الحوض
- مشاكل في الولب
- تناول بعض الأدوية زي مضادات التخثر والأسبرين
- سرطان عنق الرحم
