مرأة
أسباب آلام الدورة الشهرية والمشاكل الصحية المرتبطة بها
إزاي أعراض الدورة الشهرية بتعكس حالتك الصحية؟
الدورة الشهرية بتصاحبها آلام مختلفة في الجسم وبعض الأعراض منها ممكن تكون مؤشر لمشاكل صحية خطيرة، عشان كده مهم ملاحظتها واستشارة طبيب عند الضرورة.
ما هي الدورة الشهرية؟
هي عملية طبيعية لأن الجسم بيعد نفسه للحمل وفي بداية كل دورة، يبدأ الرحم في تكوين بطانة رخوة مكونة من أنسجة غنية بالدم استعدادًا لتكوين بويضة يتم طرحها من المبيض (عملية التبويض)
لو حصل إخصاب للبويضة، ممكن تنتج جنينًا، ولو ماحصلش إخصاب للبويضة، بيتم التخلص من بطانة الرحم الغنية بالدم لأنه لم تعد هناك حاجة ليها، وبيطلق على العملية دي الدورة الشهرية أو الحيض
أسباب آلامها
- الشعور بالآلام والتقلصات في الجزء السفلي من البطن وأسفل الظهر وأعلى الساقين التعب طبيعي في الفترة دي
- وده نتيجة لانقباض الرحم (أو انضغاطه) للتمكن من التخلص من البطانة اللي لم يعد هناك حاجة ليها، وفي منتجات كيميائية اسمها البروستاغلاندين والمعروفة بأنها بتسبب الشعور بألم وتساعد على انقباض الرحم
- التفاوت بين حدة الآلام بين السيدات سببه غير واضح لحد دلوقتي، فممكن بعض السيدات عندهم كمية كبيرة من مادة البروستاغلاندين
- أو لأنهم أكثر حساسية تجاه الآلام عن غيرهم، وده بيسبب انقباض الرحم، وبالتالي تقليل تدفق الدم مما يتسبب في زيادة الآلام
- بعض الأطباء ربطوا بين الإصابة بالأنيميا والفيتامينات زي فيتامينات ب وبين زيادة حدة آلامها
أعراض الدورة الشهرية اللي تدل على مشكلة صحية
في بعض العلامات ممكن تدل على مشكلة صحية ولازم تسشتيري دكتور، زي:
- لو استمرت لأكتر من 7 أيام
- تغيير الفوطة الصحية كل ساعة وهي مبللة
- ضيق التنفس أو التعب، لأنه ممكن يكون علامة على فقر الدم ونقص الحديد في الجسم بسبب فقدان كمية كبيرة من الدم، ويصاحبه أعراض زي الشحوب والدوخة والإغماء وتورم الكاحلين
- لو ظهرت تكتلات دموية وسط الدم المتدفق لأن النزيف الشديد يمكن أن يكون نتيجة لاضطرابات تخثر الدم
- عدم القدرة على قضاء اليوم بشكل طبيعي وقلة الطاقة مقارنة بالأيام التانية
- لو بتعاني من تقلصات الدورة الشهرية المؤلمة على وجه الخصوص، لأن الأبحاث قارنت بين آلام الدورة الشهرية عند بعض السيدات وبين أعراض النوبة القلبية
- لو بتستمر لمدة قصيرة عن عدد الأيام الطبيعي والمعتاد وهو من 3-7 أيام
