توثيق انستجرام هو إضافة العلامة الزرقاء جنب اسم الحساب، وبدأ سنة 2016 وفائدته هي التفرقة بين الحسابات الحقيقية والمزيفة ومنع أشخاص من تقليد أو انتحال شخصيتك خاصة في حالة المشاهير والشخصيات العامة.
فوائده
- بيساعد في تحقيق مصداقية كبيرة لصاحب الحساب خاصة للمشاهير والمؤثرين والماركات المعروفة
- بيعمل قيمة أكبر للشخص أو للشركة وبتساعد العملاء والمستخدمين في الاعتماد على محتواك
- بيقلل المشاكل المتعلقة بالحقوق الفكرية وسرقة المحتوى
- بيسهل الشراكات مع الأشخاص أو الحسابات التانية وإنتاج محتوى يفيد الطرفين
- بيساعد في تزويد انتشار المحتوى على انستجرام بصورة طبيعية لحد 5% حسب الإحصاءات
- بيسبب ظهور حسابك في النتايج الأولى من البحث وده بيساعد على تزويد عدد المتابعين ليك
شروط توثيق حساب انستجرام
- لازم تكون شخص معروف أو ماركة أو مكان موثوق منه
- مهم إن المحتوى يكون أصلي ومميز
- اعمل الحساب يكون (Public) وعليه صورة شخصية ليك ومعلومات صحيحة وجديدة عنك في الـ(Bio)
- لازم يكون خالي من لينك حسابات تانية ليك على السوشيال ميديا وجنبها (ضيفوني على حسابي)
- خليه يكون ظاهر والناس بتعمل سيرش عليه بدون إعلانات
- غير مرتبط بعدد رقم معين للمتابعين
خطوات توثيق حساب انستجرام
- افتح حسابك واضغط على الـ3 خطوط فوق بعض أعلى اليمين
- دوس على الإعدادات (Settings) وبعدين (Account)
- اضغط على (Request Verification) وبعدين دخل اسمك/ اسمك البروفيشنال/ الفئة
- حمل صورة لبطاقتك الشخصية أو أوراق خاصة بالعمل لو الصفحة هدفها عمل
- اضغط على (Send) لما تكمل المعلومات
