المحتويات
- افلام العيد والمسرحيات من أهم الطقوس اللي بنستمتع بيها وبنحس ببهجة العيد خصوصًا لما تبقى أجازة العيد طويلة زي أجازة عيد الأضحى السنة دي اللي هتستمر تقريبًا 9 أيام وبالتالي تقدر تشوف فيها أفلام العيد والمسلسلات أو المسرحيات اللي نفسنا نشوفها ومش بنلاقي وقت ليها في الأيام العادية، وعشان كده How to بالعربي بتقدملك ترشيحات لأفلام ومسلسلات ومسرحيات تستمتع بيها في العيد خصوصًا لو قاعد في البيت ومش مسافر، أو حتى لو مسافر وعندك وقت فراغ وإنترنت كويس وسريع.
وقفة رجالة
- فيلم بيحكي عن قصة 4 أصدقاء مختلفين عن بعض وسنهم فوق الـ 50 بيسافروا مدينة ساحلية عشان يخرّجوا صديق ليهم من حالة الاكتئاب اللي مر بيها بعد وفاة زوجته
- مواقف كوميدية كتير في الفيلم خصوصًا بسبب الاختلافات بين شخصياتهم وخلال الأحداث بيعيد كل واحد منهم تقييم حياته وعلاقته بالمقربين مرة تانية
- الفيلم تأليف هيثم دبور وإخراج أحمد الجندي
- وبطولة ماجد الكدواني وبيومي وفؤاد وشريف الدسوقي وسيد رجب بالإضافة لأمينة خليل ومحمد سلام
- هيتعرض على منصة شاهد Vip بداية من 20 يوليو القادم
في بيتنا روبوت
- مسلسل بيحكي على مدار 20 حلقة عن شاب مخترع بينجح في تصميم نموذجين لإنسان آلي (زومبا ولذيذ)
- وبتواجهه مواقف كوميدية كتير مع المحيطين وداخل البيت مع زوجته
- المسلسل تأليف أحمد محي ومحمد المحمدي وإخراج وليد الحلفاوي
- بطولة هشام جمال وشيماء سيف وعمرو وهبة وليلى أحمد زاهر ودلال عبد العزيز وشيرين
- ضيوف شرف كتير ظهروا في المسلسل زي هشام ماجد وناهد السباعي وأحمد زاهر ومحمد عبد الرحمن وبيومي فؤاد
- تقدر تشوفه على منصة Watchit
كوكو شانيل
- بعد غياب استمر لأكتر من 20 سنة بترجع الفنانة الاستعراضية شيريهان لجمهورها من خلال مسرحية كوكو شانيل
- المسرحية من تأليف مدحت العدل وإخراج هادي الباجوري وبتحكي عن حياة مصممة الأزياء الفرنسية الشهيرة كوكو شانيل في شكل استعراضي غنائي
- هتتعرض على منصة شاهد Vip يوم 20 يوليو
الطيب والشرس واللعوب
- فيلم بيحكي عن 3 ممثلين معتزلين بيقرروا يرجعوا للتمثيل تاني عن طريق إنتاج فيلم لنفسهم بعد قلة الطلب عليهم عند المنتجين
- بطولة محمد سلام ومي كساب وأحمد فتحي وبيومي فؤاد وهدى الإتربي
- الفيلم من تأليف رأفت رضا وإخراج رامي رزق الله
- بيتعرض على منصة نتفليكس
اللعبة
- مسلسل بيتكون من جزئين وبيحكي قصة منافسة بين زميلين من وقت الطفولة لحد ما كبروا وخلال الحلقات بتشوف مواقف كوميدية مختلفة
- المسلسل بطولة شيكو وهشام ماجد ومي كساب وميرنا جميل ومحمد ثروت وبتظهر رانيا يوسف في الجزء التاني
- أشرف على تأليف المسلسل فادي أبو السعود وإخراج معتز التوني
- الجزئين بيتعرضوا على منصة شاهد Vip
الزهر لما يلعب
- بتعتبر آخر مسرحية قدمها الراحل سمير غانم وبتحكي عن أم بتعاني من ضائقة مادية بتضطرها تجوّز بنتها لرجل أكبر منها بـ 40 سنة
- خلال المسرحية مواقف كوميدية كتير بداية من الفرح أو علاقة العريس المنتظر بأم العروسة
- المسرحية بطولة سمير غانم وشيرين وطارق الإبياري وإيمان السيد
- تأليف أحمد الإبياري وإخراج طارق الإبياري
- بتتعرض على منصة شاهد Vip
إسعاف يونس
- بيحكي المسلسل على طبيب قرر يعمل مشروع خاص بيه عن طريق تطبيق إلكتروني على الموبايل لطلب الخدمة الطبية
- لكن خلال بداية تنفيذ مشروعه بتواجهه تحديات كوميدية كتير هتشوفها خلال 10 حلقات
- بطولة محمد أنور ومحمد علي رزق وسارة سلامة ومنة عرفة وإيمان السيد
- بيظهر بعض ضيوف الشرف زي أحمد فهمي وعبير صبري
- المسلسل تأليف مصطفى عمر وفاروق هاشم وإخراج معتز النوتي
- بيتعرض على منصة Watchit
ليلة هنا وسرور
- بيحكي الفيلم عن نصاب محترف بينتحل شخصية رجال أعمال للزواج من فتاة بيوهمها بعد الجواز إنه بيشتغل في المخابرات
- ولكنه في الحقيقة بيستهدف سرقة تمثال وبيتصارع عليه مع زعيم العصابة
- الفيلم بطولة محمد إمام وياسمين صبري وفاروق الفيشاوي ورحاب الجمل ومحمد سلام
- تأليف كريم يوسف ومصطفى صقر وإخراج حسين المنباوي
- بيتعرض على منصة شاهد Vip
أعز الولد
- بيحكي الفيلم عن حادث اختطاف أتوبيس مدرسة وطلب الخاطفين فدية من الأهل
- بتدخل الجدات عشان يحاولوا يرجّعوا الأحفاد المخطوفين بعد طلب الشرطة من الأهل الانتظار لمدة يومين
- مواقف كوميدية كتير بتجمع الجدات بأفراد العصابة اللي بيختطفوهم أثناء محاولة تحرير الأحفاد
- الفيلم بطولة ميرفت أمين ودلال عبد العزيز وشيرين وإنعام سالوسة
- ضيوف شرف كتير بيظهروا في الفيلم زي منى زكي وعمرو يوسف وأمينة خليل وأروى جودة وريهام عبد الغفور ورجاء الجداوي
- الفيلم تأليف جورج عزمي وشريف نجيب وإخراج سارة نوح
- بيتعرض على منصة شاهد vip
لما بنتولد
- بيتناول الفيلم 3 قصص حب في إطار موسيقى غنائي
- الفيلم بيضم 9 أغاني من تأليف وغناء أمير عيد
- بطولة أمير عيد ودانا حمدان وعمرو عابد وابتهال الصريطي وسامح الصريطي وحنان سليمان
- تأليف نادين شمس وإخراج تامر عزت
- بيتعرض على نتلفيكس
