المحتويات
(كيفية التعامل مع الطفل العنيد) سؤال بيفكر فيه وبيبحث عن إجابته آباء وأمهات كتير، بسبب معاناتهم من السلوك ده على الرغم من إنه مؤشر قوي على ذكاء الطفل ونجاحه في المستقبل.
تدريب الطفل على التعبير عن مشاعره
- الخبراء بيأكدوا إن فهمك لمشاعر الطفل هو أقوى شيء يساعدك على فهمك سبب سلوكه سواء كان العند أو أي سلوك تاني
- ومش هتقدر تفهم مشاعره وتعرفها إلا لو دربّته على التعبير عنها
- خليك قدوة وعبر عن مشاعرك قدامه بالألفاظ وتعبيرات الوجه وحركة الجسم
- اسأله عن طبيعة إحساسه بسؤال (حاسس بإيه).. وممكن حسب سنه تخيّره بين أكتر من حاجة
- مثلًا لو لاحظت عليه الحزن اسأله (إنت حزين؟) أو (إنت جعان/عطشان؟) وبلاش تسأله (مالك) لأنه سؤال مفتوح والرد هيبقى غالبًا (أنا كويس)
- اعرض عليه صور وفيديوهات مختلفة ووقف عند تعبيرات وجه أو حركة جسم معينة واوصف طبيعة الإحساس ده
- خليه يعبر عن نفسه في مواقف مختلفة واسأله (حاسس بإيه دلوقتي؟) خصوصًا لو الموقف مُفرح شجّعه على رسم الوجوه وعرّفه كل وجه بيعبر عن إيه ودربّه يحكيلك أي شيء مضايقه وفكّر معاه بهدوء وعقلانية لحل المشكلة
- العب معاه وحسسه بالأمان عشان يقدر يعبر عن مشاعره بصدق معاك
- اتحكم في أعصابك عند رغبتك في عقابه لأن وقتها هيحس إن تعبيره عن مشاعره السلبية هو السبب وبالتالي هيحاول يكبتها
أسباب العند عند الأطفال
- عدم إحساسه بدفء الأسرة
- مقارنة الطفل دائمًا بزملائه أو بأطفال مقاربين له في السن
- إملاء الأوامر عليه باستمرار وعدم وجود لغة حوار
- ضعف ثقة الطفل في نفسه وإحساسه بقلة التقدير وعدم احترام الآخرين له خصوصًا الأهل
- مشاهدة السلوك العدواني باستمرار على التليفزيون أو في بعض أفلام الكارتون والأكشن
- الاستجابة المستمرة لكل طلبات الطفل بدون أي نقاش وتنفيذ طلباته بدون تدريبه على أي تنازلات ممكن يقدّمها
- وبالتالي تنفيذ أي نوع من السلوكيات دي هو بداية طريقة الإجابة على سؤال كيفية التعامل مع الطفل العنيد
التعامل مع سلوك الطفل العنيد
- دراسة أمريكية بتقول إن العند صفة بتدل على نجاح الطفل في المستقبل
- تقبّل سلوكه العنيد وتجنب إظهار غضبك قدر المستطاع وخليك هادي وبلاش تستجيب لطلبه مهما تمسّك بيه
- بلاش تزعق بصوت عالي والأحسن تكلّمه بالمنطق
- اعرف سقف توقعك من الطفل حسب سنه وقدراته
- مثلًا بلاش تفترض إنه هيستحمل الجلوس بدون حركة لمدة طويلة مهما نصحته وابعد عن الندّية في التعامل وخلي المسافة بينكم واضحة
- راقب ألفاظك وبلاش تستخدم جملة (إنت عنيد) لأنها هتثبت فكرته عن نفسه وهيتعامل على أساسها
- خليك حازم في قرارك بس الأحسن تحددله أكتر من حاجة يختار بينهم
- صبرك عليه هيعرّفك حدود شخصيته ومدى قدرته على التمسك بطلبه وفكّر من وجهة نظره عشان تقلل الضغط العصبي عليك ودرّبه على المواقف المختلفة وبلاش تحطه في تجارب جديدة وصعبة فجأة
- دراسة بتأكد إن تخطيطك لروتين يومي لطفلك هيقلل سلوكياته السلبية وتربيته على مباديء واضحة مش بتتغير هيعرّفه إن العند في بعض الحاجات مش هيجيب نتيجة
- تدريبه على الصبر والانتظار بأنشطة مختلفة هيساعدك تقوّم سلوكه العنيد
تقويم سلوك طفلك المدلل
- اتكلم معاه عن أضرار سلوكه زي بعد الناس عنه وصعوبة تكوين أصدقاء والخلافات المتكررة
- استبدل التهديد بالعقوبات والمكافآت لو التزم بالسلوك الإيجابي
- اعمل قواعد واضحة واشرح له المهام المطلوبة منه والنتايج المترتبة على عدم التزامه بيها
- تجنب المبالغة في إظهار مشاعر الغضب أو الاستعطاف
- اتعلم إزاي ترفض طلباته لو مش منطقية وتكون قاطعة وتلتزم بيها عشان يتعلم يتحكم فيها
- تجنب إعطائه أشياء مادية للتعبير عن حبك وتقديرك ليه وركز أكتر على الأشياء المعنوية زي الشكر والمدح وقضاء وقت لطيف
- علمه أهمية محاسبة النفس وتنظيم مشاعره وأفعاله وإزاي يعبر عنها بالطريقة الصحيحة
- تجنب تنفيذ الطلب اللي عيط عليه أو استخدام الأشياء المادية لتهذيبه زي إنك تديله شوكولاتة عشان يسكت
- تجنب المدح الزائف وعلمه إن الناس مختلفة وكل شخص ليه قدراته عشان يطور نفسه
- اتكلم معاه عن أهمية التفكير قبل صرف الفلوس وفكرة مصاريف والتزامات البيت
- لأن إدراك وتعرض الطفل للمفهوم ده بشكل يتناسب مع سنه بيساعده يكون مسؤول وناضج
- اتكلم معاه عن أخطائه لما تكونوا هاديين عشان مايتعلمش يعبر عن مشاعره بالزعيق واشترك له في نشاطات تطوعية عشان يتعلم يحس بالآخرين
- اربط بين الامتيازات اللي بيحبها زي البلاي ستيشن وبين إنه يخلص مهامه في المدرسة والبيت والتزم بده مهما عيط
- اعمل قائمة بالتوقعات منه على مدار اليوم، مثلا لو خارجين هتقوله (إحنا نازلين أو خليك مؤدب أو مفيش شراء حاجة)
- تجنب شراء الحاجات غير الضرورية لطفلك ولو في حاجة نفسه فيها وعلمه يحوش جزء من تمنها وتساعده في باقي الفلوس
- تجنب نوبات غضبه تماما بس اتأكد إنه في مكان آمن عشان يبطل يستغل عياطه للتأثير عليك
