المحتويات
(وظائف خالية) جملة بتشد انتباه أشخاص كتير وبتشجعهم على التقديم سواء كانوا خريجين جدد أو لسه بيدرسوا في الجامعة ولكن بيحاولوا يشتغلوا من سن صغير سواء لاكتساب خبرة أو لتوفير عائد مادي ليهم ولأسرتهم، لكن البحث عن وظيفة مناسبة مش سهل ومحتاج مجهود وتعب وطريقة معيّنة للوصول لأحسن نتيجة.
تجنب أخطاء البحث عن وظائف
- بلاش تقدم على وظيفة غير مناسبة لمهاراتك وقدراتك ومش مرتبطة بخبراتك السابقة
- ابحث كويس عن المؤسسة اللي بتقدم ليهم طلب الوظيفة واعرف أنشطتها وأهدافها
- بحثك على حسابات خاصة بالموظفين أو المديرين في المؤسسة على LinkedIn هيساعدك تتوقع فرص قبولك
- هتفهم مستوي قدراتك ومهاراتك مقارنة بالآخرين فيها وهتحدد لو كانت الوظيفة مناسبة ليك ولا لأ
- الاكتفاء بالبحث عن وسطاء وسؤال المقربين بدون البحث في مواقع وجروبات التوظيف بيقلل فرصك
- عدم تضمين سيرتك الذاتية بكل خبراتك ومهاراتك بيضعف فرص تقييمك بدقة
- كتابة سيرة ذاتية قوية وفيها مهارات غير حقيقة أو خبرات وهمية بتشوه شكلك قدام المؤسسة اللي بتقدملها
- ركّز على مجال تخصصك الرئيسي وبلاش تشتت نفسك في أكتر من مجال
- من حقك تبحث عن راتب عادل مناسب لقدراتك بس خليك مرن في تخفيض الرقم ولو بنسبة بسيطة خصوصًا لو مفيش فرص تانية
- استغل وقت البحث في دورات تدريبية أو أنشطة تطوعية تفيدك وبلاش تستسلم للكسل والإحباط
طريقة البحث عن وظيفة
- خبراء كتير بينصحوك تعتبر اليوم اللي بتدور فيه على شغل كأنه يوم شغل طبيعي
- اكتب قايمة فيها أسماء كل الأشخاص اللي تعرفهم وبيشتغلوا في مجال تخصصك
- الأحسن تسألهم عن نصايح بدل ما تطلب منهم شغل في نفس مكان عملهم
- تحديد نقاط قوتك أساسي في بحثك عن الوظيفة المناسبة ليك
- خليك متنوع وابحث في شركات مختلفة سواء كبيرة أو صغيرة
- لو مش في بتشتغل وظيفة ثابتة اشغل وقتك بعمل تطوعي والأفضل يكون في نطاق تخصصك هيفيدك في بناء علاقات جديدة وممكن يساعدك في الوصول لوظيفة مناسبة
- بنسبة كبيرة ممكن يبقى السبب في قبول في وظائف تانية بسبب الخبرات والعلاقات اللي هتستفيدها من التطوع
- قدم في أماكن كتير وجرب تدخل أكبر قدر ممكن من المقابلات الشخصية هتساعدك تفهم طبيعتها أكتر وهتكسر الخوف منها
- حدث سيرتك الذاتية باستمرار على موقع LinkedIn
- مواقع كتير هتساعدك تبحث عن وظيفة وهتخليك واعي بقدرات الآخرين عشان تحدد الدرجة الوظيفية المناسبة ليك
- هتحددها بناء على قدراتك وخبرتك السابقة وهتقارنها بالآخرين عشان تعرف ترتيبك في سوق العمل
- اسأل حد خبير في مجالك أو صديق مقرب عنده خبرة لو مش عارف تقيّم قدراتك ومهاراتك
- اوعى تيأس وافتكر إن السعي المستمر هيسهل وصولك للمناسب ليك
استخدام الفيس بوك في البحث عن وظائف
- افتح الصفحة الرئيسية لحسابك على فيس بوك واضغط على المزيد/ See More
- اختار وظائف/ Jobs عشان تلاقي عليها إعلانات لوظايف كتير تقدر تختار المناسب ليك منها
- ممكن تختار الموقع الجغرافي أو المرتب اللي بتبحث في حدودهم وكمان طبيعة الوظيفة سواء دوام كامل أو جزئي
- ادخل على جروبات التوظيف خصوصًا في مجال تخصصك
- اختار صورة بروفايل معبرة عن شخصيتك وشكلك كويس فيها
- بلاش تنشر آراء شخصية في موضوعات عامة وغيّر خصوصية منشوراتك للأصدقاء فقط
- جدد المعلومات الخاصة بيك عن دراستك وشغلك السابق والدورات التدريبية اللي شاركت فيها
- خلي البوستات الظاهرة للعامة بتعبر عن إنجاز معيّن حققته في حياتك العملية
- دراسة بتأكد إن جزء مش قليل من مديرين إدارات التنمية البشرية بيحللوا الحسابات الشخصية للمتقدمين للوظايف في مؤسساتهم
- خليك حريص على تضمين بعض المعلومات عنّك زي الهوايات والأماكن اللي زورتها على حسابك
- بلاش تقدم على أي وظيفة قبل التأكد من الشركة اللي بتعرضها
- ابحث عنها وعن صور ليها قبل إرسال سيرتك الذاتية أو معلومات شخصية عنّك
تجاوز الفشل في الحصول على وظيفة
- دراسة بتأكد إن مشاعر فقدانك لوظيفة بتستغرق وقت أطول من وفاة شخص عزيز
- حدد هدف قصير المدى وابذل كل جهدك لتحقيقه
- خليك طموح وبلاش تستسلم لأي فكرة سلبية عن قدراتك ومهاراتك
- اشغل نفسك بنشاط تاني تقضي فيه وقتك وابحث عن وظيفة تانية
- افتكر لحظات التحقق والنجاح في حياتك
- اعرف إن السبب ممكن يبقى تغيير في سياسية الشركة أو نقص مواردها المالية مش بسبب ضعف قدراتك
- استغل الوقت الفاضي في تنمية روابط الاجتماعية والتواصل مع المقرّبين
- العب رياضة وابذل مجهود بدني تفرّغ بيه مشاعرك السلبية واستشير شخص متخصص يقيّمك بدون مجاملة عشان تعرف نقاط قوتك وضعفك
- استغل الفرصة في تنمية مهارات تقوّي فرص قبولك في وظيفة جديدة واكتب مشاعرك عشان تواجهها خصوصًا في لحظات الضعف والاستسلام
- تنمية ثقتك في نفسك وإيمانك بقدرتك على تحقيق أهدافك أساسية في تخطي الأزمة
