كيفية اختيار نضارة نظر للكبار والأطفال وخطوات إصلاحها

نضارة نظر مناسبة لشكل الوجه وبتساعد على الرؤية السليمة وفي نفس الوقت مريحة هي الاختيار المثالي لأي شخص نظره ضعيف وبيبحث عن نضارة نظر مناسبة له أو حتى لطفل صغير، عشان كده شراء النضارة لازم يبقى من مكان موثوق، وفي نفس الوقت ضروري يبقى عندك معرفة طرق إصلاح النضارة الأساسية.

طريقة اختيار نضارة نظر مناسبة 

•  تحديث كشف النظر أساسي لأن العدسات الغلط بتسبب صداع وبتأثر على الرؤية
•  اختار مكان مضمون موثوق في دقّة ظبطه للعدسات وبيقدم خدمات ما بعد البيع
•  اشتري شكل النضارة المتناقض لشكل وجهك، يعني لو وجهك مربع النضارة المستديرة مناسبة ولو مستدير اختار النضارة المستطيلة
• جرّب شكل النضارة على وجهك قبل الشراء واستشير رأي شخص تاني في شكل النضارة
• اختار نوع مريح لتجنب ضغط مخدات النضارة على الأنف ومقاس مناسب
• الأحسن تبقى رؤيتك تكون من خلال مركز (منتصف) العدسات
• لو عينك ضيقة هتحتاج العرض الأفقي للعدسة يكون بين 40 لـ48 مم أما لو متوسطة يكون 49 لـ54 مم أما لو عينك واسعة هتكون 55 لـ58 مم
• اختار لون إطار مناسب للون بشرتك ولو درجتها دافية تجنب ألوان الباستيل واختار لون فاتح أما لو كانت بشرتك أكتر برودة الأسود والرمادي والأزرق والفضي اختيارات جيدة

اختيار النضارة المناسبة لشكل الوجه

• الخبراء بيأكدوا إن كل شكل وجه له النضارة المناسبة له 

الوجه البيضاوي

•  معظم الأشكال بتليق عليه خاصة اللي حجمها كبير وعريض مستطيلة أو مربعة وإطارها غامق

الوجه المربع

• عريض من منطقة الفك والجبهة
•  النضارات بدون إطارات/ إطارات رفيعة مناسبة سواء بيضاوية أو مدورة
• الجسر بين العدسات يكون رفيع

الوجه المدور

•  الإطارات اللي ليها شكل هندسي واضح خاصة المستطيلة مع بروز الجسر العلوي بره عن باقي النضارة
•  والنضارات اللي ليها إطار كامل أو نصف إطار ولونه غامق

الوجه على شكل قلب

•  الجبهة أعرض من منطقة الدقن
•  النضارات بدون إطارات مناسبة أو الإطارات الأعرض من تحت ورفيعة ولونها فاتح سواء بيضاوية أو مدورة

الوجه الماسي

• الخدود أعرض من الجبهة ومنطقة الدقن
• اختار النضارة البيضاوية بإطار عريض من فوق بس
• النضارات على شكل قطة

الوجه المثلث

•  منطقة الدقن أعرض من الجبهة
•  النضارات على شكل قطة
• الإطارات العريضة من فوق وفيها تفاصيل مناسبة

خطوات اختيار نضارة قراءة 

•  بتضعف العضلات الممسكة بعدسة العين وبينتج عنه ضعف الرؤية وقت التقدم في العمر وتحديدًا بعد سن الـ 40
•  لأن انقباض وانبساط العضلات بيساعد في تقريب الصورة ويقدر الشخص يشوف الأشياء بوضوح وضعفها بيقلل من القدرة على القراءة وبيلجأ الأشخاص لنضارة القراءة
•  بيتوافر منها قياسات مختلفة بتسهل القراءة بتكبير أي شيء مكتوب على ورق أو جهاز (زي الموبايل أو التلفزيون)
•  أطباء العيون حذروا من النضارات الجاهزة لأنها غير صحية بسبب عدم مراعاتها للبعد البؤرى بين العينين (IPD) ودرجة الاستجماتيزم وبالتالي لازم تكشف على عينك للحصول على مقاسات العين المضبوطة
•  اختار مركز طبي معتمد عشان تضمن تنفيذ مقاس النضارة صح واختار نضارة بجودة جيدة وتجنب النضارة البلاستيك أو المعدن الرديء لأنه ممكن يسبب بتحسس الجلد
•  لازم تغير النضارة بمقاسات جديدة كل سنة

كيفية شراء نضارة للأطفال 

• اختار محل بتثق فيه تعمل عنده العدسات عشان تتأكد من سلامة الأعداد
• افتكر إن الأعداد غير الدقيقة ممكن تأثر على نظره على المدى البعيد وممكن تكتشفها متأخر لو طفلك سنه صغير ومش عارف يعبّر عن نفسه
• اعرف نوع العدسات الموصوفة للطفل وبالتالي هتقدر تحدد نوع الإطار
• مثلًا لو العدسات سميكة لازم يبقى الإطار صغير
• لكن لو العدسات صغيرة يبقى مهم تختار إطار حوافه عالية لمنع ضبابية الرؤية
• اختار نضارة مريحة لطفلك والمخدات اللي فيها جزء من الإطار مش بارزة
• خلي كوبري النضارة (اللي بيوصل بين العدستين) ثابت على الأنف ومش بيتزحلق
• الأحسن تختار النضارات البلاستيك لأنها مناسبة للطفل وسعرها أرخص من المعدن
• خلي طفلك يختار بين نضارتين أو أكتر إنت مقتنع بيهم عشان يحس إن القرار في إيده
• مهم طفلك يلبس سلسلة عشان يقلل فرص سقوطها من على وجهه

أساسيات إصلاح النضارة 

•  ضروري تختار دراع نضارة قوي عشان يتحمّل الصدمات
•  الحفاظ على النضارة في جراب مخصص بعد خلعها أساسي لحمايتها من أي كسر
•  ولكن أحيانًا بتحصل مشاكل خصوصًا مع الاستخدام لمدة طويلة

ضيق إطار النضارة أثناء ارتدائها أو خروج الدراع للخارج

•  ضروري تعرّض حرارة كثيفة للإطار سواء عن طريق مجفف الشعر لمدة 30 ثانية أو المياه الدافية لمدة دقيقة
•  وبعدها تمسك الدراع برفق وتحاول تحرّكه في الاتجاه المطلوب لكن برفق عشان تتجنب كسره
•  لو الإطار معدني ممكن تحاول ترجّعه مكانه بإيدك بدون تعريضه للحرارة

إصلاح الكوبري بين العدستين

• اتأكد إن القطعة اللي هتعيد لصقها مرة تانية نضيفة وهات غراء نوعه قوي عشان تلصق القطعة صح
• لفّها كويس بقطعة قماش أو ورقة صغيرة عليها الغراء وسيبها تجف عشان تلتصق صح

إعادة تركيب دراع مكسور

• راقب الدراع وشوف لو كسر كامل أو مجرد خروج المسمار من مكانه
• في حالات الكسر الكامل هتضطر تغيّر النضارة بالكامل أو لازم تروح لمتخصص يعيد لحمها مرة تانية
• لكن لو المسمار مفكوك تقدر تشتري مسمار صغير في نفسه حجمه
• وبعدها دخّل المسمار في المكان المخصص واربط بمفك النضارة المناسب لحجمه
• أما في حالة فقدان الدراع ممكن تقطع شفاطة (شاليمو) وتخليها في نفس حجم الدراع التاني
• هات قطعة قماش/ ورقة صغيرة وضيف داخلها كمية غراء بسيطة
•  ثبّت فتحة الشفاطة/ الشاليمو على قاعدة الدراع المفقود وبعدها لف حواليهم قطعة القماش اللي عليها الغراء عشان تضمن تثبيته بشكل مؤقت