صحة

مزيل رائحة العرق: الطريقة الصحيحة لاستخدامه والفرق بينه ومضاد التعرق

إزاي تزود فاعلية مزيل العرق؟

مزيل رائحة العرق من الأدوات الشخصية الأساسية لأي شخص، للتخلص من الرائحة غير المرغوب فيها نتيجة التعرق، بيتوفر في الأسواق والصيدليات بأكتر من نوع على حسب شكله زي الأستيك والبخاخ والرول، وكمان باختلاف المكونات وحسب نوع البشرة، ومهم تعرف تختار منهم النوع المناسب، وتعرف طريقة استخدامه الصحيحية، لأن الإفراط في استهلاكه ممكن يسبب مشاكل صحية.

الفرق بين مزيل رائحة العرق ومضاد التعرق

  • مضاد التعرق (Anti perspirant) بيمنع خروج العرق من الجسم، بسبب احتوائه على أملاح الألومنيوم، اللي بتضيق المسام تحت الإبط
  • وبيسبب مشاكل صحية بسبب عدم خروج السموم من الجسم، وكمان الدراسات قالت إن حبس العرق ممكن يأدي للإصابة بسرطان الثدي، خاصة لو بيحتوي على مادة الباربينن
  • أما مزيل رائحة العرق (Deodorant) بيعمل على تعطير العرق نفسه، يعني بيسمح بخروجه من الجسم ولكنه بيكون معطر بريحة المزيل، لأنه بيحتوي على الكحول مع عطر

أفضل أنواع مزيل رائحة العرق

  • خالى من البارابين (paraben free)
  • خالي من أملاح الألومنيوم والكحول
  • مصنع من مواد طبيعية

أضرار الإفراط في استخدام مزيل رائحة العرق 

  • الإصابة بسرطان الثدي بسبب احتواء بعض المنتجات لمادة كلوريد الألومنيوم، بالإضافة إن كثرة الاستخدام بتأدي لتراكم السموم في الغدد الليمفاوية في منطقة تحت الإبط
  • ارتفاع درجة الحرارة لأن الجسم بيوازن حرارته الداخلية عن طريق إفراز العرق خاصة في فصل الصيف، واحتباس السوائل الزايدة في الجسم بيرفع من درجة حرارته
  • بعض الأنواع بيدخل ضمن مكوناتها الأساسية الروايح العطرية، وده بيعرض البشرة للحساسية والالتهابات واسمرار مكان الإبطين على المدى البعيد
  • دراسات قالت إن في علاقة بين ارتفاع نسبة كلوريد الألومنيوم في الجسم وبين زيادة خطر الإصابة بمرض الزهايمر

الطريقة الصحيحة لاستخدامه وتعزيز فعاليته

  • لو بتعاني من الحساسية.. استشير دكتور قبل استعمال أي مزيل للعرق
  • أفضل وقت لاستخدامه مباشرة بعد الاستحمام أو بعد غسل الإبطين قبل النوم، لكن لازم البشرة تكون جافة
  • لو بتستخدم البخاخ.. رج الزجاجة لمدة 10 ثانية قبل كل استعمال، عشان تتجانس مكوناته الكيماوية وتكون نتيجته فعالة، ورش على مسافة 10 سم أو أكتر من الجسم
  • لو الرول أو الأستيك.. اتأكد من تغطية منطقة أسفل الأبطين بالكامل بالمزيل عشان تعزز فعاليته
  • اختار الأنواع اللي بتستمر 8 ساعات على الأقل، لو كنت من الأشخاص المعرضيين لتعرق الشديد اختار الأنواع اللي بتستمر أكتر من 24 ساعة
  • تجنب الملابس الضيقة المصنوعة من الألياف غير المسامية زي النايلون، الأفضل تلبس ملابس مصنوعة من القطن

البدايل الطبيعية

  • بيكربونات الصوديوم: اخلط ملعقتين صغيرين ومعلقة صغيرة نشا، وافردهم تحت الإبطين بعد الاستحمام
  • الخيار: افرك منطقة الإبطين بشريحة خيار وسيب المنطقة تجف تماما
  • خل التفاح: اغمس قطنة في كمية مناسبة وامسح بها في منطقة الإبطين مرتين يوميا قبل الاستحمام وبعده
  • استخدم الشبة المطحونة ممكن تخلطها مع زيوت عطرية زي للافندر (كمان لها خصائص مضادة للبكتيريا)
  • بعض المنتجات بتحتوي على زيت شجرة الشاي بدل المواد الكميائية زي الألومنيوم والبروبيلين والتريكلوسان

مقالات ذات صلة

زر الذهاب إلى الأعلى