المحتويات
سفرة جديدة متينة وشكلها أنيق ومناسبة للمساحة هي الاختيار الأمثل لأي شخص بيفرش بيت جديد أو بيجدد في بيته خصوصًا إنها من القطع الأساسية اللي بتظهر قدام الضيوف وبتزوّد أناقة البيت بجانب أستخدامها الأساسي لتناول الطعام عليها.
نصائح قبل شراء السفرة
- ضروري تحدد المكان اللي هتحط فيه السفرة قبل شرائها وترفع كل المقاسات المطلوبة عشان تختار مقاس سفرة مناسب للمكان
- ومقاسات باب الشقة عشان تفهم لو هتحتاج ونش يحملها لداخل شقتك ولا ممكن تدخل من باب الشقة
- حدد مادة خام مناسبة لميزانيتك واعرف إن السفرة الرخام من أغلى الأنواع ولكنها بتوفّر شكل وملمس رائع بجانب سهولة التنضيف
- حدد طبيعة استخدامك قبل الشراء خصوصًا لو عندك أطفال واتأكد من قوي ومتانة الكراسي الخشبية
- جرّب اقعد عليها كأنك هتتناول الطعام عشان تختبر مدى راحتها
- اشتري من أماكن/ شخص تعرفه وجرّب جودتها والأحسن تشتري مكان بيوفّر خدمة ما بعد البيع والتوصيل
- اختار سفرة مناسبة لألوان بيتك والجو العام لباقي الأثاث إذا كان مودرن أو ستيل
- ركّز إذا كان تنجيد السفرة مناسب ولا لأ بس اعرف إنك سهل تغيّره في المستقبل
كيفية شراء سفرة لمساحة ضيقة
- مهم تختار حجم مناسب لمساحة الأوضة نفسها مع مساحة كافية لسحب الكراسي والحركة بسهولة
- الترابيزة البيضاوية أفضل اختيار لأنها بتوفر مساحة جلوس لعدد أكبر من الأشخاص من غيرر تقيد للحركة في كل الاتجاهات
- الكراسي بضهر قصير ونفس ارتفاع التربيزة أو أطول بسنتيمترات قليلة هيوحي باتساع المكان لأنه مش هيحجب الرؤية
- لكن الكراسي الطويلة هتدي إحساس بالزحمة والضيق
- مهم يكون التصميم بسيط وعملي وتجنب الكراسي بالدراعات أو أرجل ضخمة للترابيزة
الألوان المحايدة والفاتحة زي الأبيض والبيج والرمادي الفاتح هيعكس مساحة أوسع - ممكن تستعين بالترابيزة القابلة للطي والمد عملية وهتوفر مساحة
- المرايا الكبيرة على الحائط الخلفي للسفرة هيضاعف مساحة الاوضة
الحفاظ على السفرة الخشبية
- استخدم قطعة قماش ناعمة لإزالة التراب من على الترابيزة باستمرار
- ضروري تصمم لوح زجاجي بنفس مقاس وأبعاد الترابيزة الخشبية وبسمك مناسب عشان تحمي الخشب من أي بقع أو سخونة
- نضف أي سائل وقع من غير ما تحط مياه كتير والأحسن تستخدم قطعة قماش مبللة بالمياه
- الأحسن تعمل خليط من زيت الزيتون والليمون وتحط كمية بسيطة منه على قطعة قماش ونشف الخشب كويس بعد الانتهاء من تنضيف الكراسي
- بلاش تحط طبق أو كوباية سخنة على الزجاج أو الخشب مباشرة
- بلاش تخلي مكانها في مواجهة الشباك لأن الشمس بتأثر عليه مع الوقت
- استخدم كل قطعة في مكانها وبالتالي بلاش تستخدمها في الشغل أو المذاكرة وقضاء وقت طويل أثناء الجلوس على كرسي السفرة
- خلي استخدامك لكراسي السفرة وقت الأكل بس لأن الحركة الزيادة عليها بتضعف الرجول
- خليك حريص وإنت بتحرك كل قطعة من مكانها
- رش على الترابيزة بيكنج صودا بعد الاستخدام عشان تحسّن رائحتها وصمم غطاء قماش للكراسي عشان تحميها من الخدوش وتقلل فرص تجريحها
طريقة تنظيم السفرة
- الطول المناسب للمفرش لازم يبقى مش أكتر عن 30 سم من الجوانب وخليك حريص إن طول الجوانب يبقى مناسب ومش قصير
- لون المفرش ضروري يكون متناسق مع ديكور المكان والترابيزة وحطي بوكيه ورد صغير في النص لتجنب حجب الرؤية
- وزع الأطباق أمام كل شخص وحط سكينة ومعلقة يمين الطبق بحيث الجزء الحاد منها متجه لجوه والشوكة يسار الطبق
- حط كوب مياه مليان وكوب عصير يمين الطبق قدام السكينة والمعلقة ودورق مياه منتصف السفرة جنب الورد
- طبق فوطة الطعام على الطبق بطريقة سهلة الفك زي شكل المثلث
- استخدم الأطباق الفاخرة متماثلة الشكل والحجم ونضفيها من أي تراب
- قدم الشوربة والسلطات في أطباق عميقة مسبقا والأطعمة الرئيسية والجانبية في أطباق مسطحة حجمها مناسب مع كمية الأكل
- حط الأكل في أطباق سرفيس كبيرة ولو السفرة طويلة وحط كل نوع أكل في طبقين على جانبي السفرة
- كل طبق لازم يكون فيه معلقة كبيرة للغرف وحط الطبق الرئيسي في منتصف السفرة وباقي الأطباق حواليه
- اهتم بوجود أطباق كبيرة للسلطات عشان اللي عايز يزود وخلي الحلويات على جنب لوحدها أو على ترابيزة منفصلة
- لو هتحط القهوة نظّم مكوناتها في صينية واحدة جنب أطباق الحلويات
- وزع أطباق الحلويات على باقي السفرة وخصص طبق لكل نوع ويفضل يكون حجم الأطباق صغير
- أثناء تقديم القهوة ضروري تقدم الحلويات معاها في الطبق مع كمية حليب صغيرة عشان لو حد هيزوّد الكمية
